روعة الوردي

[أماني الجزائر]

المشاركة الأصلية كتبت بواسطة عرجون

هنا في باتنة نقولوا قندورة كوكتال على القندورة اللي يدخل في عملها الفتلة والتقشيط والعدس والسمسم والحجار
وتكون بالوان مختلفة وهذه القندورة لازم تكون في جهاز العروسة مثل الكاراكو والقاط والوهراني والتارزي هذه
الانواع لازم تديها العروس باش تصدر فيها

بصح الجبات الي بالعدس و السمسم و..... من بكري كاينين مي هذا الاسم سمعتوا غير كيما، ولى متداول و سمعتوا غير في المنتديات
الحق ان مازال ما عرفتش الفرق
مي راني نستنى في وعدك، الملابس التقليدية تاع كل المناطق او واش يميز كل لباس عن الآخر او كيفاش نعرفوا بلي هذا تاع المنطقة الفلانية
رايحة نتعبك معايا مي معليش، ربي يجازيك عنا كل خير
كاين بزاف كيما أنا راهة باحرتلهم

[عرجون]

المشاركة الأصلية كتبت بواسطة أماني الجزائر

بصح الجبات الي بالعدس و السمسم و..... من بكري كاينين مي هذا الاسم سمعتوا غير كيما، ولى متداول و سمعتوا غير في المنتديات
الحق ان مازال ما عرفتش الفرق
مي راني نستنى في وعدك، الملابس التقليدية تاع كل المناطق او واش يميز كل لباس عن الآخر او كيفاش نعرفوا بلي هذا تاع المنطقة الفلانية
رايحة نتعبك معايا مي معليش، ربي يجازيك عنا كل خير
كاين بزاف كيما أنا راهة باحرتلهم

هذا المودال نتاع الكوكتال راه خرج غير في السنوات الاخيرة من نهار ظهر التقشيط وجبات العدس والسمسم اللي تقولي
عليها عملناها بكري ولكن ما نعملوش فيها الالوان بزاف كيمة الكوكتال وعندنا في باتنة الكوكتال راه مداير حالة الكل
يلبسه في العرس بالعروس وبالمعاريض ولكن يختلف شوية حسب عمر اللي راح تلبسه ولكان عروس والا امراة عادية
وظهر ثاني كوكتال الطرز وهو ماشي مخدوم بالفتلة ولكن بالطرز نتاع الميكرو ومعمر بالعدس والتقشيط والسمسم والسميلي

اما بالنسبة للملابس التقليدية فانا قلت لك راح نحاول لخاطر انا ماشي خياطة انا مجرد متطفلة على الخياطة نخيط غير لي
والاقارب وراني وجدت لك بعض الصور نتاع السطايفي والوهراني وان شاء الله تفرقي بينهم من اليوم
هذا مودال وهراني لاحظي انه عندخ لاستيك
على على la taille في الوسط ومشقوق على الجهتين ومعمول بالسمسم
اما السطايفي تلقاي الصدر مخدوم بالطرز والا السمسم وفيه الدونتال دايما في الصدر وتلقاي فيه القصة من الاسفل وهذا
يسموه البينوار ويكون مخدوم من الاسفل بالدونتيل والسمسم والا الطرز وما فيهش لاستيك في الوسط ولكن مؤخرا اصبحوا
مرة على مرة يعملوا للسطايفي لاستيك كيمة الوهراني ولكن الاختلاف الواضح جدا : البرودي في السطايفي
ان شاء نكون فدتك وما طولتش عليك وشكرا
هذا سطايفي الدونتيل والبينوار
وهذا سطايفي عملوا له تعديل مثل الوهراني
ولكن يبقى سطايفي ما دام فيه الدونتيل
ياربي تفهميني لخاطر ما نعرفش نشرح ولعندك اي سؤال اسالي راني نجاوبك ان شاء الله لكنت نعرف