مادا افعل

[مشكلتي]

السلام عليكم
قبل 11 اشهر اعجبت بفتاة مرت بجانبي فسحرتني باناقتها وهدوئها فسئلتو عنها فزاد تعلقي بها بنت العز وبنت اصل
تزوجنابعد شهرين كان لي شرط وحيييييييييد اسراري لها وحدها ولا احد يدخل غرفة نومي وهدا من حقي
بيتنا مستقل كل اموري بخير ولله الحمد
شرطي اساسي ومستحيل نتخلى عليه
زوجتي حامل في شهرها الثامن دخلت منزلي وانا اقترب من غرفة نومي سمعت صوت لم اصدق كيف تعصيني
ووجدت زوجتي نائمة فوق السرير وامها نسيبتي ترتبلي في لباسي في الخزانة قالتلي سلام مرديتش وخرجت من الغرفة
لحقتني زوجتي شفت معاها باحتقار بعد ربع ساعة روحت والدتها
وجاء دور زوجتي رفعت صوتها وكانني ضالم كيفاه تعامل ماما هكا وكيفاه تهين والدتي وكيفاه وكيفاه قلتلها يا بنت الناس انا قتلك النهار لول واحد ميدخل شمبرتي من كلمة لكلمة وهي ترفع في صوتها صفعتها فاغمي عليها نقلتها للمستشفى فوضعوها في العناية المركزة ضغطها مرتفع انا كنت صاحب واجب كلمت والدها وجاء الى المستشفى كل عائلتها من اخوال اعمام كل العائلة وكلهم نضرات احتقار حتى عمها قالي يصرالها حاجة راك تسلك غالي
تحسنت حالتها وبقات 12 يوم في المستشفى دهبت ةقت الزيارة لم اجدها خرجت وراحت لدار والدها الدي منعني من دخول بيته وقالي نحكو في الطموبيل خير
حملني كل المسؤولية وقالي انا لست مستعد نخسر بنتي كي تغلط ارواح ليا انا قتلو ياعمي خلاص متكبرهاش ورجعولي مرتي رفض رفضا قاطعا حاولت نتصل بها جهاوها مغلق
علاه الضلم يحرموني من ولدي الي يتربى بلا اب ؟؟ هي خالفت شرطي ورفعت صوتها في وجهي ؟؟ هي كسرت شرطي ووالدتها تلمس ملابسي ؟؟ وبعد كل هدا انا ظالم

[hindoda]

يا اخى انت غالط 5الاف في ل 100 شرطك اصلا تافه و من حق البنت انها تزعف كي ما قيمت امها الام بتحس انو بنتها مش عايشة مليح و زوجها مش محترمها و لا مقيمها بصراحة انا مع اهل البنت بصح هدا درس ليك باش متعودهاش و متخربش بيتك بشروط تافهة

[الظل الخفي]

وعليكم السلام ورحمة الله وبركاته

نعم أخي هي اخطات ولكن كان ردك على خطاها أكبر بكثير خصوصا انك مددت عليها يدك ضف انها في شهرها الثامن

فممكن هي تعتبر امها ليس من الاشخاص الذين مجضورين من دخول الغرفة

حاول تصليح الأمور اكثر واعلن استعدادك الكامل لرجوع زوجتك خصوصا وهي مقبلة على ولادة بالاعتذار وعدم تكرار الضرب وان اقتضى الأمر بارسال كبار العائلة

ومن الطبيعي اخي انهم يزيروا عليك حتى بش يحسسوك بقيمتها

موفق اخي وان شاء الله تولد زوجتك وهي بجانبك

[7anine 87]

اخى الكريم شرطك غريب ويمكن زوجتك ماخدتوش بمحمل الجد ومباعد هى فى شهور حملها الاخير وامها قاعدة تعاون فيها وطبق فى حوايجك هدا شئ جد عادى خويا كبر عقلك هدى مرتك وام ولدك لجاى وانت غالط خاطر ستر ربي كنت قادر كشما ديرلها ودير لطفل احمد ربي انو عدات سلمات واهلها عندهم حق انت مادتيش بنت الناس باه تعطيها الطرايح وموقفك مع امها مشو مليح كنت سايرها ورد عليها ومباعد تناقش مع زوجتك بهدوء حاول تطلب السماح وترجع مرتك باه تولد فى دارها وربي معاك

[aymen01]

انت باين فيك مريض

يماها تعاون فيها و زيد ضاربها من فوق

تستاهل لي يجيك

[samy algerien]

انت درت كيما يعاون فيه في قبر امه وهو هاربلو بالفاس .
يا اخي عقليتك باينة جايحة وتاع ذراري . والله عيب عليك هذا ما نقلك .
اللقطة هذي ماشي تاع رجال .

