زواجي في خطر ساعدوني

مريومة دودي · 2012-12-20, 17:06

اليوم جاتني بنت طفلتي ف حالة مسكينة من راجلها كل مرة تكتشف بلي يهدر مع بنات ف التلفون و سمحت مرات حتى ماقدرتتش خلاص ولات تشك ف كل حاجة و اخر مرة اليوم واجهتو و قالها خلاص روحي لداركم بصح هي بالحمل ماهيش حابة تتطلق و تاني تحبو ماعرفتش واش الحل و ماهيش حابة تحكي لاهلها قالتلي شوفيلي حل وانا معنديش خبرة

hiba ahmed · 2012-12-20, 17:15

حبيبتي ربي يحسن عونها وهاد الوقت مكانش اللي متهنية بصح الخيانة مصيبة كبيرة وراها انواع ادا كانت قا هدرة انتاع تلفون تقلو عيب عليك وانا رني دايرة فيك الثقة وزاد حراام وبشوي بشوي رانا قاع سوفرينا في لول ومع العشرة يتولو وكي تجيبلو ذرية راه يسقم ويتعدل انشاءلله وربي يكون في العون

مريومة دودي · 2012-12-20, 17:32

شكرا حبيبتي بصح راها غايضتها عمرها ف كل مرة تسمحلو و كرامتها قدامو؟

امال مصطفى · 2012-12-20, 17:40

نطلب من الله هدايته انشاء الله واكثرى الدعاء فدعوة المضلوم مستجابة ولا تتسرعى قولى لها ان تعود لبيتها وتصبر عليه الصبر مفتاح الفرج

om tamtoma · 2012-12-20, 18:08

الا الطلاق مصيبة ,,هي غلطت كي قاتلو لوكان صبرت و بدلت الطريقة اكيد هي مقصرة في الاهتمام بنفسها اغرقيه بالحب وشراهم يعطولو هذوك البنات الهدرة الزينة و التدلاع و اصبري قليلها اللي صبرت دارها عمرت كيما قالو و ادعي ربي يهديه و راها الذرية تبدلو و ربي يكون في العون

تواصل الارواح · 2012-12-20, 18:21

انظري معي اذا اردت ان تجن مجنونا فافعل مثله ,اذا اردت ان تري لشخص طباعه فكن مرآته اذن مثلي دوره وانظري لردة فعله فاذا كان منفعل حدثيه قائلة لم تتقبل انت الامر وكيف تطلب مني تقبله ونحن في نفس الموقف فالذي احسست به كان احساسي ايضا تخطئ وتكرر الخطى بابعادي وطلاقي فغدا سيصبح لنا اولاد فاذا سالوني لماذا طلقت سيكون عار ان اخبرهم خطاك وانني انتظر النتيجة طمنيني

مريم الصابرة · 2012-12-20, 19:38

السلام عليكم اختي
هي صعبة وزاف وربي يكون معاها كان من المفروض م تقولوش تستخدم الذكاء فالتعامل معاه صح واعرة عليها لكن الضغط يولد الإنفجار هو راه زاهي برا وتزيد هي المشاكل يويد يكرها ويبعد عليها من المفروض تشوف هي واش دارت وما تقوليليش متهلية فيه وكذا وكذا عارفة اعب الخداعين عندهم هذي غريزة لكن لازمها هي تحافظ على دارها وم توصلش المشاكل اللي بينها وبين زوجها لأهلها
من رأي تقعد وتحاول بأي طريقة تتقرب من زوجها تهتم بمظهرها وبدارها ويولي هو ينشد ليها وتزيد مهم قالها تسكت وتتحمل يعيا ويولي لمرتو ويندم وفالاخير راحا تزرع نتيجة صبرها ربي يكون معاها ويهديه موفقة

ام ايمان16 · 2012-12-20, 20:04

اقتباس:

المشاركة الأصلية كتبت بواسطة hiba ahmed

حبيبتي ربي يحسن عونها وهاد الوقت مكانش اللي متهنية بصح الخيانة مصيبة كبيرة وراها انواع ادا كانت قا هدرة انتاع تلفون تقلو عيب عليك وانا رني دايرة فيك الثقة وزاد حراام وبشوي بشوي رانا قاع سوفرينا في لول ومع العشرة يتولو وكي تجيبلو ذرية راه يسقم ويتعدل انشاءلله وربي يكون في العون

كيما قالت الاخت:hiba ahmed
قد تكون هناك مشاكل زواج في الاعوام الاولى وان شاء الله يسقم كي يجوهم الذراري

اما الطلاق فقوليلها تخليه اخر الحلول اذا حاولت تصلح الامور وماقدرتش واصبح الامر فوق طاقتها

وربي يصلح الاحوال ان شاء الله

شاملة لينة · 2012-12-20, 20:39

اقتباس:

المشاركة الأصلية كتبت بواسطة تواصل الارواح

انظري معي اذا اردت ان تجن مجنونا فافعل مثله ,اذا اردت ان تري لشخص طباعه فكن مرآته اذن مثلي دوره وانظري لردة فعله فاذا كان منفعل حدثيه قائلة لم تتقبل انت الامر وكيف تطلب مني تقبله ونحن في نفس الموقف فالذي احسست به كان احساسي ايضا تخطئ وتكرر الخطى بابعادي وطلاقي فغدا سيصبح لنا اولاد فاذا سالوني لماذا طلقت سيكون عار ان اخبرهم خطاك وانني انتظر النتيجة طمنيني

