واش تديري كون جيتي في بلاصتي...؟؟؟؟

[chams el acil]

المشاركة الأصلية كتبت بواسطة ام سارة ورقية

وعليكم السلام ورحمة الله وبركاته
عزيزتي مازالك صغيرة على الزواج راكي 17 سنة ما زلت مراهقة وممكن هذا الحب نزوة وتفوت
انا من رايي خوذي راي امك لان الام اعرف بمصلحة ابنتها
وخاصة راكي حابة تدرسي الطب مازال المشوار طويل بزاف ورب يوفقك واش تتمناي
انا مانضنش يقدر يسناك كا هاذ المدة
الان راكي صغيرة وصغيرة بزاف مبعد كي تكبري وتتزوجي وتفهمي كلام امك لانك الان ما تقدريش تستوعبيه
الزواج يا حنونتي ماهوش غير حب راهو مسؤولية كبيرة وموش شرط الحب في الزواج المهم يكون الاحترام بين الطرفين وحبيبتي صدقيني الحب الحقيقي يجي بعد الزواج ......
ورب يوفقك لما يحب ويرضى خمي في قرايتك ضرك ونحي عليك فكرة الزواج

merci pour la réponse
mais ana manich mdayra fikra ta3 zwaj fi rassi ana dorka 7Abba bark nkoun m3A l3Abd li n7Abou fi itar 3la9A wad7A hada makne
rabbi ykhallikoum, kamlllllllllllllllllllllllllllllllll w yhanikoum w ya3tikoum ma tetmanaw

[tita_gas]

سلام عليكم
اختي انا راني قدك في العمر 17 سنة و العام الجاي نعقب الباك ربي يوفقنا
اختي لوكان جيت في بلاصتك نطيش الموضوع من راسي عمباليراني حاسة وش يعنيلك لكن اختي حنا في وقت مايرحمش لازم يكون للمراة سلاح في يدها يلي هو قرايتها و اختي انصحك انك ماتتسرعيش و خذي براي ماماك و اختك و اذا كاتب ربي انك تكون مع حبيبك صدقيني تروح سنين و تجي سنين و يجمعكم القدر
حبيبتي ربي يخليك ماتضيعيش قرايتك لانها هي سلاحك
ربي يسهل و ارضاي بالحاجة يلي كتبهالك ربي و جامي تقولي راي ضاقت بيا الدنيا اتحلاي بالايمان و ربي يفرج حنونة
ربي يوفقك
تحياتي لك

[زنايدة]

المشاركة الأصلية كتبت بواسطة chams el acil

السلام عليكم خواتاتي..................
حبيت نسقسيكم اذا كن عندك واحد في حياتك تقدملك بصح ماماك ماشي موافقة واختك الكبيرة تاني..................
واش تديري اذا كنتي في بلاصتي توجدي في جهازك وراكي علابالك ماماك ماراهيش حابة هاذ الزواج
لسبة واحدة هو انك مازلتي صغيرة -عمري انا 17 سنة- العام الجاي باك وللعلم انا تلميذة مليحة خلاص........
حنا حبينا نديروا خطبة برك........... والزواج بعد الجامعة ان شاء الله.
تعيشوا خواتاتي انصحوني راني بين نارين من جييهة حبيبي و تقدروا تقولوا خطيبي يعني بقات غير الخطبة تاع العرضة...........ومن جيهة ماما لي كل ما نهدر معاها ماتحبش تسمعني .............
انصحوني راني حاسة روحي وحدي والدنيا ضاقت بيا خلاص
راني متوكلة على ربي وعلى النصائح تاعكم................
ما فهمتش علاش هي واختي الوحيدة معارضين.... يعني ماكان حتى سبب باين هو الله يبارك متربي و ولد فاميليا وخدام لاباس بيه والخمد لل -مقاول- وطفل واحد في العايلة.........
راني نستانى في الردود نتاعكم............

