طمينة اللوز القسنطينية دون طهو من مطبخي

حمدا لله كثير · 2014-07-05, 00:14

[

size="5"]السلام عليكم ورحمة الله تعالي و بركاته

و بعد الصلاه و السلام علي سيدنا محمد

ابدا

[/size]

طمينة اللوز القسنطينية دون طهو
المقادير
3 كيلات لوز مرحي رقيق " من الاحسن يكون مشري مرحي "
1 كيلة سكر قلاصي
طريقة التحضير
نخلطهم مع بعض جيدا تم نصعهم في الروبوا مرة اخري و نرحيهم جيدا
تم نصفيهم في مصفات الفرينة "و الي ماعندهاش في السيار"

كل الحلول موجودة

و نتركهم جانبا و نحضر العقدة

العقدة

- 1 كيلة حليب
- تلاتة ارباع الكيلة حليب غبرة لحضة
-نصف كيلة سكر قلاصي
- ملعقة صغيرة زبدة
- ماء ورد انا وضعت ربع كيلة كل واحد كيفاه يحب الي يحبوا كتر بزيد

طريقة التحضير
نضع الحليب + لحضة و نمزحهم جيدا ثم نضيف السكر و الزبدة و نضعهم علي نار هااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااادئة مفهوم مع الخلط حتي ذوبان الزبدة و امتزاج المكونات يمكن 15 دقيقة " الخليط مايغليش خلاص النار دليلة """

نجبدها من علي النار و نخليها تبرد

و من بعد نجيب خليط اللوز نتاعي و نبلوا بيها بالشوية و نعجن مليح مليح و نقلب

حتي نتحصل علي عجينة طرية تلتسق قليلا باليد

نفرش نيلوا و ندردر السكر الرطب عليه ثم نضع الخليط و بواسطة اليد "" يدك اختي خلفيها بشكارة باه مايلسقش و ييجي مستوي في السينية "
و نزيدلوا السكر الرطب طبعا من فوق و نغطيه و ندخلوا في الثلاجة حتي يتماسك 5 ساعات

تم نقصو مقرودات الشكل المعتاد و التقليدي عندنا و بالهناء و الشفاء

جا دوقها رايع و تذوب في الفم و ريحة الورد رايعة مجربة و بسيطة و اكيد تنجحوا فيها " ان شاء الله
مشكورة اختي عتيقة علي الوصفة ربي ينولها الي في بالها و يسترها بولد الحلال ان شاء الله
ملاحظة الكيلة التي عملت بيها هي الكاس نتاع الموطاغد la moutarde 130 g يعني او صغير
هذا من اجل الزبدة و ماء الورد يعني 1كيلوا لوز معاه 100 قرام زبدة

اي سؤال انا هنا و بالتوفيق
عندي مشكل في الصور ان شاء الله نلقي كارت ميموري و نحطهملكم علابالي لازمنا الصور حنايا

نعمل جهدي باه نحطهملكم

و في الاخير صح رمضانكم و تصوموه بالصحة و لهناء و بالتاكيد ماتنساونيش من دعاءكم

في هذا الشهر الكريم

لؤلؤة 25 · 2014-07-05, 00:37

ya3tiiiiiiiiiiiiiiiiik saha hadi hiya tamina ta3na

حمدا لله كثير · 2014-07-05, 00:40

اقتباس:

المشاركة الأصلية كتبت بواسطة لؤلؤة 25

ya3tiiiiiiiiiiiiiiiiik saha hadi hiya tamina ta3na

بلا مزيه يا بنت بلادي علي العين و الراس

كاين الي يقولوا الطمينة الي تكيب هي نتاع البلدية

بصح انا الي تعجبني هي الي نعتمدها و لحد الان هذي هي الوصفة الانحج و الاضمن دوفا و عملا

نورتيني بمرورك و صح رمضانك