الخجل

[مشكلتي]

مرحبا بيكم حابة تعاونوني راني في حالة ماتعجبش عندي عقدة نفسية ووهدي العقدة غير راهي تكبر وتزيد خسرت حياتي ربحت الباك رحت الجامعة قريت عام حبست بغسكو مقدرتش نكمل محال وسبب شكلي حتى واحد من البنات ماكانت تهدر معايا وجابلي ربي ناس كامل يراقبوني ويضحكه عليا وانا كنت غير نزير روحي ونزيد وكي كنت نقرا تمنيت لو كان كنت في بلاصة كامل البنات لكاينين فلجامعة المهم منكنش انا كنت نشوف حتى العجايز خير مني صدقوني حتى العجايز نشوفهم خير مني وكي نشوف بلي الناس يحبوا يضحكه علي كنت نتمنى نولي شجرة ولا كرناج ولا تراب اي حاجة المهم مايشوفونيش ناس يضحكه علي . ودلك بسبب وجهي انا راني بشعة نتع صح سمرا بزاف وعيوني كبار وجاحضتين وكانت ياما تعيرني كي كن صغيرة عيون البقر وانفي طويل بزاف وعريض وشعري احرش ومجعد وميكبرش وجسمي عادي كيما البنات بصح وجهي بشع بزاف وهاد شي لخلاني نكره روحي ونحتقر روحي لواحد درجة لمتقدروش توصفوها كي كنت نقرا فليسي قعدت هكدا مع بنات وكانوا يحكيو على المستقبل وكل واحدة تهدر على مواصفات فارس احلامها وانا سيت روحي وحسبت روحي في هاديك لحظة اني بنت فهدرت انا ثاني على مواصفات فارس احلامي فبداو يضحكوا وقالتلي واحدة فيهم علاه راكي طامعة تتزوجي فحشمت بزاف قلتلهم لالا مرامنيش طامعة علاه انا عندي الحق فزواج فبداو يضحكوا ونضت من عندهم وبكيت بزاف ومن هداك نهار وليت غير نبعد روحي على البنات وعلى كامل ناس ونحيت طمع نتاع زواج ملي كنت مراهقة علبالي بلي مستحيل زواج ومرانيش طامعة فيه تقبلت اني نكنبقى عانس طول حياتي بصح برك حابة شكلي يولي كيما البنات برك لان شكل ديالي ضيعلي حياتي كاملة واش ندير عاونوني

[*** عبق الزهور ***]

السلام عليكم
اولا انت جميلة باي شكل من الاشكال فالله جميل ويحب الجمال
ثانيا لماذا تركت دراستك اخية كيف لك ان تضيعي مستقبلك من اجل كلام لا يغني ولا يسمن من جوع صدقيني بعض الناس حالهم كحال الكلاب التي تنبح فلا تعيرهم انتباها وثقي في نفسك فهذا هو الاساس ثم ان المولى عز وجل لم يخلقنا ليعذبنا تعالى عن ذلك سبحانه والجمال يا اخية هو جمال الروح والاخلاق فكم من جميل مظهر فاقت اخلاقه القبح بدرجات احبي نفسك يحببك الاخرون اقتنعي بهذه الفكرة وسترين الفرق عيشي لاجل نفسك ولارضاء خالقك لا تتركي لاراء الناس مكانة في حياتك ارجعي لدراستك وبيني لهم انك ناجحة وانك فعلت ما لم يستطيعو فعله اكثري الاستغفار وتوبي له عز وجل
ثالثا فكرة الزواج غاليتي هي نصيب كم من جميلة لم ياتها نصيبها واعرف واحدة شخصيا ادب واخلاق وتربية وجمال لكنها لم تتزوج ولم تتذمر يوما لانها تعلم بان الله يمتحنها ابعدي هذه الافكار عنك وتاكدي بان الله سيرزقك من حيث لا تحتسبين وستعلمين حينها انك كنت على خطا
اتمنى لك التوفيق رزقك المولى فرحة لا يسعها قلبك ^^

[الداعي الى الحق]

