تشيز كيك ساااااهل ماهل من مطبخ أم كوثر

*أم كوثر* · 2012-08-06, 22:52

السلام عليكم ورحمة الله
صح فطوركم
تشيز كيك سااااهل ماهل ومن غير تشيز هههههههه وطعمه هااايل
المقادير
2 علب بسكويت اي نوع تحبوه مرحي
زبدة دايبة
100غ شانتيي
كاس حليب بارد
4 علب بتي سويس danino
كراميل وشوية معجون مشمش
2 اوراق جيلاتين
نفرك البسكويت المرحي بالزبدة ونحطة كطبقة اولى ونرصها مليح ونحطها في التلاجة تبرد
نطلع 100 غ شانتيي مع كاس حليب بارد جدا
نضيف البتي سويس ونخلط مليح
نطري الجيلاتين في الماء ومن بعد نذوبوه
الورقة الاولى نضيفها لخليط الشانتيي
ونحرك مليح وندير كطبقة تانية
الطبقة الاخيرة
2 مغارف كبار كراميل و2 مغارف كبار معجون مشماش ونحلهم مليح بشوية ماء ونزيدهم مغرف سكر باه نعدل المذاق
ونضيف لهم ورقة الجيلاتين التانية
ونخلط ونديرهم كطبقة تالتة
نحطها في الثلاجة تبرد وتقدم

genet80 · 2012-08-06, 22:56

mmmmmmmm raw3a ya3tik saha rani rayha ndjarbou

omrahim5 · 2012-08-06, 22:58

يعطيك الف صحة وعافية خرجلك يهبل بصحتكم. صح فطوركم وسحوركم

habiba12 · 2012-08-06, 22:58

صح فطورك ام كوثر تسلم الايدك على تشيز كيك غادي نجربه انشاء الله وشكرا

*أم كوثر* · 2012-08-06, 23:26

تسلموا اخواتي الف شكر
موفقات

boulanouar amira · 2012-08-06, 23:36

تكليه بالصحة و الهناء تشيز كيك يشهي ماشاء الله

سيرينا لبنينا · 2012-08-06, 23:49

يعطيك الصحة أختي
صح فطورك

حبيت نسقسيك على اوراق جيلاتين --- نطري الجيلاتين في الماء ومن بعد نذوبوه ----

يمكن تشرحيلي أكثر

نديروهم في ماء بارد .....

شكرا مسبفا ودمتي .