اسمحيلي أختي نقولك حاجة بصح أنا تبانلي أمك و أ×تك حابين مصلحتك نقولك علاه ؟ باغسكو ممكن بعد الخطبة يعني خطيبك ينساك أ, يحط عينو في وحدة أخرى لأنهم البنات ياسر المرة الأولة قبل ما نقرى الموضوع قلت ربما أختك غارت منك و لكن بعد ما قريتو عرفت بلي راهم يحبوا مصلحتك لأنك مازلت طالبة و ممكن الخطبة تأثر على دراستك أو حياتك و من ثم كي يتخلى عليكتعودي مصدومة كشما يسرالك ما تقلقيش روحك خلاص ما هوش الراجل الأخير في العالم الرجال ياسر ادا كان يحبك صح ما هوش راح يتخلى عليك و قبل الزواج لازم تسقسي عليه لا ثاني يتمسخر بيك أختك زنايدة زين الندى شكرا و نتمنى ما تزعفيش لأني لا أٍيد أن تقعي في فخ مزمن يدمر حياتك هدوا هدية ليك باش ما تزعفيش و الله غير نحب مصلحتك سلااااااااااام..*

[كارمن13]

أختي ننصحك بحاجة وحدة هي اللي توريلك طريقك....ما كانش كيما صلاة الإستخارة...ماشي غير فالزواج..فأي حاجة حبيتي تعمليها.....ربي يعرف خير منا كامل..و ايلا كان فيه الخير هاد الزواج ربي راح يسهل و ييسرلك الأمور، و ادا مافيهش خير ربي راح يبعدو عليك و يرزقك حاجة ما خير و ينورلك البصيرة ديالك.....اللي يتبع ربي قاع ما يخافش.....هادا رايي....نتمنالك السعادة حنونة.....

[chams el acil]

المشاركة الأصلية كتبت بواسطة كارمن13

أختي ننصحك بحاجة وحدة هي اللي توريلك طريقك....ما كانش كيما صلاة الإستخارة...ماشي غير فالزواج..فأي حاجة حبيتي تعمليها.....ربي يعرف خير منا كامل..و ايلا كان فيه الخير هاد الزواج ربي راح يسهل و ييسرلك الأمور، و ادا مافيهش خير ربي راح يبعدو عليك و يرزقك حاجة ما خير و ينورلك البصيرة ديالك.....اللي يتبع ربي قاع ما يخافش.....هادا رايي....نتمنالك السعادة حنونة.....

rabi ykhallik khti la3ziza

[chams el acil]

المشاركة الأصلية كتبت بواسطة زنايدة

اسمحيلي أختي نقولك حاجة بصح أنا تبانلي أمك و أ×تك حابين مصلحتك نقولك علاه ؟ باغسكو ممكن بعد الخطبة يعني خطيبك ينساك أ, يحط عينو في وحدة أخرى لأنهم البنات ياسر المرة الأولة قبل ما نقرى الموضوع قلت ربما أختك غارت منك و لكن بعد ما قريتو عرفت بلي راهم يحبوا مصلحتك لأنك مازلت طالبة و ممكن الخطبة تأثر على دراستك أو حياتك و من ثم كي يتخلى عليكتعودي مصدومة كشما يسرالك ما تقلقيش روحك خلاص ما هوش الراجل الأخير في العالم الرجال ياسر ادا كان يحبك صح ما هوش راح يتخلى عليك و قبل الزواج لازم تسقسي عليه لا ثاني يتمسخر بيك أختك زنايدة زين الندى شكرا و نتمنى ما تزعفيش لأني لا أٍيد أن تقعي في فخ مزمن يدمر حياتك هدوا هدية ليك باش ما تزعفيش و الله غير نحب مصلحتك سلااااااااااام..*

lah yhanik khti walah el hadra ta3k sa7 s3iba bah ndirha mais hiya sa7 w hiya li lazem ndirha
rabi yhannik w ya3tik ma tetmanay khti la3ziza

[chams el acil]