سلام عليكم ورحمة الله وبركاته

العقدة النفسية نتاعك ولدت في الطفولة نتاعك ملي بدات يماك تعيرك عيون البقر . للاسف هادي هي ضريبة ليتزوج واحدة ماشي فاهمة وجاهلة .صح الولد مايقدرش يختار اهله بصح راجل لازم يختار مليح ام اولاده .
وراني حاب نقولك انتي خصاك تقبلي نفسك كيما راكي وماتشوفيش نفسك بشعة ولا تقعدي فطرف وتعزلي روحك على البنات . ماتديرش قيمة لناس لهد درجة لانه اغلبهم مايستهلش هد القيمة شفتي البنات هدوك نتاع ليسي لضحكوا عليك كي قلتليهم انك مش طامعة فزواج كيفاش كان رد نتاعهم ضحكو حتى واحدة فيهم ماحولت تفهم علاه قلتي هكداك وحتى واحدة فيهم مارفعت معنوياتك ولو كان صح جات فيهم برك واحدة مليحة كانت توقف وتسكت الاخرين وتبهدلهم بصح للاسف حتى واحدة مادرتها وماتتوقعيش تلقاي بسهولة ليديرها وهدا دليل انه معظم ناس مايستهلش تقيمهم لهد درجة .
وخلال هدرتك نشوف بلي داخلك مليحة املا علاه ماتحبيش روح ديالك قلتي شكال مرضتيش عليه على الاقل ارضي على روحك شكل تقدري تلقاي بزاف لشكلهم مقبول او جيد بصح روح نادر وين تلقاي روح نظيفة ولدلك اد كان عندك روح نظيفة فتباهي على جال هد شي واحمدي ربي وبلا ماتعدبي في روحك
وشكل دركا كاين مساحيق التجميل مثلا شعر ديالك ادا كنتي سيفيليزي يعني ادا كنتي ملبستيش خمار روحي البسي خمار وهكدا شعرك يتغطى ور ميبانش
والاسمرار تقدري تدير مساحيق تبييض اما ادا جربتي كل هدو الاشياء ومجبش نتيجة
نقولك ديري سيتار لوجهك هداك ستار الاسود ليديروه وهكدا تغطي كامل وجهك ومايكونش عندك سبب باش تلومي به شكل ديالك وتقدري تكملي قريتك او تخدمي او تدري اي ستاج وتهدري وثقتك بنفسك تزيد اد كنت مزعوجة لهد درجة من وجهك رغم انني مانصحكش بيه قلتلهولك برك لحتى ممايبقاش عندك اعدار يعني اد شفتي بلي صعيب عليك انك تقبلي نفسك كيما كنتي ومااتقوليش شكل ديالي دمرلي حياتي
اما نصيحتي الحقيقية ليك انك تتقبلي نفسك كيما كنتي وصدقيني لو كان تقبلي نفسك كيما راك كامل ناس غادي يقبلوك . وننصحك تروحي لطبيب نفسي لاني كيما راني نشوف العقدة نتاعك قديمة وولا عندك مرض نفسي واكيد العلاج ديالك ياخد وقت بصح نصيحتي والاخيرة تقبلي نفسك كيما كنتي
وشكرا

[الرميصاءْ]

الجمال هو نسبي يروح ويرجع
والجمال الباطني هو الجمال الحقيقي
ارجعي لقرايتك وبعدي على الناس السلبية وكوني اجابية
ارضي الله وصلي واستغفري ربي سبحانه
وعيشي حياتك بسعادة وضحك وابتسامة وانسي هديك العقدة
والزواج لا دخل له بالجمال انما هو رزق من الله سبحانه وتعالى
داومي على قراءة سورة البقرة
وفي امان الله اخيتي الغالية

[ابو سليمان10]

سلام عليكم

هناك دراسة اجريت تفيد بان الانسان يرى نفسه اقبح مما هو عليه...فمثلا انسان يظن ان اذنيه كبيرتين في الحقيقة هي لا تكون كبيرة في نظر الناس الا انه يركز عليها و دماغه يضخم الامر...اي انك ترين نفسك اقبح مما انت عليه

البنات اللا تي ضحكن عليك هل هن جميلات...اكيد لا....الفتاة الجميلة نادرة ...الاخريات قبيحات و هن لايعلمن ذلك كما انهن يتسترن بالماكياج

ان كان الناس يسيؤون اليك بسبب شكلك فانت ملامة ايضا فانت ايضا تحتقرين نفسك...ا

[ابو سليمان10]

