|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2014-09-10, 23:33 | رقم المشاركة : 1 | ||||
|
زيراوي وملتوخة من مطبخي
من اطباقنا التقليدية الزيراوي والملتوخة راح نبدى بالزيراوي لانو نفس المرحلة الاولى والمكونات تاع الزيراوي هي نفسها تاع الملتوخة المكونات 3كيلت سميد متوسط 1كيلا سمن ذايب ملح ماء معاه ماء ورد او ماء زهر زبدة عسل .مكسرات .شامية هذي اختيارية نبسس السميدبالسمن الدافئ كيما نعمل للمقروض ثم نرشو بالماء الدافئ لي عملت فيه ماء ورد وذوبت فيه الملح نخدم برؤوس الاصابع فقط ما نعجنش ثم نحطو في بلا ونقصو مربعات ونطيبو في الفور لما يطيب نفرغو ه في اناء كبير ونحاول نفتتو بالاستعانة باي غطاء لانو كل ربة بيت عندها اسلحتها المطبخية ههههههه ونرحيه في روبو ما راحش نكونوا في حاجة للسيار لان العجينة راهي مبسسة نرشوه بما ءزهر مثل الكسكسي ونخلوه يشرب ما نكثروش باش ما يعجنش ونحاول نحلو مابين كفوف اليد ونحطوه يفور تفويرة اولى ثم نفرغوه ونحلوه ونعمل قطعة زبدة ونزيدنرشو بماء زهر ونعاود تفويرة ثانية لما يفور ننزلوه ونحلوه بملعقة كبيرة ونعملو كمية مليحة زبدة ملاحظة هنا نعمل زبدة موش سمن +العسل +المكسرا ت مرحية خشينة انا هنا عملت لوز وجوز+الشامية ونعملو في صحن ونجملو حسب الموجود وهذي الصور للتوضيح هذا هوسلاحي لي نفتت بيه في الصور انا التفوير صورت مرحلة وحدة لانها نفسها 2الملتوخة الملتوخة هي طبق نعملوه في الربيع خاصة مع اللبن تتميز بيه منطقتنا المقادير 3كيلات سميد 1كيلا سمن ذايب ودافئ ماء وملح غرس منقي ومرحي زبد ة ستار اوزبدة عربي من الافضل عسل مكسرات واختياري نستلي كاراميليزي الطريقة نبسو السميد ونفس مراحل الزيراوي حتى نخرجوه من الفور ونفتتوه ونرحوه هنا مانفوروشو وانما نزيدولو الغرس والزبدة وكمية عسل +نستلي ونعجنوها مليح او لي عندها البتران تستعمل البراkوتعجن بيه حتى ترطاب ونحطها في صحونة ونجملها بالموجود اناهنا هذو الصحونة راني بعثتهم ذواقات قبل رمضان بنهار لانو من عادتنا نقرشو نهار الشك ونعملو حاجة تقليديةوواحد منهم بعثتو لام الاخوان وواحد راح نخليه لعزيزتي ام محمد تاج لانو الصور راهم عندي من قبل رمضان ووعدتها نحط ليها الوصفة ومن وعد وفى وهذا طاس لبن باش تكتمل الوجبة
|
||||
2014-09-10, 23:37 | رقم المشاركة : 2 | |||
|
Veryyyy good يعطييك الصحة |
|||
2014-09-10, 23:44 | رقم المشاركة : 3 | |||
|
يعطيك الصحة اختي |
|||
2014-09-10, 23:46 | رقم المشاركة : 4 | |||
|
ام الاخوان مرحبا بيك وقتاه انتسبتي هذي مفاجاة سارة |
|||
2014-09-11, 00:05 | رقم المشاركة : 5 | |||
|
مشكووورة دائمة الحمد نتمنى نكون ضيف خفيف على قلوبكم |
|||
2014-09-11, 05:48 | رقم المشاركة : 6 | |||
|
اممممممممم دائمة الحمد ربي يبارك راه يشهي ديت حقي نتقهواو بيه اليوم صباح |
|||
2014-09-11, 06:51 | رقم المشاركة : 7 | |||
|
صباحكم بالخير |
|||
2014-09-11, 07:09 | رقم المشاركة : 8 | |||
|
اممممممممممممممممممم روووووووووووووووووعة الله يعطيك الصحة ويبارك فيك واللبن زاد النص في الاطباق |
|||
2014-09-11, 07:40 | رقم المشاركة : 9 | |||
|
الف شكر عزيزاتي وتستاهلو كل خير |
|||
2014-09-11, 07:40 | رقم المشاركة : 10 | |||
|
Mmmmmmmmmmmmmmmmmmm |
|||
2014-09-11, 07:54 | رقم المشاركة : 11 | |||
|
تسلم ايديك حنونتي روووعة كالعادة |
|||
2014-09-11, 07:55 | رقم المشاركة : 12 | |||
|
الف الف شكر ام انس الغالية وربي يسلكك على خير ويشفيك ونطيبلك واش تشتي |
|||
2014-09-11, 07:56 | رقم المشاركة : 13 | |||
|
ام رياض الرفيس والزيراوي فيهم شبه كبير اما الملتوخة هي تقريبا معروفة في منطقتنافقط |
|||
2014-09-11, 08:32 | رقم المشاركة : 14 | |||
|
يعطيك الصحة |
|||
2014-09-11, 08:47 | رقم المشاركة : 15 | |||
|
الله الله عليك حبيبتي والله اكلاتك في قمة الروعة الطبق التاني يشبه للرفيس وناكلوه بالرايب يعطيك الف صحة حنونة
|
|||
الكلمات الدلالية (Tags) |
مطبخي, صحراوي, وملتوخة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc