قاطو النستلي بالشوكولا طة منزلية

[tayma bourennan]

السلام عليكم وش راكم انا الحمد الله لول البارح درت قاطو النستلي جاني روعة بالنستلي الي خدمتو في المنزل والي حطينهولكم موضوع وخدمت حتى الشةكولا في المنزل جات مشاء اللههه للقواطو سيرتو كي تبات تحكم روحها تجي روعة ومشي مكلفة خلاااص غير بالكاكاوو والزيت والسكر المهم درك نشا الله الي تحب نحطلها لا غوسات كيفاه تجي مي تعبني خلااص هاد القاطو باسكو ليه زوج يدين وانا بديت نخدم فيه من 6 تع لعشية لل 12 تاع ليل باسكو فيه خدمة فتزين والكونتيتي الي درتها كبيرة شوي هيا شوفو معايا

هنا بعد مسديت لعجينة وكعورتها وحطيتها فليكيسات درت زوز اشكال





وهنا بعد ماطاب ووحطيتلو الحشو في الوسط الحشو هو نستلي و شوكولاطة الي خدمتها في المنزل و كوكاو متشوفوش الحشو كيفاه جاري تقولو الشوكولا ماهيش مليحة بالعكسس مبعد كي تشيح تحكم روحها تولي روعة




هنا بعد مطملت الصحن الاول زينتو وصورتهولكم باسكو كنت تعبانة في حالة نكمل فيه بدراع












شكرا
الي تحب على لا غوسات غير تقلي برك درك نحطلها اوكييي ادعوليي
سامحوني طولت عليكممم كانت عندي قضيات هيا شوفو معايا المقادير : 500 غ مرقارين +2 حبات بيض + 4 ملاعق كبار سكر ارطب +2مغارف صغار خميرة قاطو +فرينة للم العجينة خلوها طرية شوي باه تساعدكم ملازمش تيبسوها اوكى
تخلطي الزبدة مع السكر لين تولي كي لبوماد و تزيديلو البيض وتزيدي تخلطي وتزيديلو الخميرة والفرينة والفاني وتخلطي وخليها طرية اني نوسيك المهم تطعبريهم وتحطيهم في لي مول و تريقليهم من لحواشي بيا وديريهم بالفرشيطة من وسط وتخليهم يطيبو وتحضري الحشو تاعك نستلي انا درتو في المنزل وكنت درتلو موضوع قبل من هك وشوكولا الي درتها في المنزل تاني والي

مقادير الشوكولا : فنجان كاكاوو + فنجان سكر ارطب + 2 مغارف زيت + فنجان حليب خلطيهم بيا وحطيها تبرد واستخدميها تجيك رووعة درك نعاود نديرها ونحطهالكم موضوع تاني وتزيدي للحشو الكاوكاو وكي يطيب القاطو اكي تحشيه هياد الحشو وتحطي فوق منو حبة قاطو اخرة وتزينيه من لحواشي با الكاوكاو وخطوط شوكولا ومرسيي

[عبييير]

يعطيك الصحة
وين راهي المقادير

[شقراء]

جزاك الله كل خير والحلوة راه تبان بنينة

[أم محمد إسلام]

شكرا أختي و حطينا المقادير تع النيستلي و الشكولا

[ام وائل فخر الدين]

الله يعطيك الصحة ماعليش تعيطنا الوصفة حنونة

[انتي بلون الورد]

يعطيك الصحة يا الشاطرة يا ريت مقادير النيسلي و الشوكولاطة

[iman dadou]

يعطيك الصحةيا ريت مقادير النيسلي و الشوكولاطة

[omiyad49]

رانا حوالناك حطينا الوصفة بالشرح الممل يعيشك

[لميس اميرة]

يعطيك الصحة هاااااااااااااااااااااااااايلة

[bellissimo18]

يعطيك الصحة مقادير النيسلي و الشوكولاطة من فضلك

[الحب و الوفاء]

بارك الله فيك اعطنا كل الوصفات

[1awatef]

hayelllllllll

[شلال فرح]

اممممممممممممممممممممممممم يهبل يعطيك الصحة

بصح مممممممممم



وينهي الوصفة اختي شهيتينا ورحتي

روووووووووووووووووووووووووعة حبيبتي ممكن المقادير جزاك الله كل الخير

[lamia89]

ya3tik sa7a .....................