وصفات حراير الكوزينة الجزء الثاني

[أم ماجد]

الكرمال ندير كاس سكر حرش مع مغرف كبيرة مرغرين و نخلط على نار متوسطة حتى يذوبو من غير ما يتغير لونهم و من بعد نزيد قليلا للنار و نخلط تولي مثل عجينة و في نفس الوقت نحط قنجال ماء مع زوج مغارف كبار لحظة يغليو و بالمصفات نصفيهم و نخلط بسرعة

اللون انتي لي تتحكمي فيه انا نفضل لون الكرمال الفاتح لانو كل ما كان قاتم رح تمرار الكرمال و يولي ذوقها مش مليح

اذا حبيتيه مثل النستلي ديريه جاري زاودي الماء و لما يبرد رح يزيد يتماسك
اذا حبيتي تعمليه مثل الكبريس زاودي اللحظة رح يعمل فقاعات كملي خلطي حتى يكثروا الفقاعات و حبسي

لما تبرد تقدري تعجنيها بيدك رح تطري و يتغير لونها

كما تقدري تضيفي مع الحليب النسكافي ايضا يعطيها ذوق رايع او قهوة براس

و لما تحبي تحشي الترتولات او تعملي كيكة حطيها على حمام مائي و زيدي القليل من الحليب فقط طعمها اممممممممممممممممممممم


كاكينوفا

[idron0]

الخبز العربي ام رحاب
المقادير
كيلو فرينة كاس تاع لاتاي صغير زيت و2مغارف كبار لحضة و2مغارف خميرة الخبز ملح وماء دافي
اتحطي الفرينة واتحطي عليها الزيت وادخليهم مليح وامبعد زيدي اللحضة والملح واتعجنيهم مليح بالماء الدافي لازم اتكون لعجينة خفيفة تحت يدك واتخليهم يخمرو وكي اتشوفي لعجينة خمرت ديريها قرصات كي تاع المسمن ويلا حبيتيهم صغار نقصي شوية وحليهم بالحلال يكونو رقاق بزاف وخليهم يخمرو 10 دقائق وطيبيهم في الطاجين تاع المسمن والي ماعندهاش في المقلة تاع التيفال وكي اطيبو دخليهم في طرشونة وحطيهم في الصاشي تاع بلاستيك انا ناكلو بزاف مع كل الاكلات ايجيني خفيف
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

وصفة المقروض kakinova

3 كيلات سميد متوسط

كيلة فرينة مغربلة

كيلة سمن ذايبة و باردة

اقل من نصف كيلة زيت

ملح

جلجلان

الحشوة :

غرس مرحي و منقي حطيه فالروبو مع مغرف كبيرة او زوج سمن و نص كاس جلجلانية و شوية قرفة و القلييييييييييييييل من القرنفل و ماء الزهر و نعجنو مليح فالروبو

حطي على دفعات كل مرة حطي قد كرة حتى يتعجن مليح و يولي يهبل عن تجربة و يبقى كيما هو فالفرن ما يحمارش بزاف و يبقى طري

خلي الروبو يدور و ديري من فوق قطرات ماء زهر حتى يطرى الغرس تاعك

لكن المهم ما يكونش جاري طري فقط لانو يبوط فالفرن الحبة تاع المقروض و تتنفخ و يفسد شكلها و حتى لبراج نفس الشيء يبوط و يولي كانو قشرتين

تلمي الغرس و تعملي كويرات نفس الوزن تقريبا 8 حتى 10 غرام و تغطيه

و تبلي العجينة بعدما تبسسيها مليح و تبلي بالماء و تخليها ترتاح و لما ترجعي ليها و تلقايها ناشفة بخيها فقط

انا الصراحة ما ندريهاش طرية بزاف نعملها متماسكة هكذا لما يطيب ما يجينيش يتفتت تقول تاكلي فالدقيق و لما نعسلو نعسلو مليح حتى الغرس يتعسل يجي يذوب فالفم و بنين و عسل كي لداخل كي برا

المهم توزني ايضا العجينة 20 غ و تخليها بجنب اعملي كل مرة كمية و الباقي غطيه

حطي الكويرة تاع الغرس وسط العجين و دوري مليح حتى ترطاب و يتنحاو الشقوق لانو كون تخليهم من يعد تزيد الشقة و يفسدلك الشكل