رأي غير صائب... كيف تنصحينها أن تفعل مثل ما فعل زوجها ولو كان الأمر فقط من باب التمثيل...
كرامة الرجل لا تسمح بتقبل هذا أبدا....
إن طبقت نصيحتك قد ينقلب الأمر عليها تماما وبدل أن تكون مظلومة بريئة تصبح ظالمة خائنة.........
( يا أختي إنه الرجل الجزائري وليس مهرجا في فيلم تشاهدينه على شاشة التلفاز)
وفقك الله

ام ايمان16 · 2012-12-20, 20:51

اقتباس:

المشاركة الأصلية كتبت بواسطة شاملة لينة

رأي غير صائب... كيف تنصحينها أن تفعل مثل ما فعل زوجها ولو كان الأمر فقط من باب التمثيل...
كرامة الرجل لا تسمح بتقبل هذا أبدا....
إن طبقت نصيحتك قد ينقلب الأمر عليها تماما وبدل أن تكون مظلومة بريئة تصبح ظالمة خائنة.........
( يا أختي إنه الرجل الجزائري وليس مهرجا في فيلم تشاهدينه على شاشة التلفاز)
وفقك الله

انا معك اختي في القول انه لايجب ان تفعل هذه الزوجة مثلما يفعل زوجها ولو تمثيلا

اسمحيلي فقط لانه استوقفتني كلمة قلتيها وهي(كرامة الرجل لا تسمح بتقبل هذا أبدا....)

لااضن ان رجلا يخون زوجته يتحلى بصفة اسمها(كرامة) لكي نستطيع ان نقول كرامته لاتسمح؟
فلو كانت له كرامة لعرف كيف يحافظ عليها بعدم تشويه سمعته واصبح يسمى بالخائن

تقبلي مروري اختي
شكرا

sali-sali · 2012-12-20, 21:10

تحاول تحكي معاه و تحكي باسلوب و دكاء

loulou02 · 2012-12-21, 15:38

ربي يهديه و يصلح أحواله ، أنا ننصحك تتهلي شوي في روحك يعني إهتمي بمظهرك ، شعرك ، مكياجك ، ملابسك ، نظافتك ،حتى ما تروح عين زوجك للشارع ، راكي تعرفي الدنيا كي راهي برا ، إملا ماتعطيهش فرصة ، مادابيك كي يرجع من العمل إلى البيت يشوفك في أحلى صورة ، و مرة على مرة تدللي عليه ، سمعيه كلام حلو ، كوني حنينة معاه ، إتهلي فيه ، طيبيله الأكلات لي يحبها ، ما تنسايش تعيطيله كي يكون في العمل تطمني عليه .......، إلى جانب كل هذا أكثري من الإستغفار بنية يصلح حال زوجك و يهذيه و لا تنسي الدعاء بعد كل صلاة ، و ربي يفرج عليك أختي و يصلحلك زوجك و يلتم شملكم .

panpouna · 2012-12-22, 16:49

راكم تقولو لازم تهتم بمظهرها لكن اعرف نساءا كثر لم يفصرو لا من جهة المظهر ولا من جهة نظافتهم ونظافة البيت والاولاد وتفننو في محاولة اسعاد ازواجهم و رغم دلك خانوهم..خيانة الرجل ليست سببها زوجته بل سببها عقليته الفاسدة فكم من رجل زوجته لا تهتم بنفسها ولا بيتها و رغم دلك لا يخونها الرجال انواع منهم الرجل الوفي والرجل الدي تجري الخيانة في دمه..قولي لصحبتك تصبر شوية و تحكم عليه دليل وتواجهو وادا ما اعترفش وما بطلش هاد العادة تروح لبيت اهلها وتحكيلهم واش راه يدير وادا لزم الحال تروح لاهله وربي يفرج عليها ان شاء الله

تواصل الارواح · 2012-12-22, 22:19

رأي غير صائب... كيف تنصحينها أن تفعل مثل ما فعل زوجها ولو كان الأمر فقط من باب التمثيل...
كرامة الرجل لا تسمح بتقبل هذا أبدا....
إن طبقت نصيحتك قد ينقلب الأمر عليها تماما وبدل أن تكون مظلومة بريئة تصبح ظالمة خائنة.........
( يا أختي إنه الرجل الجزائري وليس مهرجا في فيلم تشاهدينه على شاشة التلفاز)
وفقك الله
[COLOR="Plum"]الى الاخت شاملة لينة ,نصحتها من باب انقاذ زواجها باي طريقة ومن حقها ان تعمل بالنصيحة او لا وهذا ماكنت ساعمل به في حين لم تكن كل الحلول مجدية فانا لم اقل لها ان تفعل مثله فقد قال الشاعر تنهى عن خلق وتاتي بمثله ,,,,,,,,حرام عليك ان فعلت عظيم ,فهذا من عمل الشيطان تشتكي منه واقول لها ان تفعل مثله قلت لها ان تمثل ما كان يفعل فعلى الانسان احيانا ان يتخلى عن بعض مبادئه ليعيد المياه لمجاريها ,فالانسان لايحس بالالام التي سببها للاخرين الا اذا وقع في نفس الموقف وهذا المبدا الذي اعتمدته في كلامي ,ملاحظه لست من هواة التلفاز ولا الافلام وكلامي ليس دراما تركية ولا سورية ولا غيرها وشكرا [OLOR]

الدر المكنون · 2012-12-23, 00:03

الحل في يدها هي تشوف واش ناقصو وتكسب زوجها بالملاحة والظرافة هي اولى من بنات الشارع