Tarte d'anniverssaire حلوى عيد الميلاد

حفيظة42 · 2013-01-14, 16:27

طورطة عيد ميلاد أبي وجدتي ربي يطول في عمرهم أتأسف لعدم تمكني من تصوير كافة الخطوات وهذا لضيق الوقت

مقادير تحضير الجينواز:
10 حبات بيض
300غ سكر
300غ فرينة
خميرة كيميائية
فانيليا

مقادير تحضير كريمة الزبدة:
paquet de sucre glace
500غ مارغرين طرية
كاس ماء
كاس زيت
الفانيليا

مقادير تحضير السيرو:
2 كيسان ماء
كاس سكر

مقادير تحضير كريمة الليمون:
100غ مارغرين ذائبة
2صفار بيض
ربع كاس سكر
ربع كاس عصير الليمون

بالنسبة لتحضير الجينواز:

أنا عملت 2 كيكات جينواز يعني قسمت المقادير إلى 2 وطيبت كل واحدة وحدها
(اسمحولي طيبت الجينوازتين فالليل باش ما يفيقش بيا الوالد زعما عملتها مفاجأة ماكانش عندي وقت باش نصور)

نخلط الصفار والسكر وحدهم ونضرب بياض البيض حتى يتكاثف ثم نخلطهم مع بعض ونسير الفرينة من فوق مع الخلط حتى نتحصل على عجينة تشبع عجينة الموسكوتشو

طيبتهم مدة 15د

تحضير كريمة الزبدة:

نخلط السكر الناعم مع الفانيليا وكاس ماء بالخلاط الكهربائي

نضيف كاس زيت مع مواصلة الخلط

نضيف المارغرين مقطعة إلى قطع ونخلط جيدا حتى نكمل جميع قطع المارغرين فنتحصل على كريمة متماسكة

تحضير كريمة الليمون:

نضع في كسرونة: صفار البيض+سكر+عصير الليمون+مارغرين ذائبة

نضع الكاسرونة فوق النار وبعدما تعقد نطفي عليها الفرن

تحضير الكعكة:

نحط الجينوازية فوق قالب ونشربوها بالسيرو ونطليها بكريمة الزبدة

نطلي أطراف الجينوازية بكريمة الزبدة

نحط الجينوازية الثانية فوق الأولى ونشربها بالسيرو مثلما عملنا فالمرة الأولى ونطليها بكريمة الزبدة

نرش أطراف الجينوازية باللوز المرحي يمكنك تزيينها أيضا بالفارميسال أو الحاشية التي تباع

نزين الكعكة بكريمة الزبدة

راهي شابة بلا مانزيدو نزينوها والا واش رايكم

نفرغ كريمة الليمون فوق الكعكة

زينتها بحبيبات الشكلاطة كل واحدة ولمستها في التزيين

وفي الأخير نكتب بالشكلاطة عيد ميلاد سعيد

العائلة كامل عمبالهم مشرية وكامل عجبتهم ما خلا فيها والو في دقيقة كانت ترفدت

رأيكم حبيباتي مع العلم أن هذه أول مرة ليا مع la patisserie

مقياس القالب اللي طيبت فيه الجينوازيتين وعملت فوقو الحلوى "لي راه مبين فالصور"
25سم على 32سم

منارالقلوب · 2013-01-14, 16:37

روووووووووووووووعة
يطيك صحة

basmala farah · 2013-01-14, 16:40

هايلة هايلة هايلة الله يعطيك الصحة

zineb_saib · 2013-01-14, 16:40

اول مرة؟؟!!!
ماشاء الله تباني خبيرة حلويات يليق تفتحي محل باتيسري
سخفتيني نذوق علابالك!!!!!!
بصحتهم الوالد والجدة

حفيظة42 · 2013-01-14, 16:40

اقتباس:

المشاركة الأصلية كتبت بواسطة منارالقلوب

روووووووووووووووعة
يطيك صحة

الله يسلمك أختي ربي يحفظك

حفيظة42 · 2013-01-14, 16:44

اقتباس:

المشاركة الأصلية كتبت بواسطة basmala farah

هايلة هايلة هايلة الله يعطيك الصحة

ربي يحفظك أختي فرحتيني

حفيظة42 · 2013-01-14, 16:46

اقتباس:

المشاركة الأصلية كتبت بواسطة zineb_saib

اول مرة؟؟!!!
ماشاء الله تباني خبيرة حلويات يليق تفتحي محل باتيسري
سخفتيني نذوق علابالك!!!!!!
بصحتهم الوالد والجدة

ايه أختي أول مرة ليا مع هذا النوع من الحلوى

ههه ضرك نامن بروحي نحوس نفتح محل ههههههه

يا اختي ماشي خسارة فيك

amouna.sem · 2013-01-14, 16:50

merci bcpppppppppppppp bcppppppppppppppppppp

مريومة دودي · 2013-01-14, 16:51

اننننننننننننننننننننننننننننننننننننننننننننننننن نننننننن راني نبكي و الله عير شهيتني دبري راسك ابعتيلي مورسو بصح يعطيك الصحة يا الشاطرة تهبببببببببببببببببببببببببببببببببل كل عام و هوما بخير و ربي يطول في عمرهم انننننننننننننننننننننننننننننننننننننننننننننننن اممممممممممممممممممممممممممممممممممممممممممممممممم مممممممممممممممممممممممممممممم

حفيظة42 · 2013-01-14, 17:05

اقتباس:

المشاركة الأصلية كتبت بواسطة amouna.sem

merci bcpppppppppppppp bcppppppppppppppppppp

اقتباس:

المشاركة الأصلية كتبت بواسطة مريومة دودي

اننننننننننننننننننننننننننننننننننننننننننننننننن نننننننن راني نبكي و الله عير شهيتني دبري راسك ابعتيلي مورسو بصح يعطيك الصحة يا الشاطرة تهبببببببببببببببببببببببببببببببببل كل عام و هوما بخير و ربي يطول في عمرهم انننننننننننننننننننننننننننننننننننننننننننننننن اممممممممممممممممممممممممممممممممممممممممممممممممم مممممممممممممممممممممممممممممم

أفرحتني ردودكن شكرا جزيلا