وصفات من حراير مطبخ وش طيبتي اليوم

[ام ندى 87]

بالنسبة للوصفة رابيت بطاطا ( خضرة مش طايبة زدتلها الملح الفلفل الاسود المعدنوس و البيض
و حطيتها في المول على شكل اعشاش و عمرتها في الوسط بالفرماج و الكاشير و الطون و دخلتها للهرن حتى طابت

[فاطمة6]

الاخت idron0 قوليلي ويت راكي حابسة في نقل الوصفات واااذا نقدرو نساعدوك ؟؟

[idron0]

البريوش titina

شوفي هذه البريوشة اروع ما يكون
جربتها وعاودتها ومذاقها راااااائع
مقاديرها تصنع على مرحلتين

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


المقادير ..

المرحلة الاولى

بيضة
6 ملاعق طعام زيت نباتي
6 ملاعق طعام عسل
3/4 كوب ماء دافئ ( أنا استعملت )
ملعقة طعام خميرة فورية
ملعقة فانيليا
كوب فرينة

المرحلة الثانية

1 كوب دقيق
1/4 ملعقة صغيرة ملح

طريقة تحضيرها :

نمزج البيضة والزيت والعسل والفانيليا ثم نضيف الفرينة والخميرة ونخلط جيداً ونتركه لمدة 15 دقيقة حتى يزيد حجمه قليلاً
نضيف على مزيج الخميرة الفرينة بالتدريج حتى نحصل علي عجينة متماسكة وطرية ونلاحظ انها تلتصق باليد قليلاً
نتركها تختمر وتتضاعف ثم نقسمها ثلاث أجزاء
نشكلها 3 حرابش وندهن اليد ببضع قطرات من الزيت باش ما تلصقش
نشكلها ضفيرة وندهنها بالحليب ونتركها لتختمر من جديد
ثم ندخلها فرن 200 درجة حرارة من أسفل حتى تستوي ثم نوقدها من أعلى لتكمل نضجها وتتحمر.


****هذا بريوش تيتينيا داراتوالاخت ام سهام 02 على شكل خلية
***** في المرحلة الثانية زدت الفرينة وبشر البرتقال وخمرتو3مرات جاء هاااااايل خفيف
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

كروكي ladymillion

3 بيضات + رشة ملح + كأس سكر + كأس .ونصف زيت + زاست ليمون + م ك فاني + نصف كأس نشا + باكي ونص خميرة وتلمي بالفرينة (تحتاجي من 500غ الى 600غ حسب فرينة لي عندك ماتيبسيهس برك

الطريقة واضحة طلعي برك البيض والسكر مليييح /// ومن فوق مدهون بالبيض ونيسكافي وتحطيه يطيب وتحمريه

[idron0]

اعشاش البطاطا ام طيري الجنة

بالنسبة للوصفة رابيت بطاطا خضرة مش طايبة زدتلها الملح الفلفل الاسود المعدنوس و البيض
و حطيتها في المول على شكل اعشاش و عمرتها في الوسط بالفرماج و الكاشير و الطون و دخلتها للفرن حتى طابت
و هذي بعض الصور التوضيحية


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[idron0]

كايك بالشوكو yasmalak

دوبيي 130 غ مارغرين اومباعد خلطييها مع 100 غ سكر قلاصي
و دوبي 160غ شوكولا نوار مع 3مغارف والا 4 ماء و ماشي شرط تدوب الشوكولاا قاع المهم تولي طريية
و خلطيها مع المارغرين و السكر بالباتور
و زيديلهم 4 حباب بيض بيانسيير زيديهم بالحبة
اومباعد زيدي 70 غ مايزينة و50 غ فرينة وباكي خميرة يكونو مغربلين و خلطيهم تان بالباتور
و ادهني المول تاع الكايك مليييييييييييييييح بالمارغريين
و طيبي الكاايك تاعك ههه
الخليط مايكونش جاري بزااااااااف مي مايكووونش عاقد تان بزااف
ادا شفتيه جاري بزاااااااااااااااف زيدي مغرف والا زوج فرينة .



إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

مربعات بالطون ام طيري اجنة
العجين
250g فرينة
70g زبدة
ملح
خميرة الخبز
ملعقة كبيرة حليب بودرة
معلقة زعتر او زعبترة
حليب دافي للعجن

الحشوة
علبة طون
بصلة مقطعة قطع رقيقة
ملح+فلفل اسود
زيت

جبن موزاريلا
أصفر البيض لدهن العجين
بالنسبة للعجينة الخاصة بالمربعات هاهي الوصفة كما اخذتها من منتدى اخر

[خيط الروح]

ما شاء الله

[idron0]

نصائح الهام لعمل الرفيس قسنطيني

شوفي اهم حاجة باش ينجحلك لازم دشيشة خشينة يعني سميد خشين وثاني حاجة كي طيبيه بسسيه مليح وحنا نطيبوه في البلاطو في الكوشة لازم يتحمر مليح مليح وثالث حاجة ماديريهش في الروبو هرسيه في المهراس ورابع سر لازم تستعملي الغربال الخشين خلاص باش يجيو حباتو خشان ماشي معجن
وثاني لازم كي تفوريه وتكوني تعالودي فيه بماء الزهر رشيه خفيف خفيف وخلطي بالشوية
هذا واش فيه الرفيس كاسرار
والباقي نتاع الوصفة عادي كيما الناس.
ماما تدير شوية حليب في طاوة ويكون بارد وفيه شوية ماء زهر وكل ما تفورو تعاودو بهذاك الخليط وقاتلك ماشي بعدد المرات قاتلك كل مرة بخيه بالشوية وخلطيه وخليه يشرب وتعاودي تفوريه وبخيه غير بالشوية برك وكل مرة ذوقي حتان يطرى على حساب قادر يفور اربع مرات
والدشيشة لازم الخشيييييييييييييينة خلاص نتاع قلب اللوز قد ماتكون خشينة يكون خير
وقاتلك إذا عندك لوز مرحي خشين او اي نوع مكسرات كي يوجد خلطيه فيه من داخل وزيني من فوق بمكسرات تكون خشييييييييييينة وجوز نصاص و
طبعا ماكلاه نقولك في الأخير بعد مايفور ديريلو الزبدة والسكر الاحرش وللتزيين سكر ناعم ونديرو ثاني شوية زبدة نتاع بقرات طرية بلابوش نديروها وردات من فوق كتزيين

[ام سراج وملاك]

خبز بالزبدة لـ دائمة الحمد



1كاس حليب
ربع كاس زبدة ذايبة
نصف كاس ماء
1بيضة
2ملاعق كبار سكر
ملح
1ملعقة كبيرة خميرة الخبز الفورية
2ملاعق ماء زهر انا عملت قطرات روح الزهر
4 كيسان وربع وممكن ونصف فرينة حسب نوعيتها
للدهن
صفار بيضة +شوي حليب

نحط الحليب والزبدة والماء على نار قليلة حتى يدفو الال كان سخنو ياسر خليهم يبردو شوي+كل المكونات ونزيد الفرينة حتى تتكون عندي عجينة طرية نحطها في اناء مدهون بالزيت ونغطيها ونخليها ترتاح ربع ساعة فقط
نقسمها 15 كرة متساوية
ونعملهم شكل خبزات صغار الطريقة معروفة يعني نحلهم شوي بالقراص ونلويهم بشكل اسطواني ونغلق الاطراف مليح وجيهة الغلق نخليها من تحت
نحطهم في بلا مدهون ونغطيهم ونخليهم يطلعو مليح
نسخن الفور ونحطهم يطيبو من تحت ولما يحمارو ندهنهم بصفار البيضة والحليب ونخليهم يزيدو يتحمروا من فوق وخلاص

لكل الاخوات لي طلبوه

[idron0]

الارز بافخاذ الدجاج hasna 19





إضغط هنا لرؤية الصورة بحجمها الطبيعي.



تبلت افخاذ الدجاج بالملح والفلفل اسود, بابريكا , كركم , ثوم وشوية هريسة وحطيته في اكياس الشواء مع كاس ماء تقريبا

لاصوص لي طلقها الدجاج نحيتها على جنب وقليت نص بصلة مع سنينات ثوم في شوية زبدة وقطعت صدر دجاج وكي تقلاو زدتلهم لاصوص بعد ماغليت اضفت علبة كرام فراش ونصف علبة جبن ريكوتا وملعقة كبيرة موتارد وقدمتها مع الارز

[maloo]

