الشعر الملحون( الوقت اتبدل قصيدة شعر ملحون )ارتجلتها عام2010
[ارتجلت الأبيات لللأخ أبوفارس بتاريخ16-12-2010 ردا على الأخ أبو فارس في منتدى آخر أعيدها عليكم عساها تجد القبول
[size="6"]
ابو فارس وقتنا صح اتبدل ///////حاجة ماهي طيبة في ذ الحياة
مازالت ذ شمسنا مالشرق اتطل ///// وهي هي السمش للغرب اتمسات
افعال العـــــــــــــباد راها تتــــبدل ////// وانسبو ايام ربي كل لــــــــــــوقات
غاب الحق وجار ذالباطل عالكل /////// واتقوى حتى ن قــــــــــــلنا بركات
ضاع القدس وبلادنا ولى محتل///***//// ونحارب في بعضنا ولرواح فنات
المسلم مذبوح مقتول امبهدل///***//// دم المسلم رخيص ما ليهش ديات
المومن عاد اغريب متهوم امبهدل///////وجار الكفر وطال وقت الموبقات
اللي قلبو حي يحيا متعلعل///****//// المحنة تكتل فيه والضغظ وعلاّت
الجامع مليان وناسو تتختل //////عاد الدين لباس ظاهر للخدعات
الزوالي مردوم طايح في الأسفل///// الغاني مرفوع عالي فالدرجات
لا ثقة لاعهد ما ايوفي راجل////// النفاق الكذب وعالخبث اتلاقات
وكالين الدين والصدق اتحول////// الصافي متهوم حكم الجنايات
الدنيا فالمال تعبد يا عاقل ////// والراحة فالقلب ماعادت هيهات
ماعادش الخو على خوه ايسول///// وبأسباب النسوان لرحام اتعادات
اتقطعت لرحام والهامل يهمل ////// والميساج ايفك من ذ الزيارات
لانية لا عهد لاوعد امسجل///****/// المصالح والفايدة في المعاملات
الموت امع العرس كلش متخبل ////// وقت الجنازة يقضو لافيرات
الرشوة ووالبيسطو يحل المشكل ////// واللي ما عندوش ميت فالحياة
حتى في رمضان وايعم الباطل /////// وتشهر الصوم تعود فيه الموبقات
عم العلم والناس قادي تستجهل ////// والدنيا تفتتي تسال القنوات
من والى شفتو ايحرم وايحلل////// اللي يقرا حديث يفتي بالآيات
التدين عالنهب وعالهف امعول///***//// واللحية والقميص تلقاها خدعات
رفدو كامل مال الربا ولى ساهل//////// والحلال اقليل ناسو ياسادات
كلش وافر عدنا محال ايقل//// والبنة محـــال تلقاها هيــــــــــــهات
كلش سامط عدنا فيسع يتمل ////حاجة ماتشتيك من هاذ الخيرات
عادانا مطر السماء ماهو ينزل///****//// واذا صب الغيث يهلك مخلوقات
الباطل والجور والحال اتخبل///***///رانا قاع انخلصو في ذ الحـــــــــــــياة
الراجل تلقاه داهش وامعلعل//// مالو وافر و ما يصـــــــــــليها لوقات
الراجل تعبان ايظل ايحـــــــول///// واولادو للنوم دايم والقصرات
لا طاعة للوالدين اهل المنزل///// عاد الآب ايطيع ولدو يا سادات
المنسو ربي اكشفها يا عاقل ////لا حشمة لادين سهم الطرقات
تلقى لنثى كي الراجل تتجول /////عالنجمة للسوق ركبت طاقسيات
الذري تلقاه مفتون امــــــرًََوبًل ///// حاير باير ماايهني في حاجات
والشبيبة ما اتقنع يـــــــــا راجل//// في عمرو تلاثين لاهي باللعبات
الشعر امشوك امعاه تينيس امريقل////// مااتهمو لادار عمرت ول اخلات
ابو فارس قا نسكت يا عاقل ///////اسمحلي ارتجلت ليكم ذ الكلمات
أنا نسكت خير ماصبناش الحل /////يفعل بينا خير رب الـــــــــــــــــكائنات
ايسلكنا من وقت زايد ايتخبل ///// رانا نرجى فيه مجيب الـــــــــــطلبات
ايسلكنا ما انعود نبقى نتبهدل /// عاد الحي اليوم يتمنى المــــــــــمات[
ياربي وانت الرحيم الاول ///***/// يا مليك الملك يا علي الدرجات
يا عظيم الشان يا عز وجل///***////يامن ترحم كل هاذ المخلوقات
افعل بينا خير سلّكنا بالكل///***////لا اتبهدلنا ياالله في ذ الحياة
سلكنا يا خالقي ما نتبهدل ///***//// ونجينا في لاخرة بعد الممـــــــــاة
راني نرجى فيك ندعي نتوسل///***///لا تخيبنا يالله في ذ الدعوات
بجاه الرسول طه المفضل //***///صلى الله عليه نختم ذ لبيات
بن عامر في خالقو ديما يسأل///***//// ومعايا آمين قولو يا سادات
لعل لكريم منكم يتقبل///***/// لعل ربي يحقق ذ الطلبـــــــــــــــات
محمد بن عامر الأغواط 16-12-2010[/
( تقرير عن مشاركة سيئة )، و الموجودة أسفل كل مشاركة .
2015-10-07, 14:12
الوقت تبدل
العرض العادي
