تجميد الحلويات

[basmitmalek]

لسلام عليكم و صباح الخير عليكن جميعا

حبيت نسقسي اخواتي على طريقة حفظ و تجميد الحلوى في الكونجيلاتور لانو هدي اول مرة راح نديرها رجاءا الي موالفة تخبرني وربي يجازيها بكل خير يارب

[لميس اميرة]

حطي لافاني بودرة في علبة و فرشي بلاستيك ما ديريش هداك لي يطلق الصبغة تاعو حطي طبقة قاطو ثك طبقة اخرى بلاستيك حتى تكملي غطيهم مليح بهداك البلاستيك و ديري ساشي صغيرة فيها فاني بودرة و حطيها من فوق
اغلي العلبة لازم تكون تتغلق مليح و حطيها فالكونجيلاتور

نستعمل نفس الطريقة مه الصابلي او البقلاوة او المقروظ او المشكلة او العرايش

فقط العرايش ما تعمليش فوقهم لابات داموند لانو لما تكونجليها و تخرجيها تولي مايهة و تطلق الصبغة نتاعها فوق القاطو و تتمسخو

[om kamilia]

اختي الكريمة انصحك بالطبع من خلال تجربتي كي طيبي القاطو ماتعسليهش كونجليه هكداك
والصابلي والحلويات الاخرى ماتشبحياش حتى يوم او يم من قل التقديم لنو يقدر كي نحيه يرطاب بفعل الماء ويشمخ القلاصاج والشكولاصة ما يجش مليح وكما تقدري تغلفي ل حبة بورق الطبخ

[فهيمة 7]

اهلا اختي الكريمة، اضافة الى اراء الاخوات الكريمات ، نفس الشيئ انا دائما نكونجليه، نفرش بلاستيك او نحط الحبات طبقة ثم البلاستيك الطبقة الثانية ,,,,,,,,,,,,الخ، بعدها نغلق مليح بالبلاستيك، او نحطو،ما دريش ليكيسات لاخاطر يطلق القاطو فيهم ديريهم عند التقديم او نصيحة القاطو الي فيه الشكو لاطة خرجيه يومين قبل باه اعاود اشيح،كذلك قاطو المعسل خليه كي تحبي تقدميه عسليه

[kalyse]

فكرة لفاني هايلة
انا كنكوجلي نستعمل للومينيوم(aluminium

[Oumkoussai]

فكرة هايلة خصوصا للنساء العاملات شكرا على المعلومة المفيدة

[رقية الناجحة]

شكرا سيداتي الكريمات

[om al amazigh]

mérci beaucoup

[basmitmalek]

شكرا لكن جميعا على الرد و النصائح ربي يكملكم ما تتمنوا

[ام ورود]

المشاركة الأصلية كتبت بواسطة zawali.dz

حطي لافاني بودرة في علبة و فرشي بلاستيك ما ديريش هداك لي يطلق الصبغة تاعو حطي طبقة قاطو ثك طبقة اخرى بلاستيك حتى تكملي غطيهم مليح بهداك البلاستيك و ديري ساشي صغيرة فيها فاني بودرة و حطيها من فوق
اغلي العلبة لازم تكون تتغلق مليح و حطيها فالكونجيلاتور

نستعمل نفس الطريقة مه الصابلي او البقلاوة او المقروظ او المشكلة او العرايش

فقط العرايش ما تعمليش فوقهم لابات داموند لانو لما تكونجليها و تخرجيها تولي مايهة و تطلق الصبغة نتاعها فوق القاطو و تتمسخو

مشكورة اختى على الشرح الوافي،فقط الفانى نحطوه فى ساشى ونغلقو عليه والا نفرقوه في العلبة

[noor ala noor]

شكراااااااااااااااااااااااااااااااااااااا