ساعدوووووونيييي

[mary.asm]

السلام عليكم
انا طالبة سنة اولى طب بجامعة تيزي وزو
اريد مساعدتكم وهل من نصائح ارجوكم .. انتهى السداسي الاول واكملنا الامتحانات ولم اكن مقصرة ابدا فقد درست كثيرا وتقريبا كنت آجور.لكني لم اوفق في الامتحانات ولن اتحصل على المعدل
فلابد من ان شيء ما لم يكن على الطريقة المطلوبة او الكافية
ارجوكم اعينوني وافيدوني بنصائحكم فلا استطيع ان ارى نفسي اضيع سنة من حياتي
لاتبخلوني وشكراا مسبقا

[manel 26]

السلام عليكم

اختي عادي جداا ما توصليش للمعدل

ديري في بالك الصح في المعلومات انتي راح تكوني طبيبة ماعناتها لازم تفهمي كلش

و كيما قلتي قريتي معناتها ماضيعتي والو

ثانيا المعدل صح لازم تلعي عامك بصح لازم تكوني تسحقي النتيجة

لاني انا ايضا طالبة طب راني نشوف في ناس ما تعييش كامل روحها من لخر برك بداو يقراو و قراية خفيفة برك و يجيبو نقاط ممتازة

هذا علاه ؟؟؟

qcm يلعب فيه الحظ دور كبير

انتي ما تقلقيش روحك مازال كاين الوقت باش تتداركي اخطاءك اقراي اقراي بزاااف الطب لازملو هاكا اتوكلي على ربي

حلي مواضيع سابقة و ما تخلي حتى حاجة ما تفهميهااش

و ان شاء الله فيها خير موفقة

[mary.asm]

شكراااا
ماهي المنهجية التي اتبعتيها لعلي استدرك بها اخطائي

[بشـرى]

أختي كلما تقراي كور حلي مواضيع الإمتحانات .... Les QCM عندهم دور كبير في فهم الدرس ، ممكن أنتِ تقراي الكور وتبانلك فهمتيه بصح كي جي فالكنترول متعرفيش تجاوبي مناه كاين حوايج متتولهيش ليهم فالمراجعة ....
نقولك طريقة اتبعتها أنا من عامي اللول والحمد لله ما عاودت حتى عام ...
نحكم الكور نقراه أول مرة نفهمو مليح ونلون النقاط المهمة ، أو نكتبهم باه نعاودهم من بعد ، وكي نخلص الكور ونفهمو مليح نعاود نبداه من الأول ونحفظو مليح ، وهكذا فلي كور كامل ، ولما نخلص خلاص ندير مراجعة خفيفة ، ونحل لي كنترول وهوما بعد شغل راكي تراجعي ...
متخافيش من النتائج تاعك درك ، راه تبدل عليك السيستام وكلش ، شيء طبيعي تلقاي صعوبة ، لكن مع الوقت راح تتأقلمي ....
بالتوفيق إن شاء الله ..