سلام عليكم

هناك دراسة اجريت تفيد بان الانسان يرى نفسه اقبح مما هو عليه...فمثلا انسان يظن ان اذنيه كبيرتين في الحقيقة هي لا تكون كبيرة في نظر الناس الا انه يركز عليها و دماغه يضخم الامر...اي انك ترين نفسك اقبح مما انت عليه

البنات اللا تي ضحكن عليك هل هن جميلات...اكيد لا....الفتاة الجميلة نادرة ...الاخريات قبيحات و هن لايعلمن ذلك كما انهن يتسترن بالماكياج

ان كان الناس يسيؤون اليك بسبب شكلك فانت ملامة ايضا فانت ايضا تحتقرين نفسك...ا

[FATIHA131]

حبيبتي ماتديهاش فيهم هذا امتحان ليك من ربي سبحانه واكيد اذا صبرتي يجازيك
الجمال الخارجي ليس كل شيء في هذه الحياة
لازم تولي لقرايتك لانو مستقبلك اهم من هذو الناس لي يضحكو عليك غلبيهم بقرايتك
اغلبيتهم الان يتسترن بالماكياج كما قال الاخ مايخلعوكش
ربي يفرحك ويهنيك

[kacimo.samy]

السلام عليكم
ديري مستقبل لنفسك واقري
ولي حاسب روحو جميل غير حادث عمل وصبح بشع
ياطفلة زواج مكاتيب
وكيما قالو اخوة شحال وحدة اية في الجمال واحد ماشاف فيها
ونقلك حاجة الجميلة دائما عرضة للفتنة ناس كل تبع فيها حتى تفسد
واكثر فتيات لي خارجة الطريق تلقيها جميلة وهنا الشباب تلقاه يتحشا لي شابة بزاف -__-
كل حاجة عطهالنا ربي عندها هدف
وشحال واحد ووحدة زينة راهم يعومو في المحرمات
كيما واحد اعمى قالهم تهنيت انه ماشف حتى حاجة يتحاسب عليها
(بلاك نعمة هذي لي عندك خممي مليح برك)
وربي معاك

[first first]

يااختي مشكلتك فعلا نفسية اكثر منها جسدية
الجمال شيء نسبي.....وتاكدي والله والله لي مليح من الداخل يحلى وله قبول رهيب عند البشر......التصالح مع الذات...القناعة...البشاشة ...كل الصفات الداخلية الجميلة ترسم جمال خارجي.
شعرك ليس حرير.....ليست مشكلةاطلاقا.....هناك ادوات وكريمات تحسنه بصورة كبيرة ويصبح تسريحه وشكله افضل من انواع الشعر الاخرى
هناك ايضا مقولة اراها شخصيا صحيحة 100/100والواقع يثبتها وهي ان التحسن خير من الحسن...يعني التجمل يرجع المرأ جميل
بعاميتنا هناك مثل تقوله قريبة لي وهو عود حسنو يتحسن.
ربما لاتملكين المقاييس العالمية للجمال طول كذا ونيفك يبدا من نقطة معينة وينتهي في نقطة معينة و و و ....لكن تاكدي انك جميلة وتملكين نصيبا من الجمال اكيد.
المهم اختي اول حلول لمشكلتك ان تتقبلي ذاتك
ان تغيري نظرتك لنفسك.......لي ضحكو عليكم يملكون من البشاعة ما لم ينتبهو لها.
وجهك جامي تحشمي بها لانه خلقة رب العالمين.
والزواج قسمة ونصيب وهو رزق .....والرزق بيد الرزاق...امالا انتظري من الله مالاتتوقعين.....ماتضيقيهاش على روحك.
في الاخير....والله نتمنالك تخرجي من هته القوقعة.. روحي كملي قرايتك .......طول النيف وعرضه عمرو ماكان سر من اسرار السعادة ولاباب من ابواب الخير ولاميزة نفتخر بها او نستعر منها..........انتي راكي سلسلتي روحك وقعدتي....... الناس ربما واحد مامتولهلك وانتي مكبرة حكاية لاوجود لها اصلا.
ربي يجملك بالايمان وينورك بطاعتك ويحسن احوالك.
الناس باعاقات ولها تقبل رهيب للذات وحب للحياة وتفاءل كبير....وراهم مندامجين في المجتمع.....وكذلك من لهم امراض مستعصية.......خدي العبرة منهم.

