دورة خطواتي الواثقة لأصبح ربّة بيت متألّقة - الصفحة 19

omelbanin · 2016-10-15, 05:53

أصبحنا وأصبح الملك لله والحمدلله ولاوإله إلا الله، اللهم اعني على ذكرك وشكرك وحسن عبادتك.

جهينة اليقين · 2016-10-15, 06:51

بسم الله الذي لايضر مع اسمه شيء في الارض ولا في السماء وهو السميع العليم

حياتي كلها امل · 2016-10-15, 06:53

اللهم راني اسالك خير هذا اليوم وخير مابعده واعوذ بك من شر هذا اليوم وشر مابعده

جهينة اليقين · 2016-10-15, 06:54

ام تغاريد بالطبع انا هوايتي الخياطة ما شي نتعلم وانما نكمل حوايج الناس الي بقات لي من الصيف لاني مرات اتكاسل واتحجج بشغل المنزل وكذلك احب الكروشي في الشتاء نموت عليه كل عام نشوف الجديد فالنت ونبدا نخدم

ام شمسو محمد · 2016-10-15, 07:16

اللهم اني اصبحت منك في نعمة و عافية و ستر فاتم علي نعمتك و عافيتك و سترك في الدنيا و الاخرة

ام شمسو محمد · 2016-10-15, 07:35

ام تغاريد بالعقل على روحك مزلت حتى نافس.وهذا العام كامل التاي غير بابنك وماتخليش هذاك الاحساس بالذنب يسيطر عليك .اعظم وظيفة في الدنيا هي الامومة .هي اللي تخلينا نجريو هكذاك ونخدمو و نقضيو هي اللي تعطي لكل شي معنى
تقبلي بانك في هذي المرحلة موظفة في خدمة رضيع وهي مهمتك الرئيسية وباقي المهام بعدها .عندنا مثل يقول ..ام اليشير مبطولة ولو كان تكون غولة....استغلي اوقات فراغك منو في العمل المنزلي و ارضاي بالقليل مش لازم الكمال ماهي الا فترة قليلة و تجوز وترجعي للاعمال الكادحة .استعيني بمن حولك باباه يقدر يحكمو كيكون في الدار .وماتنساوش الاستعانة بالاذكار اللي لقنها الرسول صلى الله عليه و سلم لسيدنا علي .
ورغم كل ذلك رايحة تتعبي بشدة .لكن ماتضيعيش المتعة العظيمة تاع الوقت اللي تقضيه مع ابنك فهو لايقدر بثمن

~اسيل ريحانتي~ · 2016-10-15, 07:41

اصبحنا واصبح الملك لله ما اعذب الصباح حين يتنفس بذكر الله

~اسيل ريحانتي~ · 2016-10-15, 07:57

صباح الخيرات اختي ام تغاريد

ملاحظة أخرى : نفتحو ان شاء الله صفحة في قسم الدردشة نهدرو فيها على تطبيقات الجانب الجمالي
لانو هاد القسم يشوفوه الرجال وصراحة ماجاياش يقراو واش رانا نديرو
يعني هنا في الدورة نكتبو فقط اذا تم التطبيق ام لا دون الخوض في التفاصيل
وفي قسم الدردشة نهدرو على راحتنا
موافقات
هدي النقطة بالذات خممت فيها البارح مين حطيت تطبيقي للحمام المغربي كنت نكتب تفكرت بلي هدا القسم مخلط قادر يدخلو الرجال ويقرو واش رانا نكتبو والله العظيم حطيت تطبيقي وقلبي ماشي مرتاح
عجبتني فكرة نحلو موضوع في قسم الدردشة هكدا نكتبو تطبيقاتنا وحنا مرتاحين
وبالنسبة لروتين العناية الشخصية ماعنديش مشكل عندي بعض ليماسك موالفا نستعملهم نقدر كل مرة نحط وصفة نتبعوها معا بعض ولي عندها خبرة في هدا المجال ماتبخلش علينا نتعاونو كلنا مادابينا /size]

[/CENTER][/I][/B]

omelbanin · 2016-10-15, 08:08

السلام عليكم، صباحكم سعيد، شكراً أختي اسيل على موافقتك لاقتراح، حبيبتنا ام تغاريد، في مايخص الجمال، لان كاين بيننا لي لازم تفهميها مليح وتفصليلها، وهذا لابد يكون بيناتنا نحن النساء.
حبيبتي جهينة انا نعرف لكروشي، بصح ملي تزوجت ما مسيتوش، راكي غيرتيني، واقيل نحاول نسترجع الذكريات.

~اسيل ريحانتي~ · 2016-10-15, 08:21

صباحك سعيد اختي ام البنين ولاشكر على واجب راكم مثل خياتي ربي يحفظكم

غزالة1 · 2016-10-15, 08:21

السلام عليكم
اصبحنا واصبح الملك لله اللهم صل وسلم وبارك على سيدنا وحبيبنا محمد وعلى آله وصحبه أجمعين اللهم اعنا على ذكرك و شكرك و حسن عبادتك

~اسيل ريحانتي~ · 2016-10-15, 08:28

راح نمحي تطبيقي للحمام وتفاصيله حتى نحلو في قسم الدردشة ان شاء الله

غزالة1 · 2016-10-15, 08:33

صباحكم 😁 😁 😁
صباح الخياطة و الكروشي
من الصباح و انا اكمل ما بداته البارحة من كتابة البرامج و الروتينات
مازال الاهداف نعدل فيها
قسمت تنظيف المطبخ على مدار 5 ايام على فكرة ام لينا
كتبت بعض المنتجات للتجميل لما تجي الشهرية نشتريها
في الجانب الديني كتبت صلاة الضحى نحاول نركز و نصليها حتى تكون عادة يومية
في جانب الخياطة خصصت يوم في الاسبوع لاقرا فيه درس من الانترنت و احاول تطبيقه هو في بداية العام تعلمت رسم الباترون لم اجد صعوبة فيه لكن للاسف التطبيق على القماش صعب قليلا
سلام يا حلوات

~اسيل ريحانتي~ · 2016-10-15, 08:39

كما وعدتكم راني كتبت الجداول لروتينات الصباح والظهيرة والمساء
وزدت جدول التنظيف الاسبوعي مازال ماكملتو راني عاد نخمم واش راح نطبق في الاسبوع وجدول التنظيف الشهري ايضا ههههه
بسم الله الرحمان الرحيم:

[IMG]ttp://b./p_28890y32.jpg[/IMG]

اه نسيت جدول المساء

~اسيل ريحانتي~ · 2016-10-15, 08:44

اقتباس:

المشاركة الأصلية كتبت بواسطة غزالة1

صباحكم 😁 😁 😁
صباح الخياطة و الكروشي
من الصباح و انا اكمل ما بداته البارحة من كتابة البرامج و الروتينات
مازال الاهداف نعدل فيها
قسمت تنظيف المطبخ على مدار 5 ايام على فكرة ام لينا
كتبت بعض المنتجات للتجميل لما تجي الشهرية نشتريها
في الجانب الديني كتبت صلاة الضحى نحاول نركز و نصليها حتى تكون عادة يومية
في جانب الخياطة خصصت يوم في الاسبوع لاقرا فيه درس من الانترنت و احاول تطبيقه هو في بداية العام تعلمت رسم الباترون لم اجد صعوبة فيه لكن للاسف التطبيق على القماش صعب قليلا
سلام يا حلوات

صباح الخيرات اختي غزالتي يعطيك الصحة اين اجد منتجات ام لينا رحت لقسم جمال العروس مالقيتوش ههه