رأي أستاذ جديد ساخط على أوضاع التعليم الإبتدائي

[culturel]

السلام على الأساتذة الكرام...

و الله يا إخواني الأعزاء...مضت مدة طويلة منذ أن كتبت موضوعا في منتدانا الغالي و لاكني حالما لمحت موضوع الأخت الكريمة "حملاوي سارة" بارك الله فيها...ارتأيت أن أدلي بدلوي في موضوع جديد أين سأحاول وضع الأصبع على الجرح و سرد تجربتي الحديثة نسبيا لعلنا نصل إلى حل لأوضاعنا المزرية كأساتذة للتعليم الإبتدائي.

و الله يا أحبابي...واش راح نحكيلكم و واش راح نخلي...الحديث عن أوضاع أساتذة التعليم الإبتدائي يحتاج إلى أكثر من موضوع نظرا لحالة البؤس و الشقاء اللتي نعيشها يوميا و اللتي لا يبدو أنها ستنتهي قريبا...المهم ندخل في المفيد كيما نقولوا بالعامية :

أنا أستاذ لغة فرنسية حاصل على شهادة ليسانس و ماستر في اللغة الفرنسية توظفت منذ عامين بمسابقة كتابية نجحت فيها بامتياز و كنت على رأس قائمة الناجحين....كنت واثقا بقدراتي المعرفية ( يا جماعة الخير عندكم تقولو راه يشكر في روحو...هههه).....لا علينا....علابالي بلي راكم تقولوا علاش ما شاركتش في الطور المتوسط و لا الثانوي ؟...نجاوبكم و علاش....بالنسبة للطور المتوسط فهو طور صعيب معمر بالمراهقين...و أنا بطبعي شديد النرفزة و علابالي بلي قادر نقتل واحد و نكملها في الحبس....نعرف روحي مليح.....أما بالنسبة للطور الثانوي...المناصب كانت قليلة بزاف و بالعربية ما حبيتش نريسكي و نضيع الفرصة لذلك توجهت إلى الإبتدائي لوفرة المناصب و بالتالي حظوظ أكبر...و يا ليتني لم أفعل....كانت غلطة حياتي عنذما دخلت مجال التعليم البائس...و لكن واش راح ندير....الخدمة ولات صعيبة في بلادنا...لازمك تشد في أي بوسط يصحلك...تموت بالشر و لا كيفاش ؟ لازمك تخدم...ولا عندكم رأي آخر ؟.

دخلت للتعليم و أنا جد متحمس عزمت نخدم كيما نقولو حنا " قلب و رب"...لكني اصطدمت بالواقع المرير اللذي يعيشه قطاع التعليم الإبتدائي في بلادنا...حقرة ما بعدها حقرة....الآن فهمت لماذا كان الأساتذة يضربون....الآن فهمت لماذا كان الأساتذة ينتفضون....الآن فهمت لماذا أغلبية الأساتذة مصابون بالأمراض المزمنة...تلقاه عندو 35 سنة و شعرو أبيض و هو مبهدل كأنه متشرد مع احترامي للإساتذة الأجلاء.....كنا دائما نتهم الأساتذة بالجشع و الطمع...لكننا كنا مخطئين أشد الخطأ....نهار دخلت للتعليم شفت و عشت الحقيقة و عرفت واش كاين...و هذي شهادتي للناس اللي مزالها تشرك في فوامها وتزايد على الأساتذة الكرام و اللذين أنحني اليوم لهم إجلالا و أقول لهم....سامحوني فلم أقدر معاناتكم حق قدرها...فعذرا أستاذي الكريم.

