سؤال بخصوص حصر مواد الباكالوريا

[محارب الحمق]

المشاركة الأصلية كتبت بواسطة from hell

اقرا الموضوع هذا ..
ان اردت تجاوز المقدمة .. لكن فحوى الموضوع فيها الرسمي وزبدة الباك ،، كل شيء ملخص وفيه كل ما تحتاجه
https://www.djelfa.info/vb/showthread.php?t=2131851

بارك الله فيك موضوع أكثر من رائع. لكنه يركز على التلخيصات التي نحتاجها بالتأكيد. ما أريده وما أريد أن أركز عليه هو تلخيص التلخيص. بمعنا اننا نريد التركيز على تلخيصات مواضيع معينة. كمثال, في مادة العلوم: يكتفي الطالب بوحدة البروتين والمناعة والطاقة أو وحدة التركيب الضوئي والأنزيمات (حسب ما قالته الأخت إيناس) وهكذا دواليك في كل مادة. شكرا مجدد رابط أكثر من رائع

[إينَاس]

المشاركة الأصلية كتبت بواسطة محارب الحمق

هل هذا يعني أن موضوع الأنزيمات ليس مرتبط بموضوع البروتين الطاقة والمناعة؟ شكر جزيلا على التفاعل

نعم تماما ...
هذا العام يقولون أن الجيولوجيا داخلة و هو مجال جد سهل .. فقط ساعتين تنتهي منو ( الجيولوجيا في العلوم )
ننصحك في العلوم بحل تمارين بوالريش أحمد + حل البكالوريات السابقة (وهي الأهم)


تاريخ مثلا يوجد 3 محاور واحد تع الحرب للباردة و الآخر تع الجزائر و الأخير تع حركات التحرر و القضية الفلسطينية
في كل عامل يجو زوج مواضيع من 3 محاور
ودائما محور الجزائر موجود ( لكن يقولو أنو ما يعطوش عليه النقاط بالزاف )
المهم حاب تضمن بسهولة ؟ احفظ المجالين لولين فقط
لأنو التوقعات تقول أنو المجال 1 جاي أكيد و الله أعلم
اذا جاك المجال 3 اهرب للجزائر و خلاص على الأقل اضمن 10


الجغرافيا أفادتك الأخت المعادلة الصعبة " يتعاودوا بزاف القمح والبترول و الدروس تاع الو.م.ا و الاتحاد الاوروبي و التنينات الاربعه


نجيك للفلسفة :
المقالات المتوقعة هي :
المشكلة و الاشكالية : مقارنة بينهما أو مقارنة بين الدهشة و الاحراج
يقينية الرياضيات : هل الرياضيات يقينية أم نسبية ؟
أصل الرياضيات : هل أصل الرياضيات عقلي أم تجريبي (حسي) ؟
العلوم البيولوجية : هل يمكن تطبيق المنهج التجريبي على المادة الحية ؟
و باحتمال أضعف ممكن تدخل العلوم الانسانية

يمكنك الحصول على جميع المقالات من هنا

https://eddirasa.com/forum/t2535/


بالنسبة للأدب عندك موضوع شعر و موضوع نثر .. حل البكالوريات تتهنى منها
الفرنسية عندك دائما موضوع تاريخي (مصطلحاته متكررة ) و موضوع يكون حجاجي او نداء و على الأغلب داخل الحجاجي
تاني نقول لك حل البكالوريات
الانجليزية عندك مجال الفساد (رشوة و ابتزاز و غيره ) و مجال الطعام و الأكل الصحي و مجال الفضاء
راجع زوج مجالات يجيك واحد منهم على الأقل
تاني نقول لك البكالوريات

الفيزيك راجع النووي و الكهرباء و الميكانيك تضمنها فوق المعدل إن شاء الله
ننصحك بالأستاذ شريفي ابحث عنو في النت و حل معاه سلاسلو و اتخلص منها


رياضيات شوف روح للأستاذ نور الدين يتحل المشكل تاعها
لكنها تحتاج تفرغلها وقتك كامل و في الأخير لا تتوقع فوق 15
تحتاج لدراسة طويلة جدا
(درك الأعضاء ياكلوني على هذا الكلام )
بالصح صدقني عن تجربة أتحدث
لكن الأهم هو حل البكالوريات مع الأستاذ نور الدين لأن الاسئلة تتكرر
اذا حبيت تركز على حاجة ركز على : الأعدد المركبة ، الاحتمالات و الدوال ( أسية لوغاريتمية و عددية أيضا )
اذا بقالك وقت شوف المتتاليات أيضا


وش بقى ؟
الشريعة
شوف هذا الموضوع مفيد :
https://www.djelfa.info/vb/showthread.php?t=2132847

بالنسبة للدروس المتوقعة أنصحك بالابتعاد عنها في الشريعة
عندك ملخص للأستاذ فوزي غراب على شكل خرائط ذهنية
يومين أو 3 بالكثير تنتهي من الشريعة كاملة

بالتوفيق أخي

[unknown person 1]

عام السنة ممكن يتبدل موضوع العلوم لانو الشكل تاع التمارين تبدل عندك التمرين واحد الاغلب انو يديروه تركيب بروتين او اتصال عصبي و بشكل اقل تركيب ضوئي و المناعة تلقاها في التمرين 2 او 3 ركز على هاذ الوحدات و اذا قدرت زيد عليهم التنفس

[~ هبة الله ~]

أنا لي نعرف أنه المناعة و المشابك مايكونوش في موضوع واحد ، و البروتين و الانزيم كذلك ، و التركيب الضوئي و الطاقة