أخطأت في حق خطيبي

[مشكلتي]

السلام عليكم

أنا فتاة 27 سنة مخطوبة لشاب ذو أخلاق و صاحب كلمة و يحبني و أنا تاني

المشكلة أنو ولا مرة خبيت عليه حاجة و هكدا تفاهمنا من الأول،، صرا سوء تفاهم بيننا على أساس خبيت عليه أمر مهم و هذا الأمر ما كانش منو نهائيا
حاسة أنو فقد ثيقتو بيا بالرغم اني ما تعمدتش ما نقولوش على هادا الأمر اللي وصلوا عبر ناس زادو فالهدرة
أنا ماشي مستعدة نخسروا لأنو إنسان طيب و رائع بكل معنى الكلمة و ما عرفتش واش ندير باش يرجع كيمن قبل

انصحوني واش ندير و ادعولي

[knives66]

كان نعليك من اول تصارحية يسمعها منك ولا من ناس

افضل انك تحكي معاه وتصارحيه هذا هو الحل بكل شيئ

[nouna l maghbouna]

انتي غلطتي كي ماقلتيلوش و سمع من عند الناس
اطلبي السماح قد ماتقدري
و المرة الجابة احكيلو كلش ماتخليهش بسمع من عند الناس

ربي معاك
ان شاء الله يولي كيما كان و خير

[نورسين.داية]

السلام عليكم

قلتي أنكما إتفقتما على الصراحة من البداية .....
و قلتي أن القصة محل سوء الفهم لا أساس لها ........

و لو انك لم تطرحي المشكل لكن في نظري إنسان عندو فيا الثقة من المفروض أي شك أو كلام يسمعه سوف لن يصدقه إلا بعد سماعه مني انا شخصيا ......لكن على ما يبدو مسألة الثقة هي من جهتك انتي فقط .........يعني هو ماعندوش ثقة فيك مادام يسسر مع كل نسمة تمر ................

لأنه لو كان يحمل ذرة الثقة ...لما لم يأتي و يناقشك في الموضوع ....بكل صراحة .....؟؟؟؟ يعني إنسان غير يتسبب .................

و مادام الثقة غير متبادلة .....................خليه إكمل مع الرياح .................لأن معدن الإنسان و شخصيته السليمة تظهر في هذه المواقف......

و إذا حبيتي تبدبها بالإعتدار دون خطأ من البداية .................وجدي روحك .....لأعتدارات لا تعد و لا تحصى ........
عندنا وحد المثل في المنطقة يقول : (راجلك على ما عودتيه ....و ولدك على ما ربيتيه )......................و انتي شوفي واش يخرج عليك ....................
وفقكي الله عزيزتي

[z.abdo]

انتم النساء كي ربي يرزقكم برجل طيب تعفسو عليه لكن لما يضيع من يديكم تعرفو قيمتو

[oumhana]

اسمحيلي نتدخل شويه :كما قاتلك الاخت مسألة الثقة راهي من جهة وحده يعني غير من عندك حاجه باينه وزيد هذا سمع آمن مسياش يناقش معناهاالمره الجايه يقولو كثر يزيد يامن فيقي هذا رايحه تجوزي معاه عمرك ماشي لعبه .شحال نكره بو ودينه سوا مرا ولا راجل و سورتو راجل.وزيد علاه تقولي أخطأت في حق خطيبي donc راكي مستعرفه؟؟؟؟ مع أنك مقولتيش واش هو الموضوع بصح انا نواجبك على حساب معريفتي : إذا خرجتي و ما شاورتيهش عندو الحق وراكي تعرفي اأمور الي عندو فيها الحق. أما إذا كان الموضوع خاص بعائلتك فمن حقك ما تقوليلوش ماشي اسرار ديارنا نديوهم للبرانيه.وأهل مكة أدرى بشعابها و السلام.

[محمد جديدي التبسي]

ما تكبريش المشكل خليه على راحتو الشك راه سمة العصر لكن البعض يخفيه والأغلبية تبديه
هذا خطيبك برك واذا ما درتوش العقد فلاداعي لكثرة الكلام والمصارحة لأنو كلام الهاتف والمشاعر هذا والثقة والصراحة راه يخرب العلاقات
لذلك احطيك من الهاتف وكوني عزيزة ولا تتركي تعلقك به يحعلك تتنازلين له وتفعلين كل شيء لإرضائه من دون رد فعل مماثل من طرفه
ربي يعينكم وييسر زواجكم

[AMINA.Z]

مش من حقو يعرف كل كبيرة و صغيرة في حياتك و تحركاتك

صح راح تتشاركو حياة بالصح ما يعنيش ما تكون عندك حياتك الخاصة و اسرارك

يا اختي خلي ديما حدود بيناتكم

[chou79]

المشاركة الأصلية كتبت بواسطة amina.z

مش من حقو يعرف كل كبيرة و صغيرة في حياتك و تحركاتك

صح راح تتشاركو حياة بالصح ما يعنيش ما تكون عندك حياتك الخاصة و اسرارك

يا اختي خلي ديما حدود بيناتكم

هذا اكثر شئ يؤدي الى الطلاق!!!!!!!
ربي يهديكم يا البنات و يهدينا معاكم


ربي يعينك اختي في هذه المشكلة، و حاولي تفهميه بلي راهم زادوا فيها.
عمبالك اختي لما الصراحة تكون بين شخصين في كل الامور مهما كانت بسيطة، راح تعيشوا حياة روعة.
ربي يوفقك اختي و ترجع المياه الى مجاريها إن شاء الله.

[doba]

ربي معاك
ان شاء الله يولي كيما كان و خير

[بسمة تحدي]

كل شئ يا اختي يرجع للمكتوب

اذا كتب ربي يجمعكم والله حتى مشكل مراح يفرقكم

ديري الي عليك بش متخسريهش بش متندميش مع الوقت والباقي ع ربي

[حميد.ص]

هادا الأمر اللي وصلوا عبر ناس زادو فالهدرة

قوليلوا بكل بساطة ماتخليش كلام الناس يفرق بيناتنا


بالتوفيق ان شاء الله

[مواطنة]

اختي الكريمة ما تقلقيش روحك انت عن غير قصد او كنت تسناي في فرصة باش تتكلمي فيها على الامر بصح اذا الناس بادرو بالكلام في اشياء لا تخصهم هذا شيء خارج عن السيطرة ديالك انت فهمي خطيبك بلي لم تقصدي عدم اخباره نهائيا من جهة ومن جهة اخرى لازمو مايسمعش بزاف للهدرة لي تفرق بين زوج
اذا هو فهم بطريقتو الخاصة انت حاولي تفهميه بلي نيتك صافية و اذا يبس راسو ماعندك ماديريلو ماشي خسرتي ثقتو لان الثقة ترجع بالشوية و ماشي اول خطا يتكسر كل شي لانو معناه الاساس مش صلب المهم انت ديري لي عليك و ضميرك متهني و اذا هو حاب يخسرك ما يلقاش سبايب تافهين
لانو مهما صار و خبيتي اشياء لا تضره هذا لا يخصه لانها حياتك و هو لم يصبح زوجك اصلا
اختي كي تعرفي بلي راكي على يقين انك مستقيمة حاولي تفهمي سوء الفهم عندما يحصل و قصدك او نية من الفعل و لا تكلفي نفسك ما لاطاقة لها لان ارضاء الناس غاية لا تدرك

[الماسة النادرة]

لازم تدي هذا درس حاولي تداركي الامور

[سهيلة1996]

ان شا الله خير