الآن نقولكم لماذا أعتبر أساتذة الإبتدائي بؤساء و أنا منهم....راتب هزيل و خاصة إذا كنت جديد...راحت عليك...كيفاش يا عجابة...ليسانس مصنف في السلم 11 براتب 31000 دج...واحد يخدم عساس بلا مستوى بلا والو نهار كامل و هو مريح و في الليل راقدة و تمونجي يدي 40000 دج ؟؟؟؟؟.....كارثة بكل المقاييس...زيذ الناس كامل كي تخلص الخدمة تروح ترقد في دارها و أنت تروح تحضر المذكرات اللعينة...كرهت التحضير المنزلي كيما عمري ما كرهت حاجة في هذي الدنيا....و المشكل لكبير يا حبيبي هو الترقيات البطيئة...باش تترقى في الدرجات لازم يشيب شعرك و تولي مهبول هذا إذا وصلت ل 50000 دج قبل ما تموت....و خاوتك يجيبو في 10 ملاين في نهار و عندما تتقاعد....هذا إذا وصلت و ما توفيتش و إذا ما حكمكش مرض الألزايمر...

المدير يحكم بحكامو....المفتش ديكتاتور يتحكم في رقاب الناس...الأولياء من جهة...التلاميذ الهاملين اللي واحد ما راه يسأل عليهم من جهة...التحضير ...الوثائق....المطعم...العلم....الساحة....كارثة يا خاوتي...و الله كارثة.

نهدر على روحي شوية....أنا من طبعي ديجا منيرفي و ما نحبش الذل و الخضوع و الخنوع لأي كان...و نضارب لأتفه الأسباب...نهار دخلت للمدرسة لأول مرة ديجا كروشيت مع المدير (سمحولي نخلط شوية بالدارجة باش نوصل الفكرة) كان عندنا مدير ديكتاتوري لكني وضعته عند حده...لم أنفذ أي أمر صادر من عنده منذ بدأت العمل...أتذكر يوما بأنني غضبت غضبا شديدا و كنت الوحيد بين الأساتذة اللذي تمردت على قرارات المدير...كان الجميع خائفين و خاضعين للمدير إلا أنا مع أنني الأصغر سنا و الأحدث عملا...سبب الغضب كان منحة المردودية اللتي كان المدير يزبرها كأنه راح يخلص من جيب أبوه...لكنني كنت له بالمرصاد...قلت له في ذالك اليوم...إن لم آخذها كاملة فسوف أقتلك...سأرمي بك من الشرفة و أدخل السجن غير آسف....و صدقوني لقد تملكه الرعب و منذ ذلك الحين أصبح يتجاهلني و أصبحت المردودية كاملة غير منقوصة...صدقوني يا إخواني بلادنا بلاد قوة و دبزة و معارف...لازمك تكون قوي و قادر على شقاك و إلا سوف يلتهمونك بلا رحمة و لا شفقة....أما عن المفتش فحدث و لا حرج....ديجا نقولكم علاش دارو منصب مفتش....المفتش خلق ليعذب عباد الله و يكسرلهم راسهم...الناس في الدول المتقدمة يحاسبوا على الملموس و يحوسوا على الآداء...و احنا يجيك على صباح ربي يقولك...أعطني الكراس اليومي و الوثائق اللتي لا تسمن و لا تغني من جوع....المهم يصيبلك عفسة يفسدلك بيها نهارك...أنا عن نفسي طردته مرتين من القسم و قلت له بالحرف الواحد....روح تشكي للمديرية ؟؟؟ الله غالب صاحبكم مهبول...كنت نحوس على أي فرصة نفتعل فيها مشكل مع كاش مسؤول باش نبطل و نرميلو الإستقالة في وجهو.....ربي شاهد كنت نخدم مليار مع لولاد...درستهم أحسن تدريس...لكني كنت على خلاف مع الإدارة....العجيب في الأمر أنه عندما تجيب نتائج ملاح مع التلاميذ واحد ما يقولك صحيت....بصح إلا كانو النتائج ماش ملاح...راحت عليك...تبدا المراسلات تتهاطل عليك من كل حدب و صوب....و يلسقولك جميع مشاكل العالم...الحقرة بأتم معنى الكلمة....

هذي كامل بلاما نهدرو على المطعم و النشاطات تاع الخرطي اللي ما فيها لا فايدة لا مستقبل...أصبحنا مربين تاع حضانة و ليس أساتذة....و رغم كثرة الأعمال...حنا هما لخرين في لخلاص....يعطولنا زوج دورو و يقولونا ربيو الذراري تاع الشعب اللي هو كيما راه لازملو تربية من جديد.....أتذكر أنني سألت أحد الأساتذة كيف صبر على هذا العمل طيلة أكثر من 20 سنة دون أن يجن و يروح فيها...قلت له أنا عامين راني رايح نقطع شعر راسي...أجابني بإجابة نموذجية و نمطية كالعادة و اللتي اعتبرتها لغة خشب و تبلعيط لا تسمن و لا تغني من جوع....

