مشكلتي مع اختي

[مشكلتي]

السلام عليكم ورحمة الله وبركاته
مشكلتي مع أختي....مانقدرش نفهم عقليتها ...بزاف ....تكون نورمال معايا تضحك وتفضفضلي ووو بصح حاجة تاع والو تنقلب وحدها وماتوليش تهدر معايا وما نعيا نجبد فيها ماتقيمنيش وماترد عليا...وأنا والله العظيم عمري ولا خسرت معاها ...مرات تطيح من قدري وتقول لي كلام يجرحني بصح نقول ماعليش هاذي اختي الكبيرة بصح بزاف ماعييت صابرة وكرهت من معاملتها ليا ...مرات نحب نهدر معاها تلعبها راهي منشغلة بالتلفاز أو بشيء آخر.........لكن علاه تعاملني هكا ...وعندي اختي الصغيرة مهما دير معاها ماتعاملهاش كيما أنا تتكلم معاها نورمال وتضحك وووو أما أنا ؟؟؟؟مافهمتش ....هاذي الي توجعني بزاف :tears:مرات نحس بلي تغير مني لأن أسلوبها معي هو الي يحسسني بغيرتها...ملي توقفت عن الدراسة أو بالأحرى بويا هو الي حبسها أما أنا كمت قرايتي وتخرجت من الجامعة وراني نخدم....بصح أنا شادخلني وماهو ذنبي؟؟؟؟ختى الخطابة يتقدمولي أكثر منها ....بصح ربي ماكتبش...مرات يقولولي أنت عندك الزهر...بصح وين راه الزهر ...تا حاجة ماهي تكمل لي :0000454564:
علاه تعامل اختي الصغيرة عادي وماتقولها والو وماتزعفش منها رغم أنها هي تاني راهي تكمل قرايتها في الجامعة وماتدير والو في الدار وتنوض كيما تبغي وتقضي كيما تبغي بصح ولاأحد يتكلم معاها....أما أنا نخدم وندير شغل البيت ووووو بصح ماعنديش الزهر معاها وكون حاجة صغيرة ننسى باه نديرها تحكمهالي وتشنف وماتوليش تهدر معايا وتتجاهلني .....كرهت كرهت خاصة راني في كونجي...وانا انسانة حساسة حاجة صغيرة توجعني ونقعد غي نبكي بصح مانبينش رغم ان قلبي ابيض ومانشد الحقد ...مرات نقول بالاك تحس بالنقص سيرتو مين ماكملت قرايتها رغم انها كانت طالبة ممتازة بصح الله غالب وتاني راهي قاعدة في الدار....تكون معايا مليحة وغاية بصح مين تنقلب عليا الله يستر ....ومين تولي كيما كانت بالاول وكأن شيئا لم يحدث...انا انسانة اجتماعية وليس بإمكاني التعامل والتأقلم مع هذه النماذج البشرية المتقلبة الطباااااااااااااع.

[امل العاتر]

الشيء الي تكلمتي عليه هو شيء عادي ويحدث في اغلب الاسر بما انك الاخت الي بعدها ..حتى ولو ظروفها غير الي قلتي كان ممكن كلشي راح يكون نفسه...واما عن طباعها المتقلبة ماتنسيش انها اليوم كامل في الدار راح تكون ضايقة روحها ..ربما تحس انها بلا فائدة بلا ونيس ...وممكن هي حابة تبينلك انها محتاجة ليك لكن هي ما تعرفش تعبر عن نفسها ...انتي بما انك تخدمي ممكن ساعة على ساعة تشريلها حاجة او تقترحي عليها تخرجوا مع بعض للتسوق ...خذي رأيها وحسسيها ان قلبك كبير وليها فيه مكان كبير .........والله أعلم

[na.dodo]

ممكن في سن المراهقة فهو اصعب مراحل الحياة لازم واحد يهز على الاخر يكون عقلو كبير ويسمح شويا في حقو باش تصلح الامور ولسني اول واحدة ولستي الاخيرة سياتيك يوما تتمنين هذه اللحظة

[salem1985]

السلام والله اختي قصتك تشبه فتاة اعرفها نفس القصة الا ان هاذه هي عاملة معي انسانة ميزاجية لابعد الحدود ومنطوية ومبهمة لا احد يستطيع ان يفك لغزها ولا اسرارها دائما تقرا الحزن في عينيها ولا تستطيع ان تساعدها لانها لا تثق في احد وهي من الجنوب الشرقي وتسكن في اقصى الجنوب الشرقي ومشكلتها انها كانت ممتازة ولها احلام وقف ابيها في وجهها عندما منعها من الجامعة رغم انها حصلت على الباكلوريا بعلامة جيدة في وقت كان قليل من يحصل على هذة الشهادة واختها تقرى في الجامعة واخوانها الذكور كذالك وحتى ان الزواج نمنع اي خاطب يتقدم لها وتقول انه ينوي الشفقة عليها فقط ربي يفرج على الجميع

[حياتي نبع امل]

