كارتة هم يضحك و هم يبكي

[chahinez chanez]

السلام عليكم اليوم بغيت نجرب بغرير القرعة ودرتها كما قالت الأخت وفي الوقت اللي جيت نطيبه حليت القرعة غير بشوية ومأمنتش شاصرالي طرضقت متل bomba كل شي طلس الكوزينة ولت غير عجين حتي البلافون وانا العجين في وجهي و في شعري تحسبوني عالمة كمياء بنتي جات من المدرسة نخلعت فيا و قعدت غير تضحك قاتلي مزية ماشي مرقة فنصيحة مني مين تجربوه حلو القرعة في البلكون و حلوها غير بشوية غير بشوية غير بشوية سلام راني غادية ندوش في أمان الله.للامانة العجينة لبقاتلي جربت بيهاالبغرير و جاني مليح متقب و خفيف شكرا

[manal mimicha]

ههههههههههههههههههههههههههههههه
اوك ميرسي على النصيحة

[fatisousou]

اووووووووووووووووووووووووووووووووو شكرا لك على النصيحة
مع تحياتي لك

[ام انفال الاء لجين]

بوركت على النصيحة ...هداك مفعول الخميرة .
من الخطا نتعلم و ادا خفتي ديري بغرير عادي و خليه يخمر شوية و طيبيه .

[ام اسماء82]

الحمد لله جات سلامات والله غير ضحكتيني ربي يفرحك

[أم سلوى]

هههههههههههه هههههههههههه هههههههههههه

[منار 96]

هههههههههههههههههههههههههههه

[raboha]

الحمد لله على السلامة مزية اللي عجين
المرة الجاية حلي عينك و عجبتني كي قلتي العجين في كل بلاصا
عولت نديرو و خفت يصرالي كينتي أواه لا لا نديرو فالقصعة خير

[سهيلة2013]

هههههههههههههههههههههههههههههههههه
شكرا على النصيحة

[arwa alaa]

يا ختي حنا تاني جربناه انا وماما كل وحدة في دارها وجا روعة ديري حسابك برك في القرعة لازم تكون كبيرة بزاف على الكمية الي اديريها وانا وليدي يحب ابغرير بزاف وهاذ الوصفة حلتلي المشكل ختركش على اخر دقيقة يولي يا ماما حاب ناكل بغرير وشكرا للاخت الي حطت الوصفة وبتوفيق للجميع

[imanaz]

و الله كي قريتها مت بالضحك حتى زوجي قالي واش خذاك
المهم الحمد الله على السلامة
راكي تهنيتي غسلتي الكوزينة تاعك
كيما يقولو كل وخدة فيها صالحة ها ها ها ها...

[فايزة1207]

شبعت ضحك وراني نتخيل فيك
انا درتو في قرعة نتاع 2ل وجاني يهبل روحي لتطبيقي شوفيه
ان شاء الله تعاوديه

[taoufiksoft]

السلام عليكم جازاك الله خيرا

[امّ اياد]

ربي يكون في عونك واش ينقيلك بلافو راكي درتي فينا مزيو ونصحتينا ربي يحفضك

[الطائعة لزوجها]

المشاركة الأصلية كتبت بواسطة arwa alaa

يا ختي حنا تاني جربناه انا وماما كل وحدة في دارها وجا روعة ديري حسابك برك في القرعة لازم تكون كبيرة بزاف على الكمية الي اديريها وانا وليدي يحب ابغرير بزاف وهاذ الوصفة حلتلي المشكل ختركش على اخر دقيقة يولي يا ماما حاب ناكل بغرير وشكرا للاخت الي حطت الوصفة وبتوفيق للجميع

والله انا تاني درته و خرجلي روعة و ماخرجليش العجين normale