حطيه فالمول و اطبعي و حطي فالبلاطو حتى تكملي كامل الكمية و بواسطة الكيرردون اعملي ثقبة صغيرة في وسط كل حبة منها شميني تتنفس منها الحبة و ايضا لما تعسليه يدخل العسل لداخل تتعسل الحبة مليح و حتى الغرس يجي معسل

سخني الفرن تاعك على اعلى حرارة اذا كان كويزينيار طيبي فالوسط و لما يصفار من تحت شعلي من فوق و حمريه رح يتحمر في نفس الوقت من تحت

و اذا كان فالفرن الكهربائي سخنيه مليح و طفي من فوق حتى يبدا يحمار من تحت طفي من تحت و هبطيه و شعلي من فوق حتى يتحمر

خرجيه و خليه يبرد مليح مليح

و خبيه في اناء مغلق كون تخبيه و الغرس مازال سخون يديرلك الريحة

و لما تحبي تقدميه عسليه مرتين الاولى بعسل و ماء زهر و خليه شوية يتشرب و قطري

و المرة الثانية عسل مخفف بملعقتين ماء زهر فقط و قطريه.
ملاحظة
ديري كويرات فالروبو هيه العادي لي في شفرات سكين مزدوجة و خليه يدور رح يعجنهولك روعة و حتى يولي مثل لابيري يولي طري يهبل

انا ما نفظلش نفورو لانو لما يفور يولي لونو مائل للاسود ,اما كي تعمليه فالروبو يبقى لونو مليح و حتى لما يطيب يبقى ذهبي

انا نعمل نفس الطريقة للنقاش و البراج يجي طريييييييييييييييييييي و يذوب فالفم تقول تاكلي فالزبدة:

لما ترحيه داويه و عاودي ارحيه و في نفس الوقت اعجنيه فالروبو و تاني حاجة لما تعجنيه مع الجلجلانية رح تترحى قليلا و تطلق الزيت تاعها و يجيك فالغرس واحد البنة تهبببببببببببببببببببببببببببببببل.

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[ام امجد و انفال]

روعة روعة الله الله عليكن

[yasmalak]

حلوى الطبقات لبشرى





هادي راه قاطو اققققققققققققققققتصادي أكديلي على حرف القاف والصاد هههههههههههه حلوى الطبقات هههههه طبقتين

2 بيض و2 صفار وكاس ناقص شوية سكر عادي وكاس زيت و1 خميرة ونص مغرف صغيرة بيكربونات وفاني وزدتلها قشور قارص وفرينة على حساب الخليط وتقسمي العجينة على زوج
ديري الطبقة الاولى أومبعد ديري المعجون وفوقو كوكاو محمص ومرحي وتزيدي الطبقة الثانية من العجين والى الفرن بعدما طابت درتلها شوكولا وخطوط بيضاء لقيت هاد الوصفة في منتدى أخر جربتها وعجبني فيها ذوق الكوكاو

[idron0]

المعمول عائشة حسان

250 غ ماغرين ..نص كاس زيت ..نص كيس خميرة كميائية...1 حبة بيض .لافاني وزاست اليمون والفرينة حتى نجمع بيها العجين.
الحشو ....تمر منقي ومرحي ومخلط مع قرفة وقرنفل وجلجلان وشوي زبدة.
لما يطيب نرمده في السكر قلاصي على مرتين .

إضغط هنا لرؤية الصورة بحجمها الطبيعي.

[idron0]

الزاست تاع القارص yasmalak

مادام راه رخيس في عوض ما تسكرفجوه قشرووه بالقشارة تاع البطاطا باش ما يقعدش فيه الابيض هداك المر و ارحوه فالروبو وخلوه ينشف شوية وخبوه تخرجلكم كونتيتي كبييييييييييييييرة و بلخف تكملو و بلا عيااا و سيرتووو بلا ماتجرحو يديكم.

[idron0]

تارت مالحة cuisineshowdalatifa

تقدري تستعملي أي عجينة ترتاحي فيها
أنا نستعمل تع البيتزا
300 غ فرينة,2 ملاعق زيت,بيضة,ملعقة كبيرة سكر,ملعقة كبيرة خميرة,ملح . 2ملاعق كبار زبدة طرية,ماء دافئ
المهم العجينة تكون طرية
إضغط هنا لرؤية الصورة بحجمها الطبيعي.



الحشوة تع التارت . ذبلت البصل مع الجزر مكرفج و الملح و افلفل اسود كي ذبالوا زدت لحم مرحي (قيس 100غ أو أقل و زينتها بالفرماج و الزيتون و الصورة توضح

إضغط هنا لرؤية الصورة بحجمها الطبيعي.


