سمك مشوي و شوربة سمك بطريقتي !!! ....... يا سلااااام

[أنا أمهم]

السلام عليكم و رحمة الله و بركاته
بسم الله

اليوم جبتلكم غدائنا من الألف للياء . و الله بنييييييييييييييييييييييييييييين (حوحو يشكر روحو )

ملاحظة : تقدري تقدميه في ضيافة, خاصة إذا ضيوفك عندهم أطفال فهي مناسبة حتى للرضع , أو بالعكس كبااااااار في العمر و تخافي يكونو عندهم ضغط الدم , , لذا قدميلهم الأكلات هذه و إنت مطمئنة أنهم ما يدوخوش في دارك ههههه

سأقدم لكم الأكلتين بنفس ترتيب الطبخ و ليس كل أكلة لحالها.

حضري سمك الشواء و ذلك بجرحه بالسكين بهذه الطريقة : (إذا السمكة كبيرة خطين في كل جنب, و إذا صغيرة يكفي خط واحد)

حضري خلطة في ماعون صغير : زيت زيتون, ملح , فلفل أسود, كركم, تابل و كروية مرحين رقييييق, و يمكن استبدال هذه الخلطة ب: زيت زيتون ملح فلفل أسود كركم فلفل أحمر و كمون.







ادهني السمك و دخلي البهارات في الشقوق و وسط السمك, و ما تغسليش الماعون اللي كانت فيه الخلطة نقوللكم بعد علاش





خلي السمك يتشرب الخلطة ملييييييح, إذا الطقس سخون حطيه في الثلاجة من تحت.



في هذا الوقت نحضر شوربة فريك بالسمك اي شوربة شعير :


حطي في كسرونة : زيت زيتون, ملح , فلفل أسود, م ص كركم, م ص فلفل أحمر, معدنوس مقطع ( إذا عندك كلافص قطعيهم و زيديهم) , بصل مقطع, و ثوم مقطع دوائر, و شوربة فريك (شعير) (أنا اللي عندي مصنوعة في البيت) مقدار صحفة شوربة صغيرة. و أوراق رند:





حضري على جنب سمكة متوسطة (من غير ما تفوحيها), و ثوم و شوية جلبانة (أو حمص) :




و الآن بداية العمل :


صبي شوية ماء في الكسرونة و قلي المكونات الكل مع بعضها , كل مرة صبي شوية ماء حتى لا تلتصق الشوربة ( مقدار نصف كاس في كل مرة)


, شوفوها هنا قبل ما الفريك يخرج النشاء متاعه :



و هنا بعد دقيقتين و الا ثلاثة فقط !!!! : شوفوها ولات نشوية شوية :





هنا تمرقي الشوربة بماء بارد (حتى لا يتفتت السمك كي تحطيه) , حطي السمكة و الثوم و الجلبانة , و يمكنك إضافة عود كلافص من دون تقطيع:









في هذه المرحلة خلي الشوربة على روحها, و نرجعو للسمك اللي باش يتشوى و تكوني سخنتي الشواية :

تتفكرو الماعون اللي فيه الخلطة و قلتلكم ما تغسلوهوش , زيدو فيه شوية زيت و حركوه , هذاكة اللي ندهنو بيه دهنة خفيييييفة السمك حتى لا يتلصق في الشواية :






حطي سمكاتك فوق الشواية , مع مراعاة عدم تحريكها !!!!!!!!!!!!! مهم جدااااااااااا :




في نفس الوقت دايما التفتي للشربة, أول ما تغلي على طوووووووووووول خرجي السمكة اللي فيها باش تقدري تفتتيها و من غير ما هي تسيب شوكها في الشربة , شوفوها لم تفقد أي شوكة محافظة على روحها ههههههه :





نحي الشوك و فتتيها , و هرسي شوية كروية , هذوم للشوربة..........

هنا السر في لذة المشوي : في نفس الوقت : حضري معدنوس مقطع و بصل جراير, و ليمونة مقطعين بهذا الشكل :







اللي على اليمين رجعيهم للشربة و خليها تغلي,

و اللي على اليسار خليهم على جنب. للمشوي.

و تلاحظو اللي أنا قلبت السمكات : نفسرلكم كيفاش تعرفو الوقت اللي تقلبو فيه : السمك ردي بالك تقلبيه قبل ما يطيب !!!!! راهو يتفتت و يعطيك شكل موش حلو !!!! باش تعرفي : ادفعي السمكة على جنب بملعقة لوح إذا ما تحركتشي يعني مازاااااالت, و إذا تزحلقت يعني طابت لكن!!!!! لكن!!!!!! هزيها لفوق و شوفي اللون إذا مازالت ليست ذهبية خليها تزيد شوية حتى تاخذ لوووووون ذهبي هايل يمممممممممي وقتها اقلبيها : الجنب الثاني ياخذ وقت أقل .


شوفو هنا حضرت سر البنة : افرشي ورق ألمنيوم و حطي عليه نصف كمية البصل و المعدنوس و الليمون :





و حطي سمكاتك الجاهزين , و الريحة تهبل , كملي حطي النصف الثاني من المعدنوس و البصل و الليمون , و سكري عليهم بالالمنيوم حتى يخرجلك طعم بنييييييييييين و ما يكونوش شايحين!!!


هااااااااام : إذا تحبي يخرجلك طعم المشوي و كإنه على الفحم يممممممي يمممممممي و كإنه من المطاعم هذا هو السر : حطي ماعون صغير فيه زيت و ارمي فيه جمرة نار واااالعة و سكري بسرعة الألمنيوم , شوفو هنا :




بسررررررعة سكري الألمنيوم حتى لا يتسرب الدخان !!!!!!



الشوربة تكون حاضرة في نفس الوقت !!! باش تعرفوها حضرت؟؟؟؟؟ تكون خثارت و بدات تعمل طبقة خفيفة (مشمعة) شوفوها هنا ظاهرة بجنب الملعقة :







و قدمي الشوربة و المشوي و شوية سلاطة : يا سلااااااااااام و الله طعمهم هبال : (الشوربة تحصلت على ضعف الكمية اللي في الصورة)









في الأصل السمك أغمق لكن بالتصوير ظهر فاتح








يا ربي تعجبكم الوصفات و تجربوهم.