هذا النوع من الإجابات سمعته كثيرا و هو بمثابة إنهزام و استسلام أمام مسؤولين حطموا ما تبقى من المدرسة الجزائرية و هو على شاكلة :

التعليم رسالة نبيلة ؟؟؟ و الصبر في سبيل نشر العلم و المعرفة ؟؟؟ أنا راض عن مسيرتي المهنية ؟؟؟ أنا أفتخر بكوني معلم للأجيال؟؟؟.....بركاونا يارحم والديكم من الخرطي و الهدرة اللي ما توكلش الخبز....نقولك حاجة...الأجيال والله ما سامعة بيك و ماعلابالها وين راك تبات....علابالك...تموت وحدك و يدفنوك وحدك و واحد ما يسمع بيك....قالك الرسالة....الناس راهي في الفضاء تبني في عوالم جديدة و أنت أقعد في الرسالة النبيلة تاعك...العلم و المعرفة في الوقت هذا راه في التكنولوجيا الحديثة ماش بالطبشور و السبورة...واش ديرنا احنا...واش اخترعنا...من 62 و احنا في الرسالة النبيلة حتى أصبحنا في مؤخرة الأجناس....الناس راها تضحك علينا...و احنا مازلنا في لغة الخشب...نتمسخرو بالغاشي بمثل هذا الكلام تاع المقروط الناشف....شوف لعمرك...30 سنة تعليم ما ديرت في حياتك والو...الفقر و الميزيرية و حتى تكريم من المديرية و لا من الوزارة مكانش و ممبعد تقولي الرسالة النبيلة...أنا نقولكم حاجة...اللي يزيد يقولي الرسالة النبيلة نضربو بكف على وجهو....

هذا الذل و الهوان...هو بسبب الأساتذة أنفسهم...لماذا تسمح لمدير أن يهينك...لماذا ترضخ للمفتش...قم و طالب بحقك...لا تخف...في الإتحاد قوة....كل واحد جابذ روحو...سي نورمال يقوى الظلم....زيد كاين مشكل واحد آخر....التعليم مسيطر عليه العنصر النسوي...بصحتهم...لكن هذا أثر على القطاع كثيرا...لأن المرأة بطبعها تخاف و تنفذ الأوامر بدون نقاش خاصة إذا هددتها بالشهرية...توشيلها في عينيها و ما توشيلهاش الشهرية...و المديرين عارفين هاذ الشيء لهذا هم يتحكمون في الوضع....لازم التكاتف باش نحسنوا من أوضاعنا...

المهم يا جماعة و الله غير عييت من الكتابة...قلبي معمر و مزال ما فرغش.....الحمد لله تحصلت على فيزا...و راني رايح نستقيل قريبا و نخطي هاذ لبلاد بالاك يطلع علينا النهار في بلاد الناس....عامين في التدريس بزاف....مرض راسي و عيا دماغي....بركات...لا أريد أن أصبح مثل المعلمين المتقاعدين...لا قدر و لا اعتراف بالجميل و لا والو...منسيين لا أحد يعرفهم و الدولة حاقرتهم....و زيد التاويل مكانش....مهنة البؤساء و الأشقياء.

في الأخير...أعذروني على الألفاظ القاسية لكنها الحقيقة....لعل الكلام بهذه القسوة يحرك الضمائر و يحث النفوس على المطالبة بحقوقها عوض التغني بالأمجاد التي أكل عليها الدهر و شرب....و شكرا.

[دعاء المحبوبة]

المشاركة الأصلية كتبت بواسطة culturel

السلام على الأساتذة الكرام...

