أرنوبة حبوبة على طريقتي وممنوع لصاحبات القلوب الضعيفة - الصفحة 3

أم ريمة* · 2014-12-05, 17:20

ماشاء الله ام محمد باين بنين وشهى بصح انا عمرى لاذقتو للاسف نجى ليك وناكلو طايب وبنين ههههههههههه
ربى يرحم امك ووالدى وجميع موتى المسلمين امين

janah* · 2014-12-05, 17:50

ماشاء الله

ام سراج وملاك · 2014-12-05, 19:35

نقلك بصراحة حبيبتي انا من نوع القلوب الرهيفة حتى زوجي كيفي ههههههههه ضك تقولي واشيه هاذي العائلة الغريبة نعرف في حياتي زوج انواع من اللحوم لحم الدجاج ولحم الخروف والباقي اكل عمري لذقتهم وذوق الارنب منعرفوش وفي طريقة شرحك سخفتني باش نذوقو دخلت باش نقلك حبيبتي يعطيك الصحة طريقة طبخك للارنب تبان رائعة ومواضيعك دائما في القمة وربي يرحم امك ويرحم والديا ويرحم جميع الموتى

مرام 1987 · 2014-12-05, 19:42

أنا وحدة من الناس صاحبة قلب ضعيييييييييييف
ربي يعين الأرانب مساكن رام دارو نزوح من المكان لي تسكني فيه
يا مخلوقة خلصتيهم راحين ينقارضو هههههه
بصحتك يا الحبوبة وأكيد من يدك راحا تجي غيييييييير
ربي يرحم أمك ويسكنها فسيح جناته
ويرحم بابا ويدخله جنات الفردوس ياااارب

nabila222 · 2014-12-05, 19:52

ام تاجو حبيبتي تسلمي والله روعة وحنا نموتو عليها وعندنا كل دار وكيفاش يطيبوها،وطريقتك روعة نجربها بحول الله

أم محمد تاج · 2014-12-05, 20:07

ههههههههههه يعطيكم الربح والله ضحكتوني ونورتوني وفرحتوني الله يعطيكم الصحة يارب
ام سراج حنوووووونة خلي المشاعر بجنب وقت الطبيخ والنفيخ هههههههههههه ربي يرحم امي ووالديك يارب
نورتيني ام احمدي ياطيبة
بلسم هاكي الارنووووووبة لييييييك كامل

يعطيكم الصحة

قمر 77 · 2014-12-05, 20:46

ام تاجو يعطيك الصحة تامني بربي و الله هذا و ين درت الكوراج ندخل ايلا ما رقدش في الليل راني نقلهم ارنوبة مسكينة نتاع ام تاجو هههههههههههههههه لا لا نتمسخر نحاول ندير الكوراج كي نروح لدارنا تعاوني ختي هي بكوراجها ربي يجازيك كل خير

Omrihem · 2014-12-05, 21:33

والله انتالي حبوبة يا ام تاج شكرا ليك انا عمري ماطيبته جازاك الله خيرا

عطرالذهب · 2014-12-06, 08:13

امممممممم شهيتيني فيها رغم اني عمري لاذقتها
بالصح فهميني فيها الشعر بالزاف لاني نعافووووووووو وكيفاش تعرفي بللي تنحى خلاص

دائمة الحمد · 2014-12-06, 09:07

يا عطورة يعطيك الربح ضحكتيني راهي تتسلخ كيما الذبيخة يتنحى الجلد طول

دخلت باش نقول للارنوبة راهي متكسلة ومتثبتة تستاهل

صدفات · 2014-12-06, 10:03

يعطيك الصحة عمري ما جربته و حتى عند الجزار ما نشوفوش ربي يهنيك

أم محمد تاج · 2014-12-06, 10:26

ههههههههههه عطووورة يعطيك الربح راهي جاوباتك دائمة الحمد الحبيبة وراهي كيما الذبيحة تتسلخ يبقى غير اللحم و ممممممممم ههههههههه

نورتوني غالياتي الله يعطيكم الصحة

عطرالذهب · 2014-12-06, 11:19

امالا شبعتكم ضحك بصحتكم هههههههه
راني نهدر على الشعر اللي قلتي عليه في الوصفة استني نجبد الهدرة ونكوبيها هنا

ونحي الصوالح حاشاكم ونقيها مليح مليح من الشعر
فهميني فيها

2014-12-06, 11:34

روووووووووووووووووعة روووووعة والله هاااااااااااااااااااااااايلة الوصفة واكييييييييييييييد الحبوبة ارنوبة ههههه
يسلموووووووووووووو دايما متالقة بوصفاتك الناجحة واللذيذة امممممممممممممممممممممممممم
صراحة عمري ولا ذقتها ودايما زوجي يقولي نجيبها نقولو مكلاه خخخخ عييت نتصور الذوق تاعها لكن معاك راح نغير راييي
قوليلي ام تاجو تتعب في التنقية تاعها ولا نورمال
حنونة ربي يجازيك على الوصفة وربي يرحم الوالدة ويتغمد روحها الطاهرة وروح ابي الغالي ياااااااااااااااااااااارب

أم محمد تاج · 2014-12-06, 12:16

نورتوني حبيباتي

عطوووورة وام يسرا هذي ارنوووبة مايش قطة آهاهاهااااااا والوبر تاعها تلقايه غير شوي برك كيما الدجاجة ياخي نجيبوها مريشة بصح باقي فيها الريش حتى الارنووووبة هكاك ههههههه وساعات لي يسلخ مايخلي والو وراه وساعات غير وبر خفيف بالماء برك يتنحى