افتراضي نصيحة لكم لوجه الله فيما يخص هذه الشعبة

[federer4ever]

السلام عليكم
انا الان ادرس سنة ثالثة هندسة معمارية و اريد ان انصح الطلبة المتحصلين على الباكالوريا و الذين يرغبون في اخيار هذه الشعبة
نصيحيتي ابتعدوا عنها نهائيا لانكم ستندمون كما ندمت انا و الكثيير من الطلبة
الاسباب
شعبة مرهقة جدا جدا وقتك سيكون كله مخصص للدراسة
ستضطر لعدم النوم لمرات كثيرة جدا
يقدمون لنا اعمال كثيرة طوال العام و الاعمال غالبا ما تكون يدوية مملة
لن ترتاح ابدا و هذا بغض النظر عن الامتحانات التي نعتبرها لا شيء مقارنة بالاعمال الاخرى

السبب الثاني انها مكلفة جدا
ستضطر لانفاق اموال كثيرة طوال الاعوام الخمسة في شراء الاوراق الاقلام الملكفة و الغراء الخ
مثلا انا في مشروع نهاية السنة الثالثة انفقت اكثر من مليون سنتيم و هذا في اقل من شهر فما بالك بالسنة الكاملة

السبب الثالث لا يوجد مستقبل مع هذه الشعبة
العام الماضي تم نزع الاعتماد على متخرجي ماستر 2 lmd هندسة معمارية
يعني لن تتمكن من فتح مكتب لنفسك بل ستعمل عند مكتب يملكه اشخاص اخرون
كما ان المدارس الاجنبية و خصوصا لافرنسية لا تقبل طلبة الهندسة المعمارية الجزائريين
كما ان العمل في كمهندس صعب جدا
اغلب المهندسين الذين اعرفهم غير مرتاحين تماما دائما مقلقين

هناك شعب كثيرة اخرى اسهل و افضل من الهندسة المعمارية و حظوظ العمل في المستقبل تكون اكبر
هذه نصيحتي
و لو استطيع العودة للوراء لما فكرت اطلاقا في وضع الهندسة المعمارية في خياراتي
بالتوفيق

[نوال 2014]

واش هي هاد الشعب اللي خير من الهندسة ممكن تنصحنا

[lalib40]

ساقوم بالتعديل قليلا على نصيحتك ...
الهندسة المعمارية تحتاج الى من يحب الاشغال اليدوية والرسم ، وهدا هو مشكل بعض الطلبة . الهندسة المعمارية تريد الموهبة .

[houssem zizou]

معندكش حق في السببين الأولين لأن الإنسان إذا أحب الشيء ابدع فيه و بالرغم من المشاق و الصعوبات

لكن معك حق ي السبب الثالث العام الماضي لي غراف ماقراوش خلاه بسبب لاغريمون و الروي تحهم و كما قلت لا مستقبل فيها الغاشي يخرج و يحكم لحيوط

[فوستر بيزيه]

السلام عليكم صحا سحوركم

خويا موضوعك ضحكني وبكاني في نفس الوقت ههههههه

نزيدلك حاجة هذ ليام راه حاكمني وجع في ظهري بسبب اني ديت شهر كامل دون راحة لأجل التخرج

راني نخلص ضرك .....ونزيدك حاجة أخرى وحد المهندس نعرفو يحكيلي عندو عشرين سنة في المجال

حتى صبح ينسى بزاف ، مرة كان في المطار نسى وليدو الصغير ههههههه




بالصح علاه ذكرتلهم غير السلبيات ؟


اذكرلهم شوي ايجابيات قولهم أنو كي تدخل تدرس هندسة معمارية تصبح عندك دقة الملاحظة وتولي تقدر تحلل أي حاجة

وتزيد عندك أنك تولي تقدر تنتج أفكار وتدافع عليها وتقنع الناس بها

وتزيد أنك توسع خيالك وتولي تشوف الأمور ثلاثية الأبعاد

وزيد ثان أن الفكرة تاعك تقدر تشوفها في ارض الواقع

[miss me]