و الله يا إخواني الأعزاء...مضت مدة طويلة منذ أن كتبت موضوعا في منتدانا الغالي و لاكني حالما لمحت موضوع الأخت الكريمة "حملاوي سارة" بارك الله فيها...ارتأيت أن أدلي بدلوي في موضوع جديد أين سأحاول وضع الأصبع على الجرح و سرد تجربتي الحديثة نسبيا لعلنا نصل إلى حل لأوضاعنا المزرية كأساتذة للتعليم الإبتدائي.

و الله يا أحبابي...واش راح نحكيلكم و واش راح نخلي...الحديث عن أوضاع أساتذة التعليم الإبتدائي يحتاج إلى أكثر من موضوع نظرا لحالة البؤس و الشقاء اللتي نعيشها يوميا و اللتي لا يبدو أنها ستنتهي قريبا...المهم ندخل في المفيد كيما نقولوا بالعامية :

أنا أستاذ لغة فرنسية حاصل على شهادة ليسانس و ماستر في اللغة الفرنسية توظفت منذ عامين بمسابقة كتابية نجحت فيها بامتياز و كنت على رأس قائمة الناجحين....كنت واثقا بقدراتي المعرفية ( يا جماعة الخير عندكم تقولو راه يشكر في روحو...هههه).....لا علينا....علابالي بلي راكم تقولوا علاش ما شاركتش في الطور المتوسط و لا الثانوي ؟...نجاوبكم و علاش....بالنسبة للطور المتوسط فهو طور صعيب معمر بالمراهقين...و أنا بطبعي شديد النرفزة و علابالي بلي قادر نقتل واحد و نكملها في الحبس....نعرف روحي مليح.....أما بالنسبة للطور الثانوي...المناصب كانت قليلة بزاف و بالعربية ما حبيتش نريسكي و نضيع الفرصة لذلك توجهت إلى الإبتدائي لوفرة المناصب و بالتالي حظوظ أكبر...و يا ليتني لم أفعل....كانت غلطة حياتي عنذما دخلت مجال التعليم البائس...و لكن واش راح ندير....الخدمة ولات صعيبة في بلادنا...لازمك تشد في أي بوسط يصحلك...تموت بالشر و لا كيفاش ؟ لازمك تخدم...ولا عندكم رأي آخر ؟.

دخلت للتعليم و أنا جد متحمس عزمت نخدم كيما نقولو حنا " قلب و رب"...لكني اصطدمت بالواقع المرير اللذي يعيشه قطاع التعليم الإبتدائي في بلادنا...حقرة ما بعدها حقرة....الآن فهمت لماذا كان الأساتذة يضربون....الآن فهمت لماذا كان الأساتذة ينتفضون....الآن فهمت لماذا أغلبية الأساتذة مصابون بالأمراض المزمنة...تلقاه عندو 35 سنة و شعرو أبيض و هو مبهدل كأنه متشرد مع احترامي للإساتذة الأجلاء.....كنا دائما نتهم الأساتذة بالجشع و الطمع...لكننا كنا مخطئين أشد الخطأ....نهار دخلت للتعليم شفت و عشت الحقيقة و عرفت واش كاين...و هذي شهادتي للناس اللي مزالها تشرك في فوامها وتزايد على الأساتذة الكرام و اللذين أنحني اليوم لهم إجلالا و أقول لهم....سامحوني فلم أقدر معاناتكم حق قدرها...فعذرا أستاذي الكريم.

الآن نقولكم لماذا أعتبر أساتذة الإبتدائي بؤساء و أنا منهم....راتب هزيل و خاصة إذا كنت جديد...راحت عليك...كيفاش يا عجابة...ليسانس مصنف في السلم 11 براتب 31000 دج...واحد يخدم عساس بلا مستوى بلا والو نهار كامل و هو مريح و في الليل راقدة و تمونجي يدي 40000 دج ؟؟؟؟؟.....كارثة بكل المقاييس...زيذ الناس كامل كي تخلص الخدمة تروح ترقد في دارها و أنت تروح تحضر المذكرات اللعينة...كرهت التحضير المنزلي كيما عمري ما كرهت حاجة في هذي الدنيا....و المشكل لكبير يا حبيبي هو الترقيات البطيئة...باش تترقى في الدرجات لازم يشيب شعرك و تولي مهبول هذا إذا وصلت ل 50000 دج قبل ما تموت....و خاوتك يجيبو في 10 ملاين في نهار و عندما تتقاعد....هذا إذا وصلت و ما توفيتش و إذا ما حكمكش مرض الألزايمر...

