خبز الموجه

~~dahbiya~~ · 2011-12-15, 17:10

المقادير 1كيلوا سميد متوسط +2بيض+ كاس زيت +سينوج+ حبة حلاوة +2مغارف خميرة الخبز +ملح+ماء دافئ للعجن+ 100غ مارغارين +
التحضير حطي السميد+الزيت +السنوج و حبة حلاوة + بسي بالزيت واضيفي البيض+ الخميرة والملح واعجني بالماء الدافي وتكون العجينة يابسة وادلكي مليح حتى تعود العجينة رطبة ودخلي المارغرين في وسط العجينة وديري كويرات وقرصي بشوي فرينة وغطيها وخليها تخمر وبعد ضربي 2 صفار بيض و طيبيها في طاجين مطلوع لما تعرق قلبيها وادهنيها بصفار بيض وزيدي الجهة الاخرى وحوشيها وانها مجربة ليس لي كاميرا ارجو الرد

maiar · 2011-12-15, 17:13

هذا هو الشي لي يعجبني في هذا المنتدى اني نتعرف على ماكولات مناطق بلادي

شكرا بارك الله فيك

fatihmd · 2011-12-15, 17:42

بارك الله فيك فكرتيني في الايام الزينة كانت يمى رحمها الله اطيبهولنا في كل مناسبة و كل ما ايجينا ضيف بنفس المقادير لكن بلا زبدة تعمل غير كاس زيت و ايجي ابنين اعلابالي بلي الزبدة تجعلوا مورق بصح ايعود ميدم بزاف شكرا

miri_27 · 2011-12-15, 20:08

تسلمي عزيزتي و بارك الله فيك حبيت نفهم برك علاه يسمى خبز الموجه و شكرا مرة اخرى

الباحث 2 · 2011-12-16, 10:27

اقتباس:

المشاركة الأصلية كتبت بواسطة miri_27

تسلمي عزيزتي و بارك الله فيك حبيت نفهم برك علاه يسمى خبز الموجه و شكرا مرة اخرى

janna · 2011-12-19, 17:55

انا نقلك علاه يسموه الموجه هو امبسس فيه البيض ويطيب في طاجين المطلوع يجي كيما الامواج ديما انطيبو وما نعرفوش بهاد الاسم نقولول مطلوع البيض مشكورة بزاف ويعطيك الصحة

na.dodo · 2016-06-28, 17:26

افضل خبز يمكن تقديمه في رمضان هو خبز الموجه لذيذ جدا