أمثال شعبية حرب بين الكنة والحماة هههه

[bochra933]

اليكم بعض الأمثال الشعبية الجزائرية التي تعتبر اسلحة دمار شامل تستعملها الكنات و العجايز في الحرب العالمية المشتعلة منذ دخول الكنة إلى البيت

العجوز و هي تستفز الكنة بينما تقوم الأخيرة بشغل البيت ( الله لا يخليني لليدين الله يخليني غابة و الناس حطابة )
طبعا ما فهمتو شيء سأشرح العجوز تقول أدعو الله ان أبقى بصحتي و اقوم انا بشغل بيتي و أساعد الناس مع ان الكنة هي التي تقوم بالشغل

نجحت العجوز في استفزاز الكنة و سترد ( باينة الشقة على حواشيها ) الكنة تقول واضح جدا

العجوز ترد ( أضحك يا فمي على همي ) ههههه العجوز تشكي همها من كنتها

الكنة صح معاك حق (هم يبكي و هم يضحك) و تضحك و تقهقه هههههههههههههههههههههههه

العجوز ( يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم ) اي تتهمها بالجنون

بعد ماتخلص الكنة شغل البيت تتزين و تخرج لتغيض العجوز
العجوز ( خصك السواك يا معوجة الحناك) تقصد تقوللها انتي أصلا لا تصلحي للتزين

و تقابل العجوز مرآتها و تحاول تحسين مظهرها
الكنة ( سيدي مليح خصو الهوى و الريح ) يعني نفس معنى المثل السابق ( اللي فاتو وقتو مايطمع في وقت الغير)
العجوز ( الدنيا بالوجوه و الآخرة بالفعايل)

يدخل الزوج هلكان من الشغل ويلاقي المشاكل كل واحد تحكي روايتها و يقول جملة واحدة ( كي سيدي كي لالا)
يعني وجهان لعملة واحدة وهي الإزعاج طبعا
و انا راح نعلق على الي حصل بين الكنة و العجوز بهذا المثل ( المسلوخة تضحك على المذبوحة و المقطعة شبعت عليهم ضحك ) يعني ... ماراح اقول المعنى اخليها فزورة واللي يلقى المعنى ماراح ياخذ و لا فلس ^^

[عبد الغني عباس]

كنت حاب نخطب..... خوفتيني.... أخت بشرى

[anise2011]

معكية وتعكي وخيالها ايبكي

العمشاء ( اللتي لها سوء نظر) في بلاد العميان حسنت الانظار

حوت ياكل حوت وقليل الجهد اموت
ــ الحمار حماري و أنا راكب من اللور.

ــ الفم المزموم ما يدخله ذبانة.

ــ إيلا كنت زين أستر روحك من العين ، وإيلا كنت شين أستر روحك من الفضايح.

ــ الراعي و الخماس يتعافرو على ملك الناس.

[mastersa]

شكرااا لك على الموضوع Merciiiiiiiiiiiiiiiii

[souad.bh]

[Maissoune]

المشاركة الأصلية كتبت بواسطة عبد الغني عباس

كنت حاب نخطب..... خوفتيني.... أخت بشرى

النسا ماشي كيف كيف.......كل واحد وزهرو

[ريماس وصهيب]

قالك احلفى باعجوز ماكنتى كنة

[bzakaria112]

يا لطيف ربي يستر

[anise2011]

بارك الله فيك وفي قلمك

[proarabz]

بارك الله فيك

[polit girl]

الحرب بين العجوز والكنة مستمر مند العصور الوسطى ههههههههه

[حنان فور]

السلام عليكم ........يقول أحد الاأمثال عندنا ....إدا كانت العجوز (الحماة) تبغي الكنة حتى إبليس يدخل الجنة

[amine 82]

كاين مثل يقول , العجوز تقول قابلني ونقابلك يا طجين الحوت ترد الكنة وتقول انا ما نرمدك ولا نقليك , ههههه

[louloua23]

كل إناء بما فيه ينضح

[nihal159]

هذي ماولاتش معيشة؛ حرب كلامية و ضغط على الأعصاب