المدير يحكم بحكامو....المفتش ديكتاتور يتحكم في رقاب الناس...الأولياء من جهة...التلاميذ الهاملين اللي واحد ما راه يسأل عليهم من جهة...التحضير ...الوثائق....المطعم...العلم....الساحة....كارثة يا خاوتي...و الله كارثة.

نهدر على روحي شوية....أنا من طبعي ديجا منيرفي و ما نحبش الذل و الخضوع و الخنوع لأي كان...و نضارب لأتفه الأسباب...نهار دخلت للمدرسة لأول مرة ديجا كروشيت مع المدير (سمحولي نخلط شوية بالدارجة باش نوصل الفكرة) كان عندنا مدير ديكتاتوري لكني وضعته عند حده...لم أنفذ أي أمر صادر من عنده منذ بدأت العمل...أتذكر يوما بأنني غضبت غضبا شديدا و كنت الوحيد بين الأساتذة اللذي تمردت على قرارات المدير...كان الجميع خائفين و خاضعين للمدير إلا أنا مع أنني الأصغر سنا و الأحدث عملا...سبب الغضب كان منحة المردودية اللتي كان المدير يزبرها كأنه راح يخلص من جيب أبوه...لكنني كنت له بالمرصاد...قلت له في ذالك اليوم...إن لم آخذها كاملة فسوف أقتلك...سأرمي بك من الشرفة و أدخل السجن غير آسف....و صدقوني لقد تملكه الرعب و منذ ذلك الحين أصبح يتجاهلني و أصبحت المردودية كاملة غير منقوصة...صدقوني يا إخواني بلادنا بلاد قوة و دبزة و معارف...لازمك تكون قوي و قادر على شقاك و إلا سوف يلتهمونك بلا رحمة و لا شفقة....أما عن المفتش فحدث و لا حرج....ديجا نقولكم علاش دارو منصب مفتش....المفتش خلق ليعذب عباد الله و يكسرلهم راسهم...الناس في الدول المتقدمة يحاسبوا على الملموس و يحوسوا على الآداء...و احنا يجيك على صباح ربي يقولك...أعطني الكراس اليومي و الوثائق اللتي لا تسمن و لا تغني من جوع....المهم يصيبلك عفسة يفسدلك بيها نهارك...أنا عن نفسي طردته مرتين من القسم و قلت له بالحرف الواحد....روح تشكي للمديرية ؟؟؟ الله غالب صاحبكم مهبول...كنت نحوس على أي فرصة نفتعل فيها مشكل مع كاش مسؤول باش نبطل و نرميلو الإستقالة في وجهو.....ربي شاهد كنت نخدم مليار مع لولاد...درستهم أحسن تدريس...لكني كنت على خلاف مع الإدارة....العجيب في الأمر أنه عندما تجيب نتائج ملاح مع التلاميذ واحد ما يقولك صحيت....بصح إلا كانو النتائج ماش ملاح...راحت عليك...تبدا المراسلات تتهاطل عليك من كل حدب و صوب....و يلسقولك جميع مشاكل العالم...الحقرة بأتم معنى الكلمة....

هذي كامل بلاما نهدرو على المطعم و النشاطات تاع الخرطي اللي ما فيها لا فايدة لا مستقبل...أصبحنا مربين تاع حضانة و ليس أساتذة....و رغم كثرة الأعمال...حنا هما لخرين في لخلاص....يعطولنا زوج دورو و يقولونا ربيو الذراري تاع الشعب اللي هو كيما راه لازملو تربية من جديد.....أتذكر أنني سألت أحد الأساتذة كيف صبر على هذا العمل طيلة أكثر من 20 سنة دون أن يجن و يروح فيها...قلت له أنا عامين راني رايح نقطع شعر راسي...أجابني بإجابة نموذجية و نمطية كالعادة و اللتي اعتبرتها لغة خشب و تبلعيط لا تسمن و لا تغني من جوع....