و غطيتها بالعجينة و دهنت الوجه و زينتوا بالجلجلان و السانوج و الزيتون

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[idron0]

الكروكي mimi-archi

هذ الكروكي ينقسم الى قسمسن عجينة بيضاء و عجينة سوداء
العجينة البيضاء / 3بيضات +3فناجل سكر +فاني ونخلطو بالميكسور حتى يبياض الخليط +3فناجل زيت و نخلطو +1خميرة +نشيح بالفرينة ومالازامش تكون طرية لاننا راح نديروها كعابر لازم الكعبورة كي نحطوها ما تسيحش تبقى حاكمة لافورم .
العجينة السوداء/3بيضات +3فناجل سكر +فاني ونخلطو بالميكسور حتى يبياض الخليط +3فناجل زيت و نخلطو +1خميرة +كاكاو+نشيح بالفرينة ومالازامش تكون طرية لاننا راح نديروها كعابر لازم الكعبورة كي نحطوها ما تسيحش تبقى حاكمة لافورم .
طريقة التشكيل /
نكعبرو كامل العجينة البيضاء و السوداء كعابر قد كعبة حبة الملوك في صينية ,ونبدو نشكلو في صينية الفور,حبة بيضاء +حبة سوداء +حبة بيضاء نهبطو تحتها و نعكسو حبة سوداء +حبة بيضاء+حبة سوداء و نكملو هك حتى نشكلو حربوش الكروكي ندهنوه بلابيض و نديرو الجلجلانية و ندخلوه يطيب كي يحمار ندهنوه بلامعجون و نقسموه من الجيهة البيضاء باش تبقى السوداء في النص .


إضغط هنا لرؤية الصورة بحجمها الطبيعي.

[rahma2014]

شكرا كثيرا اختي

[idron0]

الحريرة أم هبوبة

الحريرة نعملوها على 2
كاين ال يعمل فيها الخضرة بصل طماطم جزر و حبة بطاطا مين يطيب كل شي يرحوه و نرجعها للمر ق
التخميرة : نعملو فرينة مع الماء و نتحصل على خليط ما هو ثقيل ما هو خفيف و بدى نفرغه في المرق حتى نتحصل على قوام الحريرة ال رانا باغينه كاين الي يحبها ثقيلة و كاين ال ييحبها خفيفة
الثانية نعملوا فيها غير البصل و الطماطم حب لكن تكون بزيادة يعني كمية معتبرة و ثاني نطحنوا كل شيئ و نزيدو التخميرة ,
التخميرة كاين الي يحب غير الفرينة و الماء
كاين الي يدير غير التشيشة
كاين الي يخلط فرينة مع الماء و يزيد شوية تشيشة .

[ام سراج وملاك]

الترفاس ام سهام 02

اولا نقي اللترفاس وديريه الماء فيه الخل

ثانيا في طنجرة قلي سنينات ثوم في شوي زيت مع الملح والعكري يعني الفلفل الاحمر الحار او الحلو ضفي الترفاس المنقي ززيدي قلي وزيدي زوج معارف روزومرقي حتى يتغطى وخاليه يطيب مدة عشرين دقيقة وطفي

واذا حبيتي طيبه باللحم طريقة طيابو كما الغاgو

[ام سراج وملاك]

عصير الجزر ام محمد تاج

حبيبتي كل كيلو جزر نضيفلو زوج لترات ماء نقشرهم ونقصهم ونحطهم في الكوكوط ونقطع عليهم حبة برتقال بقشورها ونص قارصة بقشورها واربع مغارف سكر ونغلق الكوكوط نص ساعة ونرحي كلش على السخانة ونضيف الماء حسب الكثافة لي تحبيها ونسكر حسب الذوق ورشة فاني وعصرة نص ليمووونة واستمتعي بأحسن عصييييير

[idron0]

لفاني تع البرتقال ام سهام 02

لفاني تع البرتقال كل عام نخدمها حبيت انحط الطريقة ليهمها الامر انا دايما انحط منو في الخبز والبريوش يعطي مذاق راااااااائع
القشرة تع البرتقال ننزع لهااالطبقة البيضا بالسكين وانحطهم في سنيوة وانديرهم يبسو فوق المدفئة كيبسوا نطحنهم ونغربلهم وانديرهم في بلارة

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[paya]

شكر الله مسعاكم