بخصوص البنيون

منوله · 2013-06-12, 21:23

السلام عليكم
عندي مشــــــــــــــــــــــــــــــكل كبير مع البنيون ديما يجيني حلو بزاف خاطر بيمو حلو و حلوى الترك حلوة حتى و نضيف الكاكاو
شكون عندها وصفة مليحة و مجربة و ما يكونش حلو بزاف

راجية غفران ربها · 2013-06-12, 22:00

ام ايمن17 · 2013-06-12, 22:09

هذا النيون تاعي الي نصنعو كي نرونو منقويش العسل شوية برك
و نقوي الزبدة

ان شاء الله يعجبك

المكونات

2 علب بسكويت
2 علب كوفرات
شوية حلوى الترك ( الشامية )
رطل كوكاو مطحون خشن
4 ملاعق كاكاو
فنيليا
قطع من الزبدة ( مرغرين )
عسل للعجن

للتزيين

شوكلاطة مذابة في حمام مريم+ نصف كاس حليب + ملعقة زيت للمعان الشوكلاطة و يخلط جيدا ثم ينزع من حمام مريم
شوية مكسرات

nina13 · 2013-06-13, 08:11

شكرا على البنينو الرائع

منوله · 2013-06-13, 08:43

شكرا اخواتي manel1977 .......ام ايمن17 ربي يهنيكم ان شاء الله نجربو بهذو الوصفات و يخرجلي ماشي حلو

بلقيس الهدى · 2014-07-11, 21:43

أشهى حلوى و هي الأفضل على الإطلاق

عماني نور · 2014-07-12, 13:05

شوفي حبيبتي .. دخلتي لمنطقتي هههههههههههه البنيون بالذات حلوتي المفضلة و الي نبدع فيها ابداااااااع و الحمد لله
يعني مشهودلي بلي يخرج رووعة و بيناتنا ... انا شخصيا معجبة بيه قولي حوحو ،، خوخو ،، بوبو ،، مايهمنيش ههههه المهم جربي و قوليلي

المكاييل اولاش ^^ انا ندير عيني ميزاني ، بعد ما نكملو كااامل القاطو ، نجمع واش بقى و نحطو فالبنيون

بيمو مرحي رقيييق ، كاوكاو مرحي متوسط ، ماشي بود ة باش يجي مقرمش، جوز كثري شوية ، و خليه خشين شوية ، حلوة الترك ، لوز ، بندق ، اي حاجة بقاتلك ديريها ، المهم المكسرات كامل ارحيهم خشان شوية ، و في الاخير الكاكاو حسب الكمية الي عندك ، و اختاري اجود انواع الكاكاو البني ، ديري تع الميزيان ماشي تع البوايط ، و شميه قبل ماتشريه إذا يريه الشيكولا جيبيه، اذا ماعجباتكش ريحتو اختاري من حانوت آخر حتى تلقاي نوع مليح

و ظوكا باش مايجيكش حلو ، ديري كمية من العسل مع الزبدة ، و ماتكثريش الزبدة باش مايجيش مزيت بزاف ، و ارجووووك اختاري نوع مليح تاع الزبدة مثلستار مثلا ، او مارغرين فلوريال ، والله ساعات فالعيد نذوق البنيون تع الناس نحب نرد فوادي حاشاك ، يديرووه مززززززززيت و ريحة السمن طالعة منو تحسابي لموه غير بالسمن
مافهمتش آسكو صح سمن ولا كاش زبدة فايحة ، المهم نصيحتي نقصي الزيت قدر المستطاع ، و اختاري نوعية مليحة

المهم خلطتي انا : كمية من الزبدة + كمية زايدة شوية عسل حطيهم فوق النار ، حتى تذوب كامل الزبدة ، خليه يبرد شوية و خلطي بيديك مليح
اكيييد تلقاي العجينة مازال ماتلمتش

جيبي حليب بااارد ، و بداي تزيدي بشوية ، حتى تتلملك العجينة كامل

المفروض كمية الحليب ماتفوتش فنجان صغير ، و ماتخليش العجينة تجري بزاااف

بعدها ، شكلي البنيون كيما تحبي ، خليه يريح فالثلاجة

حضري الجاناش ، " طلية الشوكولا " ، أيضا اختاري اجود انواع الشكولاطة السوداء + عجينة الشوكولا

ذوبيهم في حمام مائي + ملعقة صغيرة حليب + قرصة زبدة " قد حبة الحمص "

اطلي البنيون فوق مشبك ، و زيني اما بالبيستاش مرحي ، او حبيبات جوز ، خطوط بالشوكولا البيضاء ، حبيبات بندق ، انت و ذوقك

و إذا حبيبتي تقلشي روحك بالزيادة احشي الحبات قبل ماتديريلهم الطلية بالمكسرات الي تحبيها ، جوز ، لوز ، او شوية حلوة الترك

