سؤال على سكر الشبيكة

[جولنار1000]

صح رمضانكم حبيباتي ان شاء الله تكونوا بخير
حبيت نسال على سكر الشبيكة انا شريت السكر و شريت tapi
بصح منيش عارفة كيفاه نخدموا يعني كي نخلط كمية كيفاه نديرلها خاضة اني راح ندير كمية كبيرة راح ندير قاطو كيما دراتو في قناة سميرة هي وضحت كيفاه تخدمو بصح ما قلتش كيفاه نحتفظوا بالخليط في انتظار يفوتوا 12ساعة باه ينشف
ان شاء الله ناقى جواب على سؤالي
صح فطوركم

[ريتاج تيارتية]

السلام عليكم
حتى انا اختي كنت حابة معلومات عليه انا على حساب مافهمت كي نخدمو الشبيكة نسنحفظو عليها مغطية بورق الطبخ بصح مافهمتش شحال يقعد المدة وقيلا مايطولش بزاف
ان شاء الله تدخل كاش وحدة تفهمنا

[missouna]

تفضلي طريقة من طرف احد الأخوات جزاهن الله خيرًا..

اولا اختي هناك سيليكون خاص بالشبيكة وسكر خاص كدلك يؤخد 70غ سكر الشبيكة ونصف فنجان ماء دافئ يضرب لمدة 5دقائق حتى يصبح مثل المورانغ ثم يوزع على قطعة السيليكون وتكون بطريقة جيدة ومتساوية ثم تترك لتجف ليلة كاملة بعدها تزين بها مختلف الحلويات مدة صلاحيتها خمسة ايام بعدها تجف ولاتصلح للاستعمال

[جولنار1000]

شكرا حبيباتي على الاجابة بارك الله فيكم
يعني كي نحضر هداك الخليك سكر +ماء نقدر نحتفظ بيه مدة 5 ايام شكرا على التوضيح ادن القاطو مايطولش حتى هو
صح فطوركم

[om moetaz]

سلام ياشاطرات المنتدى تعيشو حبيت نعرف سعر سكر الشبيكة وشكرا مسبقا :-*

[kika85]

سكر الشبيكة انا شريتو واستعملتو...شريت السكر ب 45 الف والتابي ب 25 الف...انا درت الحلوى ديالي وطليتها وغطيتها بالنيلون...من بعد بديت نصنع في السكر كنت في كل مرة نخلط ملعقة تع عشا من السكر مع ملعقة كيما هي من الما الدافي شوي ونبقى نخلط فيها حتى تشوفيهم تجانسو وعينك هي ميزانك ما ديريه سائل بزاف ما ديريه ناشف..من بعد نطليه على التابي وحاولي دخلي السكر في هاداك الزواق مليح باش ما تتقطعلكش من بعد كي تنشف..ونخليه مدة ليلة كاملة او ادا كنتي مزروبة اشعلي الكوشة سخنيها شوي من بعد طفيها ودخلي التبي حطيه فوق سنيوة ودخليه للفرن تلقايه نشف في مدة اقصر...من بعد نحي الشبيكة غير بالعقل وقصي الزواق الي تستحقيه وانا استعملتو تمتم فوق الحبات قبل ما ينشف...ومرة نصحتني واحدة قالتلي خبيهم في ساشي وديريهم في الثلاجة لحين الاستعمل وانا الصراحة ما جربتها...انشا الله نكون فدتك...وكي نلقى صورة حلوتي راني نحطهالك...موفقة

[kika85]

سكر الشبيكة انا شريتو واستعملتو...شريت السكر ب 45 الف والتابي ب 25 الف...انا درت الحلوى ديالي وطليتها وغطيتها بالنيلون...من بعد بديت نصنع في السكر كنت في كل مرة نخلط ملعقة تع عشا من السكر مع ملعقة كيما هي من الما الدافي شوي ونبقى نخلط فيها حتى تشوفيهم تجانسو وعينك هي ميزانك ما ديريه سائل بزاف ما ديريه ناشف..من بعد نطليه على التابي وحاولي دخلي السكر في هاداك الزواق مليح باش ما تتقطعلكش من بعد كي تنشف..ونخليه مدة ليلة كاملة او ادا كنتي مزروبة اشعلي الكوشة سخنيها شوي من بعد طفيها ودخلي التبي حطيه فوق سنيوة ودخليه للفرن تلقايه نشف في مدة اقصر...من بعد نحي الشبيكة غير بالعقل وقصي الزواق الي تستحقيه وانا استعملتو تمتم فوق الحبات قبل ما ينشف...ومرة نصحتني واحدة قالتلي خبيهم في ساشي وديريهم في الثلاجة لحين الاستعمل وانا الصراحة ما جربتها...انشا الله نكون فدتك...وكي نلقى صورة حلوتي راني نحطهالك...موفقة