اقتباس:
المشاركة الأصلية كتبت بواسطة ام ظافر
شكرا لك على الوصفة
اما على الطلية انا تاني الكريمة السائلة ما نلقاهاش ولا كرام شانتيي الي هي نفسها تقريبا غالية 8 الاف علبة صغيرة وما تكفينيش لطلية الكعك كامل لذلك بحثت على اسهل طلية وماهيش مكلفة لاني عندي اطفال صغار ونعمللهم الكيكة الاسفنجية تقريبا ديما
وجدت لا كرام مورانق طعمتها هايلة وماهيش مكلفة
تضربي بياض البيض مليح مع قرصة ملح فوق حمام مائي ومن بعد تضيفيلو السيرو (تحطي السكر وقليلا من الماء يطيبو حتى يثقال السيرو مليح) وهو هكذاك سخون وتواصلي الخفق فوق حمام مائي الى ان يعود المزيج متماسك ولامع ويبرد شوي وكي تذوقيه تصيبيه خفيف جدا ومن جهة تكوني وجدتي زبدة طرية ماشي مارغرين زبدة تضربيها وحدها حتى تولي كي لاكرام وتضيفيها للمورانق باليد فقط وتتحصلي على كريمة من اروع ما يكون تحبي تلونيها ولاتخليها
انا عن نفسي ساعات نخدمها هكذا واذا ما كانش عندي الزبدة نستعمل غير المورانق لطلية هكذاك ونردو للفرن يحمار شوي ويجي هايل والي بقالي منو نديرو حبيبات تاع مورانق وحدهم للاطفال يبغوهم
|
العفو اختي
بارك الله فيك على مرورك الطيب وفكرتك هذه
شكرا لك
نحن هنا لنفيد ونستفيد من بعضنا البعض
تحياتي