كل االدروس في الفتلة بالمشينة مع الخروبية - الصفحة 7

*منى* · 2015-01-27, 20:48

السلام عليكم اخواتي ان شاء الله تكون في كامل الصحة
ولدت الاخت الخروبية من هنا ربي يباركلها ويتمم شفاها وحنا رقدنا على التطبيقات من هنا
المهم انتهزت فرصة الثلج كي صب ربي يبارك ويزيد ومروحتش للخدمة ودرت هذا التطبي

العوينات لي قالت عليهم الاخت الخروبية خرجولي عينيا جاوني شوي صعاب بصح نحاول معاهم ان شاء الله

الواجهة · 2015-01-28, 20:35

جزاك الله خير الجزاء على كل ماتقومين به

الخروبية · 2015-01-30, 16:40

السلام عليكم جمعة مباركة انا بنت الخروبية ماما تسال عليكم بكل و قالتلكم اني توحشتكم بكل وهي راهي غايبة على الدار عند جدي و انا تاني توحشتها بزاف نشاالله تجي في اقرب وقت وتفرح كي تشوف التطبيقات تعكم و ادعيولها مازالت مريضة السلام عليكم

*منى* · 2015-01-30, 20:42

سالي عليههها بنتي وربي يتمم شفاها على خير وقوليلها رها ليها وحشة كبيرة
ماتنسايش بوسيهالي

تقوى اماني · 2015-02-01, 18:11

ربي يشفيلك والدتك خروبية ويا ريت تزيدي تحطينا موديلات بالفتلة بالماشينة مع التوضيح الله يسترك ويشفي الوالدة يارب

تقوى اماني · 2015-02-01, 19:03

الفيديو لاينفتح معي لمادا

هبة نور الهدى · 2015-02-07, 10:26

ربي يجعلك في الجنة وشكرااااا

crono · 2015-02-08, 10:29

السلام عليكم
أختي خروبية وصاتني راهي تقولكم ما تتقلقوش ادعيولها مازالت مريضة ان شاء الله تجي في اقرب وقت

و هي راهي تبعث السلام الحار لكم جميعا و تعتذر منكم على الغياب

crono · 2015-02-08, 10:29

يغلق الموضوع حت ترجع أخت خروبية

crono · 2015-02-18, 09:28

فتح الموضوع بيروجوع أخت خروبية

الخروبية · 2015-02-18, 09:51

السلام عليكم
صباح النور والعطور على احلى الزهورالحمد لله رجعت الى اخوتى واحبتى الى من احببتهم فى الله الى من احترمهم الى من اقدرهم الى من اتمنى لقائهم فى الدنيا ويجمعنى الله بهم يوم القيامة على حوض نبيه صلى الله عليه وسلم الى حرائر الجزائر الى ارقى السيدات فى المجتمع الجزائري توحشتكم بكل و والله دعيتلكم بكل كنت غايبة عليكم بصح يعلم الله كيف كنت تعبت بزاف ةالعملية لى درتها كانت حساسة بزاف وبقيت فى غرفة العمليات ساعتين ونص يعنى درت 2 عمليات ومزال تسنى فيا عملية اخرى بصح ولادى صغار العملية الاولى مزال مرتاحتش نطلب منكم كيما دعيتولى المرة الاولى الله ستجاب ليكم بفضل قلوبكم الطاهرة وحسن اخلاقكم ومعدنكم الطبيب والله عمرى محسيت هداك الاحساس كى قريت المشاركات تعكم وسؤالكم عليا فرحت وبكيت قلت ياربي لكان عندى دعوة مستجابة خليها لخوتاتى ودخلهم للجنة بلا حساب ولا سابقة عذاب وقدرنى باه نرجعلهم خيرهم تحية من الخروبية كبيييييييييييييييييييييييييييييييييييييييييييييييي يييييييييييييييييييييييييييييييرةللجميع سلام ياكرام

ثلوج الشتاء · 2015-02-18, 10:17

حبيت نقولك على سلامتك ختي الخروبية ومرحبا بيك بين خواتاتك

*منى* · 2015-02-18, 13:50

والله فرحت كي شفت ردك أختي الخروبية الف لاباس عليك أختي والله يتمم شفاك وترجعي لوليداتك سالمة ان شاء الله.

stayfiya · 2015-02-18, 21:26

ربي يشفيك و يعافيك خيتي و يسلكك و يجعلك في كل خطوه سلامه و يحفظك و يحفظ وليداتك

جلفااوية · 2015-02-19, 16:57

الحمدلله على سلامتك اختي وربي يشفيك انشاء الله ويعافيك ويرجعلك صحتك انشاء الله وتعيشي مع وليداتك وتربيهم ربي يحفظك ويحفظلك ولادك انشاء الله ويفرحك بعايلتك ويفرحو بيك انشاء الله