بسرعـــــــــة رواحو تشوفوا قريوش من بشار أكيد من يدي

[رباب08]

السلام عليكن اخواتي كيف احوالكن اتمنى ان تكن بخير
اليوم جبتلكم قريوش من مطبخي اتمنى ان يعجبكم اذا عجبكم خبروني نحط الوصفة والطريقة غدا ان شاء الله لاني الان تعبانة راكم عارفين القريوش يعيي
المقادير
1 كغ فرينة + مغرف صغيرة تاع خمارة الخبز +1 خمارة كيميائية نوارة +قرصة ملح و قرصة بيكربونات (اختياري ) وفاني تخلط المكونات الجافة
ثم نزيدو 150غ زبدة ذايبة و 30 سل تاع زيت تقريبا لما تخلطوهم مع بعض يعبرو كاس تاع قازوز (كبير ) تخلطو هذي اول خطوة
الخطوة الثانية انا كيلت بقابسة تاع زبدة صول 500غ ركزوا معايا رجااااءا تعبرو عند الخط الاول خل
وتزيدو 2 بيض و ماء دافئ تقريبا كاس كبير تاع قازوز
ملاحظة : كمية الماء تكون نفس كمية زبدة والزيت
طريقة التحضير تبسس العجينة ثم تعجن تترك لترتاح مدة نصف الى ساعة فجو معتدل يعني اذا كانت السخانة نصف ساعة برك
ثم تبداي فترقيق العجين بالالة اولا فرقم واحد مرتين ثم 3 ثم 6 كل مرة ترشي عليها شوية فرينة وهذا هو سر النجاح وتطويها على 2 وتكرري العملية 4 مرات ثم تحليها وتبداي فالتشكيل للاسف كنت وحدي وملقيتش لي يصور لي لما كنت نشكل
وتقلي فالزيت وتخليه يبرد لما تكملي قاع الكمية عسليه سخني العسل شوية
رح نعاوده قريبا لما تجي اختي المتزوجة لانه عجبها وراهي حابة تشوف الطريقة ورح اخليها تصور لما نكون نشكل ان شاء الله
نتمنى تفهمو الطريقة وان شاء الله تعرفو تشكلوه هو الاساس العجينة و طريقة الطي اي التوريق يجي هايل ومورق تقول العجينة المورقة اما
التشكيل نتمنى تكونو تعرفو طريقة التشكيل راهي ساهلة وان شاء الله تكونو تعرفوها

[COLOR="Blue"][SIZE="3"][I][B]نتمنى يعجبكم احبكم فالله Rababo

[hamsa1987]

يعطيك الصحة يبان هايل

[*أم ايمان*]

يعطيك صحة يا شطرة ومن فضلك الوصفة وشكرااااااااااااااااااااااااااااا

[manal01]

يعطيك الصحة اختي اممممم انا يحلى لي القريوش غير في العراس هههههههههه

[ساندي 28]

واو ينحي القلب ايه حطيلنا الوصفة وكيفاش درتي الشكل وشكرا اختيييييييييييييي

[zhor1970]

ممممممممممممممممممممممممممم روووووووووووعة والوصفة اكيد

[قطرة الربيع]

ما شاء الله

[الوهرانية 1]

الله يبارك اختي من القريوش من شكله يبان
وخيار القريوش المقرمش تبارك الله عليك
جاك تحفة

[رفيقة الدرب]

اختي الله يخليك اعطينا الوصفة لانه رائع واريدها في اقرب وقت ممكن وشكرا

[أم أبوبكر]

هايل .....هايل شاطرة بزاف نحب القريوش بزاف بصح مايخرجليش شباب كيما أنتاعك

[kakinova]

ماشاء الله يعطيك الصحة خرجلك هايل و يشي

[sasafede]

واوو هايل ممكن الوصفة+ الطريقة

[oum anas 69]

raw3aaaaa la recette svp

[sali-sali]

يعطيك الصحة

واكيد يا ريت تحطي الوصفة

[ام ملاك.]

اممممممممممممممم خرجلك روعة ماشاء الله بصحتكم ويعطيك الصحة