[إنسانة بسيطة]

شعرك قصير احسن من الطويل تهلاي فيه بشمبوان سواليس و ادهنيه بزيت زيتون ولا جوز الهند و ديريلو توغبيون ولا قرضون ومع وقت يتحسن ملمس تاعو
اهتمي ببشرتك مرة في الاسبوع حمام بخاري لوجهك وديري وصفة الكركم و الزبادي توحد اللون و تصفي و تمد النضارة
انا بنت و صدقيني اول مايلفت انتباهي في وجوه البنات البشرة الصحية لي مفيهاش حبوب ولا شوائب ولا اثار انا نهتم بالبشرة اكثر من الملامح و المساحيق
كوني طبيعية باشياء طبيعية و قوي نفسك و اهتمي بدراستك
في مجتمعنا كاين الابرص ولي عندو بهاق و الاعمى و القزم و مقطوع الارجل ، هاك و تلقايهم مندمجين في المجتمع و يتعاطاو مع لي حولهم بكل رضى
حوسي على حاجة المميزة فيك و اعرفي قيمتها مثلا ربي عطاك وجه متوسط اكيد راه معوضك باشياء اجمل و اجمل
لو قع بقينا نحفزوا فيك مارايحة تتحفزي الا انت من داخلك مساعدتيش روحك

[رضاك يا ربي]

يا اختي الغالية
اسمحيلي ولكن جوابي راح يكون قاسي شويا
والله لكان جيتي قدامي تعطيك صفعة على وجهك
بالاك تفيقي شويا على روحك
انت تقولي راكي بشعة وقبيحة و واحد ماراح يتزوجك
روحي جيبي مرايا و اوقفي توالها وقولي
ياربي علاش خلقتني هكذا ياربي علاش انا باشعة ياربي
علاه انا ماش راح نزوج (زعما انت تعلمي الغيب)
وكان الله ظلمك. ...حاشا لله أن الله ليس بظلام للعبيد
بطلت قرايتك علاجال مجموعة من الفتيات التافهات
ضيعت مستقبلك و احلامك علاجال والو
يا خسارة...انت بالفعل جبانة وماعندكش ثقة في روحك
الاسلام يدعونا نتقبلو رواحنا كيما خلقنا ربي
كاينة واحدة نظن أمريكية يقال عليها انها ابشع واحدة
في العالم...علابالك واش راهي دير راهي
تحاضر في أكبر الجامعات تعلم الناس الثقة في النفس
وانت عندك بشرة سمراء وشوي حبوب في وجهك
وراكي ضيعت مستقبلك
واش يقول لي معندوش رجلين ولا يدين ولا عندو مرض
نادر أو.....مالا هذوك يروحو ينتاحرو
كي تقراي ردي متأكدة انك تقولي لي يدو في النار ماش
كيما لي يدو في الماء
آمالا نقولك انا زدت بعاهة في رجلي والحمد لله
وراني متزوجة و زوجي سليم من اي شي
وراني نكمل في دراسة الدكتوراه...ومع مرور السنوات
تعلمت انو لي مايحبش وما يحترمش روحو
الناس عمرها لا تحترمو ولا تحبو
الاحترام انت لي تفرضيه باخلاقك و تربيتك و تعليمهم
ماش تفرضيه بجمالك و شعرك الحرير
آمالا ولي لقرايتك و بركاي من التمسخير
أما على الزواج فهو قسمة ونصيب
والله والله كانت عندي جارتي قمة في الجمال
عينيها زرق وكانت أستاذة في الثانوية ولا واحد تقدم لها
حتى جاء مكتوبه وهي في 38 سنة
اسفة اذا جرحتك أو كان جوابي قاسي
ربي يوفقك و يرزقك الزوج الصالح

[قدور بن عاشور]

العوراء تزوجت و حتى الضريرة تزوجت و العرجاء تزوجت و أعرف حتى من رجلها مقطوعة و قد تزوجت،

كما أن هناك صاحبة الجمال و المال و النسب و قد بلغت الخمسين سنة و لم يطرق بابها خاطب.

كما أعرف شخصا غير وسيم حتى لا أقول بشع جدا،

و مطرود من الإبتدائي لكن أخلاقه و لسانه الحلو و الظرافة جعلو منه محبوبا جدا بين الناس.

يعني من الآخر راكي تنغصي على نفسك و حياتك من دون أدنى سبب.

