لهذا اهتزت ثقتي

[مشكلتي]

السلام عليكم و رحمة الله و بركاته

انا حابتكم تشاركوني ازمتي مش تعطوني حلول لان الحل لمشكلتي بايد الله سبحانه و تعالى

مشكلتي اني لحد الان لم يطلب يدي اي شخص لا المليح لا اللي مش مليح و انا فال28 من العمر،صارت ثقتي بنفسي فالنازل بعد ماكنت نشوف نفسي محظوظة بأهلي و اخلاقي و ديني و دراستي الحمدلله كذلك مانشكي من حتى عيب لا خلقي و لا اخلاقي ...... درست فالجامعة و عملت في مؤسسات عديدة منذ 06 سنين و تلاقيت بالزين و الشين لكن ولا مرة يا لوكان واحد طلب رقم هاتفي ولا اسمي(بغض النظر على ردة فعلي)و كأني شفااااااااااااافة بمعنى الكلمة...

يا خاوتي ماتقولوش هاذي ميتة على الزواج ابدااا الحمدلله ثقتي في ربي عالية انو ما يظلمنيش لكني غايضتني عمري احيانا والله نبكي نقول علاه؟و احيانا امي تقولي بالعكس راكي تروحي للمسعود بالصح مازال ماجاش لي يستاهلك و ترفعلي المورال شوية و احيانا ننسى الموضوع و نلهى بخدمتي و احيانا و احيانا و و و و

عذرا على الاطالة لكن كلام كثير عندي و مانقدرش نقولو لحتى احد الا هنا نقدر نكتب و لا امي الله يعطيها الصحة ديما تحاول تهونلي الموضوع

[ريتان]

عليكي بالرقية الشرعية يا اخيتي

ولا تياسي من رحمة الله


داومي على الاستغفار والدعاء والصبر


{إنه من يتق ويصبر فإن الله لايضيع أجر المحسنين}

مستمعيش لكلام الناس ارميهم فالثقيل

[Napia]

rabbi m3ake

[s@r@h11]

يا اختي انا رايي من راي ماماك ربي يحليهالك راكي تروحي للمسعود و نعرف و حدة داخلة ل 30 عام و دات واحد قدها و خدام و لا باس عليه ماتقطعيش لياس و اصبري ربي يهون عليك و تلقي ولد الحلال لي يهنيك

[عائشة عطر الجنة]

خيتو مكتوبك مزال ما تحركش ما تقلقيش روحك ربي يعطيك على حساب قلبك

ولي صبر قع ينال

[KARIMA.HOPE]

ربي يعطيك اختي على حسب نيتك
فنحن في هذا زمان لا نقدر ان نقول اي شيء سوى الحمد لله
فلا تنسي اختي الطيبون لطيبات
فانا اعرف بنتا لم ياتيها اي احد و لكن اليوم حمد لله لها زوج صالح و بنت مثل قمر لله يبارك
فلا تنسي اختي ربما هذا امتحان من عند ربي عالمين فلا تيأسي و تابعي في دعاء و صلاة و يار ب بعدد اسماء الله ان يبعث لك زوجا يسعد قلبك امييين يارب
و الله هادي دعوة من قلبي

[صالح القسنطيني]

( إن رحمة الله قريب من المحسنين) عليك بالإحسان و الاستعفار

[Some1]

الاستغفار و الدعاء و الصبر

شوفي انا لراجل لرفضوني و خيرو علي وحايد اخرين واش نقول بالرغم اني متخلق و خدام و جميل (الحمد لله)
مع ذلك يوجد الله المدبر الخبير

[123boutheina]

وعليك السلام ورحمة الله تعالى وبركاته

اعانكِ الله ي الحبيبة فوالله لكِ دعوة خالصة
ولو اني اخاف بعد مدة من موضوع تشتكي فيه التي هي انتِ من زوج و اولاد
فنعتب ونعاتب حيث لا عتب يُجدي ولا ملامة تُصلح
فتقولين ليت العزوبية وراحة الراس تعود يوما ( هههه )


وفقكِ الله وهوّن عليكِ

[اسعى لرضى الله]

اختي معليش اصبري وكثري الاستغفار وقومي الليل وادعي ربي وربي مستحيل يخيبك

زيد وين شفتي بلي ربي مخبيلك راجل مكانش في الاحلام والف وحدة تتمناه ؟

متياسيش من رحمة ربي

زيد الزواج مشي غير تزربي تزوجي المهم انك تلقاي اللي يهنيك ويقدرك ويحترمك ويشتيك كما راكي ويكون مدين ومتخلق ويربي ولادك احسن تربية وتكملي معاه عمرك كامل


راهم زوجو صغارات وندمو يعني العبرة مشي في تزوجي في عمر محدد المهم يجيك راجل ولد فاميليا واش معناها كي تزربي تزوجي ومتكونيش هانية؟؟؟

زيد راكي في العشرينات اللي يشوفك تحكي يقول دخلت للربعينات ومزوجتش ديري ربي في بالك وباذن الله تزوجي وتعرضينا

وزيد كي تدعي ادعي لبنات المسلمين كامل يزوجو لانو كاين ملك كي يقول امين ولك بالمثل

وقومي الليل وكثري الاستغفار ورقي وربي مافيه غير الخير


ربي يرزقك بولد الحلال عاجلا يا اجل وربي يفرحك ويفرج عليك يارب

[naamane3]

طبقي على نفسك هذه الآية
ولا تنسيني من صالح دعائك
قال عز وجل في سورة نوح
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

[wafa16]

يماك عندها الحق
البنات كلهم اللي يطولو مايخطبوهمش
يجي سعدهم مليح و خير منهم هذا اللي رانا عايشينو
و منهم بنت عمي تزوجت في 30 و زوجها اول واحد يخطبها و الحمد لله عايشة لاباس و مهنية ولا في الاحلام
و في المقابل تصيبي بنات خطبوهم العشرات بصح واحد ما يوالم
ربي يفرج عليك و يعجل بزواجك
امين يا رب

[**د لا ل**]

ثقي فقط اختي انه بعد العسر يسر

وان الله عز وجل يدخر لكِ باذن الله زوجا صالحا وطيبا كما تتمنيه وربما اكثر

اصبري ...فالفرج قريب

اصبري واحتسبي الاجر

وربي يعوضك خيرا ان شاء الله

وفقكِ الله

[سهيلة2013]

الزواج مكتوب ربي معندنا ما نديرو المهم احنا نحاولو نعيشو حياتنا ونتمتعو بيلا ما جاب ربي

[صالح القسنطيني]

المشاركة الأصلية كتبت بواسطة some1

الاستغفار و الدعاء و الصبر

شوفي انا لراجل لرفضوني و خيرو علي وحايد اخرين واش نقول بالرغم اني متخلق و خدام و جميل (الحمد لله)
مع ذلك يوجد الم المدبر الخبير

لو كنت أمامي لقبلت رأسك

أسأل الله لك التوفيق