ازمة اوجعتني

[مشكلتي]

السلام عليكم
ان تلميدة في الثانوية , في هدا الصيف لي فات بدأت والدتي تمرض هي عندها السكر والدم من قبل والسخانة مقدرتلهاش فمرضت مرة مرضت بزاف ولما اخدناها للطبيب دارولها قرعة وخلاص وصبحت غدوا الحمد لله بعدها قعدت فدار قاع متخرجش بسبب السخانة و قلنالها متخرجيش حتى يبرد الحال المهم لما برد شوي الحال ولات تخرج عادي ومبعد تاني زادت مرضت بحاجة اخرى قعدت شهر وهي مريضة بهاد المرض حتى زاد عليها وقررت انها تروح تداوي في ولاية اخرى غير ولايتنا عند اختي الكبيرة , وكان هدا الوقت هو وقت الاختبار لول نتاعنا وانا الحمد لله تلميدة نجيبة معلاتي ممتازة لكن هدا العام حاسة روحي هبطت في مستواي , كنت في هديك الفترة تاع الاختبار لما نجي نراجع منكونش متهنية نفسيا نعود نتفكر في والدتي بلي راها ماشي في الدار و راها مريضة , منقدرش نراجع كل , بعدها قعدت امي اسبوع الاختبار هاداك كل ماشي في الدار بعدها رجعت الحمد لله وكانت الحمد لله تتنفس نهار بعد نهار حتى تنفست , ولكن قدر ربي انها تزيد تمرض بالزكام قوي ومقدرتش حتى هي قاعدة توسوست هادا واش كل مرة نبرى من حاجة نمرض في حاجة اخرى اهو عين ولا سحر هي صح انا حسيت هاك كانت امي كل اسبوع تمرض بحاجة قدقد تتنفس نقول الحمد لله تزيد غدوا تمرض بحاجة اخرى , والله توسوست ومعرفتش واش ندير حتى قرايتي معدتش لاهية بيها كل مانجي نقرى منعودش متهنية نفسيتي تعبانة ودرك امي راها تاني مرضت من ظهرها معرفتش واش بيها كل وابي تاني راه مسكر بالزكام والسعال تاني , وانا راني عيانة تاني تماريني قاع معدتش منضبطة في حلهم والبحوث تواعي منديرهمشش منلقاش الوقت نقرى ولا نحل و دزعت من صحاباتي ميقراوش قاع كيما انا وراهم يحلو في التمارين ويفهمو في الدروس ويحضرو وكل .. وانا مراني فاهمة فيها والو , مع انو الحمد لله عندي خواتاتي كبار عليا لكن وحدة تقرى في الجامعة متقدرش تتغيب على قرايتها , واختي اخرى متخرجة وراها تخدم في بلاد بعيدة بسبب انو معندهاش المعريفة باه تبدل وترجع لبلادها تخدم فيها الله غالب المديرية يتعاملو غير بالمعريفة وحنا معندناش معلريفة المهم راها ازمة كبيرة بالنسبة ليا معرفتش واش ندير راني ندعي وخلاص عندي ربي ونتوما تاني ادعولي ربي يفرج عليا وعلى اهلي ويفرج ازمتنا ويفك ادا كان سحر و يبعد علينا ادا كانت عين حاسد ربي يكون معانا
وتقبلو مني آسفة على الاطالة وشكرا

[مصطفى_س]

السلام عليكم


الدنيا فيها ما يفرحنا و ما يحزننا ،قال جل جلاله
ï´؟لَا تَقْنَطُوا مِنْ رَحْمَةِ اللَّهِï´¾. وقال تعالى : ï´؟وَلَا تَيْئَسُوا مِنْ رَوْحِ اللَّهِ إِنَّهُ لَا يَيْئَسُ مِنْ رَوْحِ اللَّهِ إِلَّا الْقَوْمُ الْكَافِرُونَ ï´¾. [سورة يوسف: 87]. اليأس والقنوط يساويان الكفر بالله عز وجل