عادي والله مهما كانت الصعوبات انا مستعدة ندرسها اولا كيما قلت لازم موهبة عندي موهبة وانحب الأشغال وهادو الصوالح والبنيان ياااو غير يمدوهالي برك حلمي الوحيد مند الصغـــــــــــــــــــررر

[الأمين®]

المشاركة الأصلية كتبت بواسطة miss me

عادي والله مهما كانت الصعوبات انا مستعدة ندرسها اولا كيما قلت لازم موهبة عندي موهبة وانحب الأشغال وهادو الصوالح والبنيان ياااو غير يمدوهالي برك حلمي الوحيد مند الصغـــــــــــــــــــررر

أول مرة نشوف وحدة تحب الهندسة المعمارية من الصغر ههه إن شاء الله تكون من نصيبك وتنجحي فيها و إذا احتجتي أي حاجة رانا هنا

[miss me]

المشاركة الأصلية كتبت بواسطة elamine619

أول مرة نشوف وحدة تحب الهندسة المعمارية من الصغر ههه إن شاء الله تكون من نصيبك وتنجحي فيها و إذا احتجتي أي حاجة رانا هنا

هههههـ والله يا أخي كي نقولك من الصغر مشي صح من الصغر يعني كي دخلت للمتوسط كنت حابة نخرج إما مهندسة أو طبيبة لكن الهندسة كانت أكثر شي نحبو تلقاني فحصص التاريخ و لا الحصص لي ما جينيش القراية فيهم قاعدة ندير تصاميم تاع ديار وكامل +++ صحيت خويا على التشجيع آمين يا ربي غدوة بتحدد مصيري +++ حابة نسقسيك ادا الحجاب عائق كي نجي رايحة نخدم !!!

[yebda13]

لا نورمالمو ماشي عائق بصح انا راني حاير بين الهندسة المعمارية و الهندسة البيوطبية .باش تنصحوني و جاوبوني قبل الترسفار شكرا

[sweet annie]

واش هي حاجة لمليحة علا هندسة معمارية لوحدة جابت 14.59 و ليحاوج لحبيتهم و درتهم قبلها ما لحقنيش معدلي؟
خلاصولي الافكار هههه

[benslimane111]

يا اخي الهندسة المعمارية تحتاج الموهبة و الانسان الي يحبها
و الليالي البيضاء ماشي شرط اذا عرفت تنظم وقتك
و في ال ل.م.د تنجم تركز على الورشة ادا جبت فيها معدل مليح ماتسالش على الاختبارات
صحيح هي متعبة لكنها الشعبة اللي تخليك تبدع و تولي عندك ثقة في النفس و في ذوقك

[speedlot]

السلام عليكم..
انا مهندس معماري و عندي 4 سنوات تقريبا منذ تخرجي...نصييييييييييحة لوجه الله ...لا تذهبوا لهذه الشعبة...شعبة تستنفذ مالكم ووقتكم و لا مستقبل مشرف صدقوني ... ليس لاني بطال بل انا اعمل في العاصمة في اكبر شركة في الشرق لا نعمل الا مع الدولة و عندنا مشاريع اصغرها الاف السكنات عدل و انا مشرف على مشروع جامعي ...لكن وضعية العمل و قبلها ضروف الدراسة..و الراتب الغير مشجع على العطاء ( لا اقصد راتبي فحالتي خاصة جدا)..بالاضافة للبريفي مصاص الدماء و عدم امتلاك فرصة للمنافسة في حالة فتح مكتب دراسات الذي تضل تنفق عليه في السنوات الاولى..هو ما شجعني على نصيحتكم ابتعدواااا.........لكن لكن من اراد الاجتهاد و الوصول الى دراسات عليا فله ذلك..و من اراد الخروج لدول خليجية اخص بالذكر قط التي تفرض مستوى انجليزي قوي جدا فتابع منشوارك الهندسي و بالتوفيق......و الا انصحكم بشعب اخرى....وفقني الله و اياكم.

[Mehimdet]

إذن انت لست موهوب و فاشل.