أما عن المعايرة من الوالدين، فمن منا لم يتعرض لها في لحظة غضب أو إرهاق من الوالدة؟
و أما عن زميلات الدراسة فلست مجبرة على مصاحبة قليلات الأدب منهن و من لا تحترم مشاعر الآخرين،
أرمي عليك،
ركزي في دراستك و كوني الأحسن من بين زملائك
و اجعلي لكل مرحلة من حياتك هدفا معينا، و ليكن هدفك في هذه المرحلة الدراسة و الجد و الإجتهاد.
و اعلمي أن ثقتك بنفسك هي أولى خطوات النجاح.

[زبدة ذايبة]

يعني كي بطلتي لقراية زينتي ولا كيفاه !!!!!!!!!!!!!!!!!

ماخليتي لروحك والو

لازين لا قراية لامستقبل !!!!!!!!!!!!!!!!!!!

وزيادة على هذا

هذا الشيء اللي راكي تحسي فيه ممكن ماعندو حتى دليل

ممكن ماعنكش الثقة في نفسك برك

ضحكوا صحاباتك عادي جدا وين راه المشكل

هما ضحكو برك

انت وش درتي ؟؟؟؟؟؟؟

صديقاتك ضحكوا وراحو يقراو ونساوك وماشي سامعين بيك نهائيا

وانت بطلت قرايتك

في نظرك الآن شكون اللي ماشي مليح انت ولا هوما ؟؟؟؟؟

درتي في روحك اللي ماداروهش صحاباتك

كنت قادرة تثبتي العكس

الجمال يكون في الثقة بالنفس

روحي شوفي تعليقات الناس على ملكات الجمال



رايحة تعرفي أن الجمال ليس مقياسا واحدا

وأن الجمال ماهوش هو اللي يزوج لبنات

شحال من وحدة مانفعهاش زينها

وشحال من وحدة دام زواجها بحسن تصرفها

وأحبها الناس لحسن خلقها

راكي أقنعتينا أنك ماشي شابة وأن شكلك بشع !!!!!!!!!!!!

مع أننا ماشفناكش

إلا أن الصورة اللي عطيتيها لنفسك أقنعينا بيها

حاولي ديري طريقة عكسية

جربي وش رايحة تخسري

حاولي تقنعي نفسك أنك لابد من أن يكون لك مكان مع الأحياء

وأن مكانك ليس مع الموتى وأنت على قيد الحياة

ديري جهد في عملية إنعاش حياتك

لو كان تتخباي واحد مارايح يخرجك للحياة

أمك ولداتك وخرجاتك للدنيا

ماتعاوديش ترجعي للظلام اللي كنت عايشة فيه

عاودي ارجعي للجامعة واقراي وتخرجي

وإذا كنت كي تشوفي روحك في لمراية تتخلعي

ماتزيديش تستعملي لمراية حتى تتخرجي من الجامعة

الناس اللي عندهم العقبات هما أكثر الناس ناجحا

وطني نفسك على الجد والاجتهاد

الناس ماشي بأشكالهم بل بأخلاقهم

والزواج قسمة ونصيب

شحال من وحدة شابة وقعدت من غير زواج

يعني ماكاش معيار ثابت للزواج

هو رزق يرزق ربي من يشاء بغير حساب.

ماتدفنيش روحك وانت حية

انفضي على روحك هذا الضعف

الحياة للجميع

ليست مقتصرة على ذوات الحسن والجمال

وإلا لو كان لقيتي الجزائر وغير الجزائر خالية من البنات

إذا ماعندكش الزين على الأقل أنجحي في حاجة باينة عوضي بيها

هذا الحمد لله

ماراكي معوقة

ماراكي طرشة

ماراكي عمية

ماراكي متخلفة ذهنيا

والحمد لله جبتي الباك خير من ميات ألف وحدة شابة

ودخلتي للجامعة

خير كبير راكي فيه

ولله الحمد والمنة.

قطعي الصفحة البشعة من حياتك

وابداي من جديد

أتمنى لك قفزة نوعية

ماتزيديش تشوفي روحك في لمراية

كي تنوضي الصباح اشربي قهوتك والبسي حجباك واخرجي

وكي تدخلي للدار عاوني ميمتك طيبي وسيقي

واجبدي كتاباتك واقراي حتى يطيح الليل

تروحي ترقدي

وكي يجي الفجر صلي الفجر واخرجي

ماكالاه تعطي للمراية كامل وقتك

نهار كامل وانت مستعجبة في روحك وتبكي !!!!!!!!!!!!