المشاركة الأصلية كتبت بواسطة tita_gas

سلام عليكم
اختي انا راني قدك في العمر 17 سنة و العام الجاي نعقب الباك ربي يوفقنا
اختي لوكان جيت في بلاصتك نطيش الموضوع من راسي عمباليراني حاسة وش يعنيلك لكن اختي حنا في وقت مايرحمش لازم يكون للمراة سلاح في يدها يلي هو قرايتها و اختي انصحك انك ماتتسرعيش و خذي براي ماماك و اختك و اذا كاتب ربي انك تكون مع حبيبك صدقيني تروح سنين و تجي سنين و يجمعكم القدر
حبيبتي ربي يخليك ماتضيعيش قرايتك لانها هي سلاحك
ربي يسهل و ارضاي بالحاجة يلي كتبهالك ربي و جامي تقولي راي ضاقت بيا الدنيا اتحلاي بالايمان و ربي يفرج حنونة
ربي يوفقك
تحياتي لك

merci khti 3la klamek ezine rabi yhannik w matkhafich ghir 9rayti li mankhalihach puisque la moenne ta3i dorka 17.54 w el bac nch allah lazem ykoun hakda
w nch allah nafr7ou m3a ba3dana el 3Am el jay

[kelly2929]

حبيبتي الكبار يشوفو حوايج احنا في هاد العمر مانقدروش نشوفوهم
ادا كان حبيبك او خطيبك يحبك صح حيبقى معاك ويصبر حتان ترضى أمك ماتزربيش
انا راني 22 سنة ونشوف في روحي صغيرة على الزواج وين كين انتي أصبري حتان تطلعي للجامعة التما تعرفي الدنيا صح ولتما تعرفي ادا حبيبك يحبك صح ولا لا ادا يحبك حيبقى معاك ديما وادا لا حيدير الف مشكلة ومشكلة
هادا رايي وراي البنات الكل رانا موافقين امك واختك وماتقوليش هادوما مش فاهميني اناوش نحس بالعكس خلا خاطر احنا فاهمين انتي وش تحسي نقولولك اصبري

[majda archi]

بلاكي تسمعي لقلبك.استخدمي عقلك.المهم بلاكي ترتبطي درك باسكو الخطيب راه مهماما حاولتو راح ينقصلك من تركيزك فالدراسة.وزيد عام جاي باك الواحد مخو يصبو كامل فدراستو وياربي هدا ادا كنتي حابة تاخدي مستقبل زاهر.وزيد بيبان الدنيا هدا وين راح تفتحلك يعني مور الباك راح تشوفي وتختلطي بناس جدد وتروحي العالم الجديد يعني من الافضل تكوني حرا راجل راح يربطك ويتحكم فيك .واولا واخيرا ليما ترضاش عليه امو مراحش يبعد بعيد و الايام كفيلة باه يعرف علاه والديه رفضو.

ننصحك بقرايتك وخليك من هاد القصص مزال العمر قدامك ومستقبلك دراسي اولا واهم وهو ليجيبلك سيد رجالا وتكون امك راضيا عليه وتشوفي ربح معاه.

[ياسمين16]

okhti ngollék haja wahda 3omrék ma tkhalfi waldik 3la djal ay haja f denia w oun tkhalfihoum rabi marah ywofkék f hata haja f hayatek wallah en + hada radjel ida sah yhabbék yakdar yassénak au moin 3 ou 4 ans plutard 3al akal w loukane tdiri dorka khotba w tébkay hakak m3ah twali fi machakil bzaf w nas kamel ychoufouk m3ah w kadar rabi maykattébch binatkoume w trouh fik godem kamel nas f batel wenti 3adak raki mazal machefti hata haja f had denia sadkini surtout l3ame ta3 lbac concentré fih ghir 3la krayték haja matanf3ak f denia mba3da kol haja tjik f woktha matzarbich rohek aki tendmi wallah ana g ma cousine haka tzowjéte 18ans wallah ga3date 3 mois f dar radjélha w dorka rahi 20ans divorcée golili chkoun rah yaddiha 3andek tdiri had lghalta akray w 3ichi hyaték mba3d yji zwadj wahdou

[chams el acil]

Merci khwatati lah ya3tikoum ma tetemanaw rani dert b raykoum w inchalah yfaraj rabi
ed3iwli m3akoum

[tita_gas]

