4 انواع لحساء الخضر من مطبخي

[ام ساجد]

البسملة1



مساء الخيرات اخواتي العزيزات كيف احوالكم واخباركم ان شاء الله تكونو كامل بالف خير

1=حساء الجزر

4حبات جزر +بصلة متوسطة +ملح وفلفل اسود +كمية دبشة خضراء +كاس حليب +كاس مرق دجاج +2ملاعق فرينة+ زيت

التحضير= نقطع الجزر + البصل +ملح وفلفل اسود او ابيض ونضيف الماءونحط على النار حتى طيب الجزر نطفي

النارونضيف الدبشةونرحي كلشي

من جهة اخرى في كسرونة نحط كمية من الزيت ونحط الفرينة ونحمصها مليح ثم نضيف الحليب ومرق الدجاج ونخلط

مليح ثم نضيف هدا الخليط على الجزر ويقدم وذوقو روعة





2=حساء الشيفلور

كمية من الشيفلور + بطاطا + بصل +ملح فلفل اسود + شوي زنجبيل +مغرفة صغيرة كمون+ شوي زيت نضيف الماء ونحط يطيب الخضر

نرحي الخضر ونضيف جبن ابيض او جبن مثلثات ونرحي ويقدم وبصراحة طعمو لذيذ جدا ما تصدقيش انو شيفلور









3=حساء السبانخ

كمية من السبانخ + كمية من البطاطا +ملح + مغرفة راس حانوت ونضيف مرق دجاج ومن بعد نرحي الخضر ونضيف

كمية من الجبن ويقدم




4=حساء اليقطين

كمية من اليقطين+كمية اقل من البطاطا= كمية من الجزر +بصلة + زيت + كمية من الدجاج + ملح وفلفل اسود ونضيف

الماء ونخليها حتى طيب الخضر والدجاج ننزع الدجاج ونرحي الخضر ويقدم

[ام سراج وملاك]

يعطيك الصحة اختي ام ساجد نحتاجهم مع لولاد بصح الشيفلور ميجيش فيه الريحة نتاعو

[ارزاق]

يعطيك الصحة انا نحب كل انواع الحساء ونديرها بكثرة في العشاء لانها صحية وخفيفة علي المعدة

[كاتي حياة]

شكراااا على الموضوع انا نحب نخلط كامل الخضرة بطاطا جزر قرعة والعدس

[wahibaazel]

جزاك الله خيرا اختي أم ساجد سهلتيها علينا.

[أم محمد تاج]

مممممممممم موضوع شامل وكامل تسلمي يالحبيبة

[ome loudjeine]

يعطيك الصحة ام ساجد انا نحب الحساء بكل انواعه.

[lamis.imen]

رووووووعة هذا ما ينفع في البرد

[مرام 1987]

رووووووووووووووعة بارك الله فيك
قوليلي الشوفلور نحطوه خضر موش طايب يعني ما تجيش الريحة تاعو في الحساء
يستحق التثبيت

[ام ساجد]

الله يسلمكم اخواتي العزيزات شكرا على المرور الطيب

[maryouma46]

يعطيك الصحة على الوصفات الصحية

[ام ساجد]

المشاركة الأصلية كتبت بواسطة ام سراج وملاك

يعطيك الصحة اختي ام ساجد نحتاجهم مع لولاد بصح الشيفلور ميجيش فيه الريحة نتاعو

الله يسلمك اختي ام سيراج لالا ما تجيش ريحتو وجا روعة وعجبني خلاص ذوقو حتى الاولاد كلو منو ما شاء الله

لي ما عجبش الاولاد حساء السبانخ بصح كلحتهم وقلتلهم كلو 10 مغارف تولو اقوياء كيما باباي تاع الكوميك

وكلاو 10 مغارف خير من ماكانش ههههههه

[ام ساجد]

المشاركة الأصلية كتبت بواسطة مرام 1987

رووووووووووووووعة بارك الله فيك
قوليلي الشوفلور نحطوه خضر موش طايب يعني ما تجيش الريحة تاعو في الحساء
يستحق التثبيت

سلام اختي مرام واش احوالك الشيفلور نحطوه اخضر يعني يعني ماشي طايب

[مياسم75]

يعطيك الصحة على هذا التنويع انا الأولاد والزوج يموتو على ليسوب
خلي نهزو من عندك شوية ربي يجازيك كل خير

[ام محمد علي 17]

يعطيك الصحة حبيبتي