لمراية كسريها وانطلقي .


هي اللي دارت لك هذ المشكل

ماتزيديش تشوفي روحك فيها

بعدي عليها

وبالنسبة لخمارك ديريه على التاقة

يعني شوفي روحك في التاقة باش ماكالاه تعقدي روحك

وكي تتخرجي وتخرجي من مخلفات المراهقة

هذاك النهار رايحة تعرفي أنك قريب دمرتي نفسك بنفسك.

[سَامِيَة]

مشكلتك أختي ليست الخجل
بل هي إنعدام كلي للثقة فالنفس
نتي وقعت في مشكلة
وللأسف اخترت أسهل الحلول واللي
هو الانسحاب والاستسلام
لهذا حاولي تبحثي عن حل ثالث
ورابع وخامس لحالتك هذه وعلى
قدر ما يكون الحل صعب على
النفس بقدر ما راح يجيب نتائج
إيجابية....
بدلا من أن تداومي على جلد نفسك يوميا والتركيز على قباحة شكلك ودونيتك حاولي تركزي على
الحلول الممكنة
هناك فرق بين أن تقولي لنفسك
علاه خلقني ربي هكذا
. علاه انا ماشي شابة
وقولك :
واش نقدر ندير باه ننفع عمري...

للأسف أمامك حلين
يا إما تستسلمي وتعيشي معزولة مهزومة في نظر نفسك و
نظر المجتمع
يا إما تعاوني روحك وتوقفي
على رجليك...

جربي فقط أنك تبتسمي وسترين
كيف سينعكس ذلك على جمال
ملامحك...

حاولي تخلقي لنفسك قيم
ومبادئ تعيشين لأجلها وابني لنفسك أحلاما متعددة ولا تجعلي
همك الحصول على رجل
حتى إذا لم يقدر الله لك الزواج لا تجدين نفسك تعيشين للا شيئ

بالتوفيق

[بشـرى]

أختي العزيزة ، الشكل الخارجي لم يكن أبدا من أسباب السعادة ولا معيارا للنجاح ولا الفشل ، وعدم الزواج ليس نهاية العالم ، إذا لم تتزوجي هل ستصنعين لكِ قوقعة تعيشين فيها طول حياتك ، ماذا لو كتب الله لكِ أن تعيشي مئة سنة ،هل ستعيشينها هكذا ؟!!!

أختي العزيزة من أيام وأنا أقرأ نتائج إنتخابات المحليات في بلديات ولايتي تفاجئت ببلدية نجح فيها حزب مجتمع السلم الذي تترأس قائمته امرأة ، لن أتحدث عن ما قاله المعلقين عن عدم جواز ولاية المرأة وغيرها لكن سأتحدث عن فئة وصل بهم الغباء إلى درجة الإستهزاء بهذه المرأة ، كانوا يقولون هل هي رجل أم امرأة ، ويضحكون على صوتها وشكلها .... هل في رأيك هذه المرأة الحديدية كما أسميتها أنا لو استمعت لانتقادات الناس على شكلها كانت لتكون نفسها ، هل كانت لتجعل لنفسها هذه المكانة الإجتماعية وتتفوق على الرجال في مجالها ، شغلت عدة مناصب وحازت على شهادات لم تنلها ذات الجمال الآخاذ ، وأزيدك أنها تقدم محاضرات في التنمية البشرية ، في رأيك من أين اكتسبت هذه الشخصية والقوة ؟!
اطلعي على نتائج المحليات في بلدية الشيقارة ولاية ميلة او ابحثي في محرك البحث عن الأستاذة زهية بن قارة وانظري إلى المرأة التي نعتوها بالرجل ماذا فعلت ، لم تتزوج نعم لكن الكل يعتبرها أما ، زوجة أخي تعرفها شخصيا قالت لي ، نعم شكلها رجولي لكن تملك حنانا ودفئا لتلاميذها كحنان الأم على أولادها ....
أختي العزيزة اخرجي من قوقعتك ، أعيدي التسجيل في الجامعة ، كوني نفسك وشخصيتك وصمي آذانك عن المنتقدين فهؤلاء وإن كان لهم الشكل الجميل فعقولهم عقول الحمير ، عيشي حياتك فلا أحد سيعيشها مكانك .....