الهام07


هاذي وصفة البطاطا المحمرة في الفرن ، راهم بزاف يعرفوها لكن نضيفلها مكون يخليها مممممم، شوفو :
حبات بطاطا متوسطة الحجم حسب عدد الأفراد نقشرهم و نقطعهم بالطول على 4 ونحطهم في ماعون يكون كبير و نحط معاهم عادة أجنحة دجاج أو قطع دجاج وإذا ماعندكمش دجاج عوضوه بقطعة ماجي دجاج مفتة و حطو معاه :
فصوص ثوم مقطعة أنصاف ( كثرو ) ، بصل مقطع ، معدنوس مقطع ، حبات جزر مقطع ( سر البنة و حلاة الطعم ، الجزر كي يتحمر يجي روعة ) ، وزيدو معاها فلافل :
فلفل أسود + فلفل أحمر + كسبر + أفاح + حبة حلاوة ( سر البنة رقم 2 ) + ملح
شوية نتاع زيت نباتي + شوية نتاع ماء حوالي 2 ملاعق لكل 1كغ ( ماتكثروش شوية برك و ما تخافوش طيب مليح كزن تكثرو تتهر البطاطا)
هريسة + موطارد + طماطم مصبرة ( حطي حاجة قليلة خلااص ماتكثريش حوالي ملعقة صغيرة ) + لكل 1كغ بطاطا حطي 1 ملعقة كبيرة عسل ( أنا نحط 2 لاخاطر ندير كمية كبيرة مع الدجاج وديما متبقاش يكملوها لآخر حبة ) ، رايحة تستغربي من العسل و لكن هو اللي يخلي :
الصلصة خاثرة + حلوة بشكل طفيف لا يظهر أن الأكل فيه عسل + بنة + يحمار الدجاج و البطاطا مليح ويجي جلد الدجاج مقرمش ( هاذي العفسة تعلمتها من قناة فتافيت :d )

خلطي كلش في قصعة كبيرة و ذوقي إذا كانت ناقصة ملح زيدي و حطيها مباشرة في إناء الفرن وغطي المول بكيس شواء تكوني فتحتيه أو بورق ألمنيوم لما يطيبو نحي الورق وخليهم يتحمرو ، انا ساعات نزيد ندهن الدجاج بالزبدة (قبل ما نطيبو ) وساعات نزيد نشعل الفرن من فوق ، الطعم راهو خيالي

[فطيمة ادب]

ربي يعطيك الجنة يا رب

[ام سراج وملاك]

تابع لقاطو الكورنيسكي لـ alison dilaurentis


بالنسبة للكورنيسكي ..بعد ماتطيبي لعجينة في لي مول تغطسي لحواشي فالشوكولا اولا وبعدها ديري الحشو نتاعك لي قلنا نيسلي

ومكسرات وبعدها تعملي الميرانق (انا ستعملت وصفة ام اماني روعةةةةةةةة) وترجعيه للفرن على نار هادئة جدااااا حتى يطيب

الميرانق نتاعك وقلنا ماتخافوش الشوكولا مايصرالها والو بالعكس راح تنشف فالفرن وترجع هايلة..يمكن الصورة تساعدك على الفهم....

[ام سراج وملاك]

قاطو الكورنيسكي بشكل جديد لـ khaoula90

للأخت dado mascarienne وصفة كورني سكي و شوفي أخت أليسون حطت الصور واضحة هاي طريقتي

المقادير هي

250 زبدة صول ،100غ سكر رطب، 100غ لوز مرحي رطب،صفار بيضة ،بيضة كاملة، مغرفة فاني، تشفي بالفرينة

الحشو : كرام سيتروو كل واحد كيف آه يخدمها مقادير لي نعتمدها هي
4بيض
عصير 4حبات قارص
150غ سكر عادي
قشور حبة قارص
و تحيطها على النار خفيفة مع الخلط ثم ضيفيلها 100غ زبدة
مغرفة مايزينة

خليها فوق النار حتى تثقال.


الميرانغ

4بياض بيض

رشة ملح

250 سكر عادي

حطيهم فوق حمام مائي مع الخلط بالخلاط الكهربائي كي يطلع مليح و تلقايه ولا دافئ نحيه من الحمام المائي و واصلي الخلط حتى يبرد

التزيين

بعد ما نشكلو العجينة في لي مول نثق بها و نخيلها طيب و بعد ماطيب نضع مغرفة كرام سيترو و الميرانغ نشكلو بالبوش ادو و نحرقو بالشانيمو و اللي معندوش يشعل الكوشة من فوق على نار خفيفة و نحط القاطو و منقفلش عليه حتى يأخذ اللون فقط

بعدها نزينوه بالكريات الفضية الملونة