سلام عليكم
شوفي ماشاء الله عليك شاطرة في القراية ربي يخليك كيما هك
يعطيك الصحة اختي اعملي بنصائحنا و ربي يفرج عليك و اصبري لخاطر ربي يلي يخلق راه ما يضيع و كي ترضي ماما و ربي احسن من الدنيا و ما فيها
اتمنى لك النجاح
وهذا دعاء الفرج :

________________________________________
*_ الدعاء _*
بسم الله الرحمن الرحيم
والصلاة والسلام على سيدنا محمد وعلى اله وصحبه وسلم
لا إله إلا الله الملك الحق المبين، لا إله إلا الله العدل اليقين، لا إله إلا الله ربنا ورب آبائنا الأولين، سبحانك إني كنت من الظالمين، لا إله إلا الله وحده لا شريك له، له الملك و الحمد يحي ويميت وهو حي لا يموت بيده الخير وإلية المصير،وهو على كل شيء قدير.
لا إله إلا الله إقرارا بربو بيتة، سبحان الله خضوعا لعظمته، اللهم يا نور السموات و الأرض ، يا عماد السموات الأرض ، يا جبار، السموات والأرض ، يا ديان السموات والأرض، يا وارث السموات والأرض، يا مالك السموات والأرض ، يا عظيم السموات والأرض ، يا عالم السموات والأرض ، يا قيوم السموات والأرض ، يا رحمن الدنيا ورحيم الآخرة .
اللهم إني أسألك ، أن لك الحمد ، لا إله إلا أنت الحنان المنان ، بديع السموات و الأرض ، ذو الجلال و الإكرام ، برحمتك يا أرحم الراحمين .

[وئام الروح42]

اختي انا نشوف يماك عندها الحق
مازالك صغيرة
لقراية اولا الديبلوم راه خير من سيد الرجال لانوا يحميك من عواقب الزمن
او زيد الخطبة بالنسبة ليك مازالت لعبة تتسلاس بيها لانك مازالك صغيورة
واذا خيرت الخطيب وحبيتي تعيشي معاه او قانعة بيه ديري العرس مباشرة بعد الباكالوريا او كملي الجامعة في دارك لانوا الخطبة من اصعب واهشش المراحل

[chams el acil]

المشاركة الأصلية كتبت بواسطة tita_gas

سلام عليكم
شوفي ماشاء الله عليك شاطرة في القراية ربي يخليك كيما هك
يعطيك الصحة اختي اعملي بنصائحنا و ربي يفرج عليك و اصبري لخاطر ربي يلي يخلق راه ما يضيع و كي ترضي ماما و ربي احسن من الدنيا و ما فيها
اتمنى لك النجاح
وهذا دعاء الفرج :

________________________________________
*_ الدعاء _*
بسم الله الرحمن الرحيم
والصلاة والسلام على سيدنا محمد وعلى اله وصحبه وسلم
لا إله إلا الله الملك الحق المبين، لا إله إلا الله العدل اليقين، لا إله إلا الله ربنا ورب آبائنا الأولين، سبحانك إني كنت من الظالمين، لا إله إلا الله وحده لا شريك له، له الملك و الحمد يحي ويميت وهو حي لا يموت بيده الخير وإلية المصير،وهو على كل شيء قدير.
لا إله إلا الله إقرارا بربو بيتة، سبحان الله خضوعا لعظمته، اللهم يا نور السموات و الأرض ، يا عماد السموات الأرض ، يا جبار، السموات والأرض ، يا ديان السموات والأرض، يا وارث السموات والأرض، يا مالك السموات والأرض ، يا عظيم السموات والأرض ، يا عالم السموات والأرض ، يا قيوم السموات والأرض ، يا رحمن الدنيا ورحيم الآخرة .
اللهم إني أسألك ، أن لك الحمد ، لا إله إلا أنت الحنان المنان ، بديع السموات و الأرض ، ذو الجلال و الإكرام ، برحمتك يا أرحم الراحمين .

aaaaaaaaaaaaaaaaaaaaamine ya rab
lah ya3tik ma tetmanay khti la3ziza

[أم أسامة 07]

بما أنني أم أنصحك بمايلي:
* ما زلت صغيرة انصحك تكملي قرايتك الدنيا ما زالت قدامك
* اسمعي كلام امك واختك رضا الله في رضا الوالدين