يجى نهار تتوحشي طبايعها

[hodahodahoda]

للاسف الكثير من البنات اغيرو من اخواتهن

تصرفي عادي معها انها اختك

[زرقـآء اليمآمـة]

السلام عليكم
اختي الكريمة الاخت نعمة اياك ان تشتكي منها ........ تخيلي نفسك يوم لا تجدينها بجانبك لا قدر الله ........ انتن الاخوات ضيفات في بيت ابيكن سياتي يوم تشتقن الى بعضكن البعض ......... ساعفي اختك مهما كانت فهي اكبر منك وكبري عقلك قبل قلبك و ما تحوسيش تبحثي و تنبشي بزاف من جيهتها ..... خلي الامور على طبيعتها ......... دلليها اشتري لها هدايا اعطها نصيبا من المال .... تهلاي فيها راهي اختك وتحبك ..... ومين تكون زعفانة ما تكلميهاش راكي بذلك تزيدي الطين بلة ..... خليها تهدأ لوحدها وما تسأليهاش بزاف : مالكي واش درت لك .. وووووو ......... ولا تقارني بينك وبين اختك الصغرى ........... اجعلي بيتكم جنة وتذكري.... ستشتاقين الى هذا الجو يوما ما .......... ربي يحنن قلوبكم على بعضكم بعض والله المعين

[الجنة الجنة]

تهادوا تحابوا

[* عبد الجليل *]

السلام عليكم
اختي الكريمة ساعفيها ودائما بادري بطلب العفو منها
راهي كبيرة عليك ومهما كانت اختك ربي يحفظكم ويخليكم لبعض
يجي نهار و تتفكروا كامل واش كنتوا ديروا
الله يطيب بيناتكم
تحيتي

[sara nissa]

الله يحل هده العقد عن قيب مشاكل صغر و مراهقة

[amirateljazayer]

المشاركة الأصلية كتبت بواسطة امل العاتر

الشيء الي تكلمتي عليه هو شيء عادي ويحدث في اغلب الاسر بما انك الاخت الي بعدها ..حتى ولو ظروفها غير الي قلتي كان ممكن كلشي راح يكون نفسه...واما عن طباعها المتقلبة ماتنسيش انها اليوم كامل في الدار راح تكون ضايقة روحها ..ربما تحس انها بلا فائدة بلا ونيس ...وممكن هي حابة تبينلك انها محتاجة ليك لكن هي ما تعرفش تعبر عن نفسها ...انتي بما انك تخدمي ممكن ساعة على ساعة تشريلها حاجة او تقترحي عليها تخرجوا مع بعض للتسوق ...خذي رأيها وحسسيها ان قلبك كبير وليها فيه مكان كبير .........والله أعلم

انا من نفس رايك ..انا ايضا الوحيدة التي اكملت دراستها في العائلة واتلقى الضغوطات من البيت من كل جانب لكن سرعان ما احتوي الوضع
لاني بصراحة التمس العذر للجميع..ربما الله سبحانه وتعالى ساعدني على تحقيق احلامي لكن غيري في ابيت لم يستطع لسبب او لآخر ..معذورين والله على احساسهم
تصفها معك لا يدل على انها تكرهك بالعكس تماما..فانا مثلا عندما احتاج لاحد بصورة ملحة ولا يلحظ ذلك اقوم بالهجوم هههه..الحمد لله ان زوجي عندما اقوم بذلك يتفهمني
ويضحك على تصرفي ثم يحتويني فانسى كل شيء وادرك ان هذا التصرف هو ما احتجت اليه وعبرت عنهبتلك الطريقة...لكن غيره لا يستطيع ان يتفهم..وهذا ماكان يحدث دائما في بيتنا
مع عائلتي...
لذلك اقول لك احتوي اختك فهي بحاجة شديدة اليك..ساعديها بدونان تشعريها بانها ناقصة بل لانك اختها انت اقرب اليها من اي شخص اخر..اريد ان اضيف انه مهما كنت حساسة
فالاخت الكبرى اكثر حساسية منك ..تسوقي معها وحاولي خلق اوقات جميلة بينك وبينها

[مؤمنة بالله]

دايما يكون فيه مشاكل بين البنات

[nilly]

Rahi tghir manak hadi sure lghira bine alkhawate kayna bazaf w kayane wine twassal lhad akbar min had

anti kima tbani tayiba w okhtak lilasaf machi tayiba ghayora ana manhbache lghayorine
anti hawli tatjanbiha ki thader m3ak w id qaltlak 3lah kolilha hakda tdiri m3aya

w ana ndir m3ak nafss ocelobik bah t3raf qimtak lazam twajhiha

marakiche lo3ba ki thab thader m3ak w ki mathabche mathdarche wachno hada.

diri m3aha nafss losslob lt3malak bih

w balaki tqoli llah ghalab tghir aknatr maqrtche matmdiche al aedar llghayorine al inssan lyghir hayghir mank hata min haja sghira

akoun qassya ma3aha bah twali latifa ma3aki w tfhame bli rahi ralta