|
قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
تارت بالمكسرات و الكارامال لرشيقات الجلفة من كوزينة زيكا
|
أدوات الموضوع | انواع عرض الموضوع |
2016-09-14, 16:44 | رقم المشاركة : 1 | ||||
|
تارت بالمكسرات و الكارامال لرشيقات الجلفة من كوزينة زيكا
اليوم جبتلكم وصفة تارت بالمكسرات و الكرامال الكيفية من النت طبعا مع بعض التحريفات من عندي و التحضير من ايديا و حياة عينييا ما زادها بنة على بنة ..... خخخخخ لهذ الكيفية لازملكم عجينة بريزي تقدرو تستعملو اي عجينة معتمدة لديكم انا عن نفسي عجينتي فيها 250 غ فرينة 150 غ مرغارين طرية 2 مغارف سكر غلاصي و حبة بيض .بهذ المقادير تجيني عجينة طرية منزيد فيها والو . تشكلي العجينة تاعك في المول و تحطيها تطيب في الفرن على 180 درجة حتى تولي ذهبية متحمريهاش مليح سينو تتكسرلك . من جهة اخرى تحمصي في الفور كمية من المكسرات انا استعملت جوز و بيستاش (حوالي بول كبير او اكثر ). هي تحطيها في الفرن غير باه تنشف مليح باه تبقى مقرمشة كي تحطيها مع الكرامال . تقدري طبعا تستعملي اي نوع مكسرات فقط اذا استعملتي كاوكاو حمريه اما المكسرات الاخرى خليهم فقط ينشفو في الفرن. تحطي في كاسرونة 140 غ سكر مع 6 ملاعق كبار ماء و تخليهم يوليو كرامال ذهبي اللون فوق نار هادية مع تحريك الكاسرونة بيديك فقط . كي تتحصلي على اللون المطلوب نحي الكاسرونة من النار و زيدي في الكرامال 7 او 8 ملاعق كبار عسل ثم حركي ثم زيدي المكسرات و حركي ثم زيدي باطة صغيرة كريم سائلة هوبلا ثم ارجعي الكاسرونة على النار و حركي حتى يتجانس الخليط خلطي لمدة حوالي 5 دقائق و زيدي ملعقة كبيرة زبدة و زيدي حركي دقيقتين ثم طفي على الخليط . استناي حولي دقيقتين ثم افرغي الخليط فوق الفون دو تارت لي تكون طابت و بردت و ستفيه مليح بالملعقة . هذه التارت من المستحسن تاكل غدوة من داك . اما اذ مقدرتيش تصبري ضعيها في الثلاجة لمدة ساعتين و صحتين و عافية و هذي لاول وحدة ترد تفضلي يا رشيقة ..... خخخخخخخ
|
||||
2016-09-14, 16:51 | رقم المشاركة : 2 | |||
|
حسيت بيها جيت نجري هههههههه يسلملي الحلو لي يجيب غير الحلو امممممممم |
|||
2016-09-14, 16:52 | رقم المشاركة : 3 | |||
|
امممممممممم بنينة باينة مبعد نجربها شكرااا علي الوصفة |
|||
2016-09-14, 16:53 | رقم المشاركة : 4 | |||
|
يسلملي الحلو لي يحس بالحلو على بعد كيلومترات ..... خخخخ تعيشي حبيبة قلبي و ربي يفرحك كيما تفرحيني دايما بتنويرك لمواضيعي |
|||
2016-09-14, 16:55 | رقم المشاركة : 5 | |||
|
لبنات معلاباليش علاه راحتلي خاصية اقتباس المواضيع دوك نراسل المشرفات يشوفولي هذ المشكل واععععع ... شكرا على مرورك العطر اختي فلاور ايناس |
|||
2016-09-14, 17:28 | رقم المشاركة : 6 | |||
|
444444444444444 |
|||
2016-09-14, 19:05 | رقم المشاركة : 7 | |||
|
اممممم روعة بارك الله فيك
|
|||
2016-09-14, 19:11 | رقم المشاركة : 8 | |||
|
يااااااي اكيد اللي زادها بنة يديك يا الحبيبة |
|||
2016-09-14, 20:54 | رقم المشاركة : 9 | |||
|
روعة،بارك الله فيك |
|||
2016-09-14, 22:57 | رقم المشاركة : 10 | |||
|
ربي يحفظك حنونة ما شاء الله فحلللللللللللللللللللللللللللللللللة وتسلميلي على الوصفات |
|||
2016-09-15, 12:40 | رقم المشاركة : 11 | |||
|
لاتارت تاعك تقول وداعا للرشاقة اممممممم |
|||
2016-09-15, 13:48 | رقم المشاركة : 12 | |||
|
يعطيك الصحة رزيقة على التارت كل شيء من ايديك راءع |
|||
2016-09-15, 14:41 | رقم المشاركة : 13 | |||
|
ماشاء الله روعة |
|||
2016-09-15, 14:44 | رقم المشاركة : 14 | |||
|
رزيقة راكي فوووووووووووووووور.....ماشاء الله عليك .....اكيد من تحت يديك رايحة تزيدها بنة على بنة |
|||
2016-09-15, 16:47 | رقم المشاركة : 15 | |||
|
يا مامي تههههههههبل |
|||
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc