نعيب الزمان و العيب فينا و ما للزمان عيب سوانا
نضن كل وقت و سلبياتو و ايجابياتو ....نحب يا اختي الزمن اللي عايشة فيه و يعجبني خير من بكري لاني بكل بساطة ماش رايحة نعيش في الماضي و جامي عشتو ...نستغرب في بعض الردود اللي يقولو مابقاتش النية .....انا نضن النية تبقا حتا تفنا الدنيا
الحاجة الي تعجبني ف وقتنا هي الحرية ....يعني اللي يحب يتدين و اللا اللي يحب يخرج على الملة الكل راهم احرار ....نضن بكري كانو يديرو كلش بالسرقة و ماش كامل ملايكة او ماغلطوش خلاص لالا الاغلبية يخافو يقولو لا فقط لا اكثر مي اللي تجيه الفرصة يغلط ماش غير يغلط و ربما يتعدا الحدود في الاخطاء .....
وقتنا هدا زادت فيه الامكانيات و التسهيلات تاع الخيانة و النضرة الحرام و الاختلاط........ ...مي مايمنعش يكون فيه ناس شادين ف ربي مليح و يشوفو لحرام قدامهم مي والله مايدناو ليه .....انا نحترم الراجل اللي عندو بورتابل مي جامي يخون علابالو ربي او يشوف فيه ...نحترم لمرا تاع الوقت هدا اللي مام تلقايها ماش بالحايك ومايش مخزونة ف الدار مي ف وقت الشدة والله ماتخمم تروح للشوافات تقوللك صح انا مانيش مثالية مي مازلت طامعة في الجنة و والله مانشرك بربي ....نحترم الشاب اللي تلقايه بالجين و الجال و كي يسمع الادان يطلق كلش و يتجه للجامع .....
بكري كان الراجل يدخل للدار يضرب مرتو بدون سبب ...تحسابلو هديك هي الرجلة ههههه.....مي دركا ماش راحت الرجلة لالا دركا يخاف يمد يدو بلا سبب و يحقر وحدا قارية و فاهمة و تعرف كيفاه تجيب حقها منو
بكري كانت المرا صح تلبس مستور مي مسكينة ماتعرفش تهز المصحف و تقرا ....
بكري ماكانش الطلاق ناقص لالاااااااا ماكانش الاحصائيات اللي تاكد بلي صرا طلاق.. ...جدودنا بزاف اللي طلقو و عاودو الزواج مي والو ماكان مكتوب ...يزوج و يطلق و واحد مايفيق بيه .........
و منه يحيا الجيل تاعنا ههههه و كي تشيابو برك ماتبقاوش تكريتيكيو في احفادكم .......خليوهم يعيشو وقتهم ...سلام