لذا وجب علينا تقبل قضاء الله و في نفس الوقت التقرب الى الله و ان نتحصن من العين و الحسد و السحر بقراءة القرآن و اتباع سنة نبينا صل الله عليه و سلم

ما يجب ان تفعليه هو طوي صفحات الماضي و الانتباه الى دراستك و ستتحسن حالتك و حالة امك مع الدعاء مع اليقين بالاجابة

رزقكم الله راحة البال و اصلح حالكم

[yasmina16]

ربي يشافي الوالدة

[بناتي نور العين]

عليك ان تجتهدي في دراستك عزيزتي و ان مررت بأصعب المشاكل فلا تتهاوني ابدا في الدراسة وبعدها لن يفيد الندم

و اكثري من الدعاء لوالدتك ، أسئل الله أن يرزقها الشفاء العاجل يارب اللهم اشفها وعافها أنت الشافي لا شفاء الا شفاءك شفاءا لا يغادر سقما

آآميــــــــــــــــــــــــــــــــــــــــــــــ ــــــــــــــــــــــــن

[المكارم]

الدنيا دار ابتلاء وكل من عليها مبتلى في أمر من أمورها مثل الصحة والرزق والأولاد
وما إلى ذلك من الأمور الدنيوية .. لا تجعلي الوساوس تهيمن على تفكيرك وتأكدي أن
مستواك في الدراسة سيعود إلى سابق عهده وأحسن لأن هذه أمك وهي أعز ما لديك في الدنيا
ومن الطبيعي أن يؤثر عليك مرضها .. قوّي إيمانك وثقتك بالله ونسأل الله لوالدتك الشفاء العاجل
ولك النجاح والتوفيق في دراستك

[FATIHA131]

ربي يشافي والديك ويفرج عليكم اختي
مزال الوقت راجعي دروسك وماتستسلميش كوني قوية
الله ينجحك ويوفقك

[om_hadil]

بنيتي ربي يشافي والدتك،،، اهتمي بدراستك و نظمي وقتك ،،، لا يوجد سحر و لا حسد،،، ربما والدتك تُعاني من انقطاع الدورة الشهرية و هو الذي يُسبب لها هاته المتاعب الصحية ،،، حاولي ان تنهضي باكرا و راجعي دروسك وحلي التمارين،،، و ادعي في كل صلاة ان يُشفي ست الكل،،،

[عبد الناصر17000]

ربي يجيب الشفا وربي يحفظلك الوالدين ويرضيهم عليك ان شاالله خلي ثقتك بربي سبحانو كبيرة واللي خلق مايضيع

[لمسة ابداع]

اسءل الله العظيم ان يفرج كربتك و يشفي والدتك

[ksaido]

حسبك الله ونعم الوكيل

[نبض قلبي]

السلاااام اختي
ربي يكون معاكم و يهون عليكم
اختي ديري في بالك الدنيا هذي جامي تجيك بالسهل كل واحد وهمومو
بالنسبة للمرض ابتلاء و ربي يقدركم
اقراااي متفرطيش في قرايتك
و ربي يكون معاكم و يعاونكم و يشفي الوالدين الكريمين
تقبلي المرور
تحياتنا

[نبض قلبي]

السلاااام اختي
ربي يكون معاكم و يهون عليكم
اختي ديري في بالك الدنيا هذي جامي تجيك بالسهل كل واحد وهمومو
بالنسبة للمرض ابتلاء و ربي يقدركم
اقراااي متفرطيش في قرايتك
و ربي يكون معاكم و يعاونكم و يشفي الوالدين الكريمين
تقبلي المرور
تحياتنا

[يسمينة الزهور]

أسئل اللَّه العظيم رب العرش العظيم أن يشفي والدتك ويحفظها من كل شر وسوء ومكروه ويفرج عنك ويسعدك ويرزقك كل خير

[يسمينة الزهور]

وأخبري أمك أن تكثر من قراءة سورة البقرة وإذا كان عندكم قناة قرآن كريم ولا بوسط فيه قرآن إشعلوه وخلوه من الصبح حتى لليل فصورة البقرة تبعد الشياطين من البيت