صدقيني مايتشبعش ،، و النصيحة الأخيييييرة علابالي هدرت بزاااااااف بزااااااف بزاااااااااااااف ^^ " خبييييييييه في مكان بعيد عن أيادي الصغار و الكبار
و كيما قتلك ، خليه هو آخر حلوى تخدميها ، أولا لأنها مليحة كي تكون جديدة و مقرمشة
ثانيا لأنو فيها الحليب ، يعني مالازمش تطول

نتمنى تجربيها و تعجبك ، و تدعيلي ، و تبعثيلي نذوق

منوله · 2014-07-13, 01:47

اقتباس:

المشاركة الأصلية كتبت بواسطة عماني نور

شوفي حبيبتي .. دخلتي لمنطقتي هههههههههههه البنيون بالذات حلوتي المفضلة و الي نبدع فيها ابداااااااع و الحمد لله
يعني مشهودلي بلي يخرج رووعة

و بيناتنا ... انا شخصيا معجبة بيه

قولي حوحو ،، خوخو ،، بوبو ،، مايهمنيش ههههه المهم جربي و قوليلي

المكاييل اولاش ^^ انا ندير عيني ميزاني ، بعد ما نكملو كااامل القاطو ، نجمع واش بقى و نحطو فالبنيون

بيمو مرحي رقيييق ، كاوكاو مرحي متوسط ، ماشي بود ة باش يجي مقرمش، جوز كثري شوية ، و خليه خشين شوية ، حلوة الترك ، لوز ، بندق ، اي حاجة بقاتلك ديريها ، المهم المكسرات كامل ارحيهم خشان شوية ، و في الاخير الكاكاو حسب الكمية الي عندك ، و اختاري اجود انواع الكاكاو البني ، ديري تع الميزيان ماشي تع البوايط ، و شميه قبل ماتشريه إذا يريه الشيكولا جيبيه، اذا ماعجباتكش ريحتو اختاري من حانوت آخر حتى تلقاي نوع مليح

و ظوكا باش مايجيكش حلو ، ديري كمية من العسل مع الزبدة ، و ماتكثريش الزبدة باش مايجيش مزيت بزاف ، و ارجووووك اختاري نوع مليح تاع الزبدة مثلستار مثلا ، او مارغرين فلوريال ، والله ساعات فالعيد نذوق البنيون تع الناس نحب نرد فوادي حاشاك ، يديرووه مززززززززيت و ريحة السمن طالعة منو تحسابي لموه غير بالسمن
مافهمتش آسكو صح سمن ولا كاش زبدة فايحة ، المهم نصيحتي نقصي الزيت قدر المستطاع ، و اختاري نوعية مليحة

المهم خلطتي انا : كمية من الزبدة + كمية زايدة شوية عسل حطيهم فوق النار ، حتى تذوب كامل الزبدة ، خليه يبرد شوية و خلطي بيديك مليح
اكيييد تلقاي العجينة مازال ماتلمتش

جيبي حليب بااارد ، و بداي تزيدي بشوية ، حتى تتلملك العجينة كامل

المفروض كمية الحليب ماتفوتش فنجان صغير ، و ماتخليش العجينة تجري بزاااف

بعدها ، شكلي البنيون كيما تحبي ، خليه يريح فالثلاجة

حضري الجاناش ، " طلية الشوكولا " ، أيضا اختاري اجود انواع الشكولاطة السوداء

+ عجينة الشوكولا

ذوبيهم في حمام مائي + ملعقة صغيرة حليب + قرصة زبدة " قد حبة الحمص "

اطلي البنيون فوق مشبك ، و زيني اما بالبيستاش مرحي ، او حبيبات جوز ، خطوط بالشوكولا البيضاء ، حبيبات بندق ، انت و ذوقك

و إذا حبيبتي تقلشي روحك بالزيادة

احشي الحبات قبل ماتديريلهم الطلية بالمكسرات الي تحبيها ، جوز ، لوز ، او شوية حلوة الترك

صدقيني مايتشبعش ،، و النصيحة الأخيييييرة علابالي هدرت بزاااااااف بزااااااف بزاااااااااااااف ^^ " خبييييييييه في مكان بعيد عن أيادي الصغار و الكبار

و كيما قتلك ، خليه هو آخر حلوى تخدميها ، أولا لأنها مليحة كي تكون جديدة و مقرمشة
ثانيا لأنو فيها الحليب ، يعني مالازمش تطول

نتمنى تجربيها و تعجبك ، و تدعيلي ، و تبعثيلي نذوق

شكراااااااااا حبيبتي راكي شهيتيني فيها هههههه لازم نجربها و باينة تخرج بنينة و هايلة
صحا فطوورك