|
|
|
|||||||
| قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
** الطمينة بأسرار نجاحها من مطبخي**
 |
|
|
أدوات الموضوع | انواع عرض الموضوع |
2012-12-19, 13:06
|
رقم المشاركة : 1 | ||||
|
** الطمينة بأسرار نجاحها من مطبخي**
السلام عليكم
  راني شفت مؤخرا بعض مواضيع الاخوات الطمينة ما تصلحلهمش و تاني راني وعدت اخت اني نحضرهالها و راني عند وعدي نتمنى تشوف الموضوع و هادي هيا طريقتي اللي علمتهالي ماما و حقيقة انا غير هاذ الطريقة ما ناكلش الطمينة و كل واحد كيفاش يخدمها المقادير كيلو سميد تاع مقروط (السميد ما تشروش داك اللي يجي خشين بزاف كيما تاع قلب اللوز لانو يشرب بزاف و انا هاد الوصفة درتهابتاع قلب اللوز و شربتلي بزااااف نشرو داك اللي نديرو بيه المقروط و ان لم يتوفر ماعليش ) علبة زبدة تاع 250 غ انا درت صول 1 كيلو عسل لاني درت بالخشين تاع قلب اللوز شربلي كيلو عسل و حفنة فرينة شوية كوكاو مطحون و ايلا ما عندكش يمكن نستغناو عليه و قرفة مطحونة و لوازم للتزيين في طاجين نحمص السميد تاعنا حتى يأخذ لون ذهبي ثم نحمص الفرينة ( الفرينة كي نحمصوها راح يخرجولنا كريات نفوتها ف الصيار تهبط المليحة و يبقاو الكريات لاااازم ترموهم ) لاحظوا الصور  هادو نرموهم ثم نخلط الفرينة مع السميد جيدا حتى يمتازجوا مع بعض  ثم نذوب الزبدة تاعنا و نسخن العسل هنا مانديرش كل العسل ندير نص العلبة و نزيد شوية ثم ندير حفرة وسط السميد و نفرغ بنفس الوقت العسل و الزبدة انظروا هنا ماما فرغت و انا صورت   ثم نخلطها جيدا و هنا على حساب السميد كيما قلت سابقا ايلا كان تاع قلب اللوز زيدي ذوبي شوية زبدة و ديري بقية العسل اللي بقاتلك و ايلا كان سميد تاع مقروط ممكن ما تزيديش و كيفاش نعرفوا بلي بزاف عليه ؟؟؟؟؟ تابعوا معي عندما نخلط مليح و نتحصل على هاد الخليط يعني ناشف نزيد شوية زبدة و نكمل العسل المتبقي  و نضيف الكوكاو المطحون و مغرف قرفة و نخلط الكل و ايلا الخليط خرجلنا بهاد الشكل يعني جاري هاداهو الافضل نخلطوه و نخلوه حتى لليوم الموالي يكون شرب مليح و دخلت فيه العسل و الزبدة و نشكلوه كيما نحبوا  و هنا راه جاهز هادي ما خلاهاش اخي تبات و تنشف كلاها دون انتظار ههههه  و هنا غدوة من ذاك شكلتها و كي تاكليها تحسي انها مكرملة يم يم يم  ان شاء الله يكون الشرح وافي تقبلوا تحياتي و شكرا 
|
||||
|
|
2012-12-19, 13:43
|
رقم المشاركة : 2 | |||
|
mmmchoukran laki ou kouli lyamak yatik esaha rabi yahfadha nchalah raki wafiti ou kafiti fi charh yatik esaha chhhal twahacht nakoul tamiina baraka lahou fik ou kima kolti koul wahed ou tarika taaou kich yakhdam tamina machkoura okhti |
|||
|
|
|
2012-12-19, 14:39
|
رقم المشاركة : 4 | ||||
|
اقتباس:
شكرا اختي ربي يخليك
|
||||
|
|
|
2012-12-19, 14:56
|
رقم المشاركة : 7 | |||
|
ما شاء الله شهتيني مشكورة أنا من المبتدئات نحوس نتعلم أسرار الطبخ و شكرا على سر نجاح الطمينة |
|||
|
|
|
2012-12-19, 15:54
|
رقم المشاركة : 10 | |||
|
أممممم ماشاء الله تسلم ايديكي يا الفحلة |
|||
|
|
|
2012-12-19, 15:59
|
رقم المشاركة : 11 | ||||
|
اقتباس:
انا نغطس المول تاع الطابع فالقرفة ثم نضغط عليه على الطمينة |
||||
|
|
|
2012-12-19, 16:53
|
رقم المشاركة : 14 | |||
|
كملي مزيتك وزيديلي معاها فنجان قهوة اممممممممممممممممممممم نموت على الطمينة خاصة سخونة الله يعطيك الصحة بصح انا مانديرش الفرينة كاشي مرة نجرب انتاعك |
|||
|
|
|
2012-12-19, 17:03
|
رقم المشاركة : 15 | |||
|
هايلة حنونة انا منحبهاش |
|||
|
|
|
| الكلمات الدلالية (Tags) |
| مطبخي**, الطمينة, بأسرار, نجاحها |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