هذا النوع من الإجابات سمعته كثيرا و هو بمثابة إنهزام و استسلام أمام مسؤولين حطموا ما تبقى من المدرسة الجزائرية و هو على شاكلة :

التعليم رسالة نبيلة ؟؟؟ و الصبر في سبيل نشر العلم و المعرفة ؟؟؟ أنا راض عن مسيرتي المهنية ؟؟؟ أنا أفتخر بكوني معلم للأجيال؟؟؟.....بركاونا يارحم والديكم من الخرطي و الهدرة اللي ما توكلش الخبز....نقولك حاجة...الأجيال والله ما سامعة بيك و ماعلابالها وين راك تبات....علابالك...تموت وحدك و يدفنوك وحدك و واحد ما يسمع بيك....قالك الرسالة....الناس راهي في الفضاء تبني في عوالم جديدة و أنت أقعد في الرسالة النبيلة تاعك...العلم و المعرفة في الوقت هذا راه في التكنولوجيا الحديثة ماش بالطبشور و السبورة...واش ديرنا احنا...واش اخترعنا...من 62 و احنا في الرسالة النبيلة حتى أصبحنا في مؤخرة الأجناس....الناس راها تضحك علينا...و احنا مازلنا في لغة الخشب...نتمسخرو بالغاشي بمثل هذا الكلام تاع المقروط الناشف....شوف لعمرك...30 سنة تعليم ما ديرت في حياتك والو...الفقر و الميزيرية و حتى تكريم من المديرية و لا من الوزارة مكانش و ممبعد تقولي الرسالة النبيلة...أنا نقولكم حاجة...اللي يزيد يقولي الرسالة النبيلة نضربو بكف على وجهو....

هذا الذل و الهوان...هو بسبب الأساتذة أنفسهم...لماذا تسمح لمدير أن يهينك...لماذا ترضخ للمفتش...قم و طالب بحقك...لا تخف...في الإتحاد قوة....كل واحد جابذ روحو...سي نورمال يقوى الظلم....زيد كاين مشكل واحد آخر....التعليم مسيطر عليه العنصر النسوي...بصحتهم...لكن هذا أثر على القطاع كثيرا...لأن المرأة بطبعها تخاف و تنفذ الأوامر بدون نقاش خاصة إذا هددتها بالشهرية...توشيلها في عينيها و ما توشيلهاش الشهرية...و المديرين عارفين هاذ الشيء لهذا هم يتحكمون في الوضع....لازم التكاتف باش نحسنوا من أوضاعنا...

المهم يا جماعة و الله غير عييت من الكتابة...قلبي معمر و مزال ما فرغش.....الحمد لله تحصلت على فيزا...و راني رايح نستقيل قريبا و نخطي هاذ لبلاد بالاك يطلع علينا النهار في بلاد الناس....عامين في التدريس بزاف....مرض راسي و عيا دماغي....بركات...لا أريد أن أصبح مثل المعلمين المتقاعدين...لا قدر و لا اعتراف بالجميل و لا والو...منسيين لا أحد يعرفهم و الدولة حاقرتهم....و زيد التاويل مكانش....مهنة البؤساء و الأشقياء.

في الأخير...أعذروني على الألفاظ القاسية لكنها الحقيقة....لعل الكلام بهذه القسوة يحرك الضمائر و يحث النفوس على المطالبة بحقوقها عوض التغني بالأمجاد التي أكل عليها الدهر و شرب....و شكرا.

المنصب الذي نشغله يتمناه كثيرون
اذا لم يكن التعليم رسالة نبيلة، فما هـــــــــــــــــــو؟
كيف تطلب منا أن نتكاتف ، وأنت أول المنسحبين؟
أكيد البداية تكون صعبة، ولا أنكر أني في عامي الأول كدت أفقد عقلي من محيط عملي، الحمد لله، ربي سخر لي أشخاصا أخذوا بيدي وأعانوني، بفضل الله ثم بفضلهم تجاوزت هذه المرحلة ، وتعلمت من تجربتي وطورت من نفسي.