[azera dz]

و الله امرك عجيب ..لكنك مثير للشفة مازلت تظن انك على حق ....المهم حلك الوحيد الاعتراف بالخطأ وانسى امر الشرط تماما هذا اذا كنت تريد عودت زوجتك ....بالمناسبة اقرا كتب حول التحكم بالغضب ...انت بحاجة اليه ...لانك في وضع لا تحسد عليه +++++ اقبل بتنازلات يعني يجب ان تكون ذكي لتعود زوجتك + شرطك غبي اقحمك في مشاكل خطيرة ...

[Chaima Queen]

انت راك غالط 100 بل 100 لانو ما فيها والو كي حماتك كانت تسقملك في الفرفة بالاك مرتك كانت عيانة و مقدرتش و ماماها تعاون فيها ما فيها والو هادي و انت كبرت الحكااية
اوسي العايلة تااع زوجتك كبروا الحكاية لانو مرتك عندها الحق كي تزعف بصح ما توصلش لانها تحرم ولدها من باباه
من الافضل انك تطلب السمااح و انت اوسي حاول تهدي الاوضاع و تصلح النفووس و ما تصبش الزيت فوق الماااء
و ربي اسهللك و يهدينا اجمعين

[سجل أنا جزائري]

انت الي غالط بزااف

وش فيها تجي والدتها تعاونها و خاصة كانت في شهر ثامن و زيد غرفة نوم خاصة بها أيضا كيفاش ما تدخلهاش امها ؟؟
اسمحلي شرطك ما عندو لا ساس لا راس

و زدت كملتها كي ضربتها رغم اانت اللي ضالم

عندهم الحق هذا درس ليك و هذي حاجة كبيرة ما همش هما اللي يكبرو فيها كيفاه تضرب زوجتك و هي حامل في 8 أشهر و قريب قتلتها

[الظل الخفي]

درك وقع الفاس في الراس كيما يقولوا

يا اخواني السيد يطلب مساعدتكم يقول ماذا أفعل ؟؟؟

صحيح غلط ، يطلب مساعدتكم بدل العتاب

[سفير الأيام]

راك غالط مليار في حقها ..........
واش من حق ليك كي تقنط ولية يماها مسكينة وواش من سبب لقاها في شمبرته ....... ياخي تبهدايل وزيد كانت ترتبله في قشه ياخي مرض

على الاقل راهي شفقت على بنتها هداك الشقى كامل يولي عليها وهي مريضة


روح داوي روحك خويا ...... وادا باباها رفض باه زوجتك تولي من حقه على جال احنا نحبوا نفوسنا برك وما نشوفوش للقدام

حاب نسقسيك

ثاني من واجب زوجتك باه نهار تجي يماك تقولها ما تقربيش للصالون
هاديك راني نتعب باه نرتبها وفيها خصوصياتي
لازم تريحي في الكوزينة

[orchid violet]

اطلب منها السماح اخي لانك غالط في حقها و لا حضر الكيار يتفاهمو ..

[sara 97]

اخطات وخير الخطآآون التوابون

صحيح شرط غريب للغايه لكن هاته امها اقرب شخص لها
وعاونتها لانها حاامل وهيا عندها الحق تغضب لانك مقيمتش قره عينها

واكبر غلط ضربها وهي ..

اهم شئ روح اعتذر منهم وفقط وادعي ربي يسهل لك

[jonegoma]

المشاركة الأصلية كتبت بواسطة مشكلتي

السلام عليكم
قبل 11 اشهر اعجبت بفتاة مرت بجانبي فسحرتني باناقتها وهدوئها فسئلتو عنها فزاد تعلقي بها بنت العز وبنت اصل
تزوجنابعد شهرين كان لي شرط وحيييييييييد اسراري لها وحدها ولا احد يدخل غرفة نومي وهدا من حقي
بيتنا مستقل كل اموري بخير ولله الحمد
شرطي اساسي ومستحيل نتخلى عليه
زوجتي حامل في شهرها الثامن دخلت منزلي وانا اقترب من غرفة نومي سمعت صوت لم اصدق كيف تعصيني
ووجدت زوجتي نائمة فوق السرير وامها نسيبتي ترتبلي في لباسي في الخزانة قالتلي سلام مرديتش وخرجت من الغرفة
لحقتني زوجتي شفت معاها باحتقار بعد ربع ساعة روحت والدتها
وجاء دور زوجتي رفعت صوتها وكانني ضالم كيفاه تعامل ماما هكا وكيفاه تهين والدتي وكيفاه وكيفاه قلتلها يا بنت الناس انا قتلك النهار لول واحد ميدخل شمبرتي من كلمة لكلمة وهي ترفع في صوتها صفعتها فاغمي عليها نقلتها للمستشفى فوضعوها في العناية المركزة ضغطها مرتفع انا كنت صاحب واجب كلمت والدها وجاء الى المستشفى كل عائلتها من اخوال اعمام كل العائلة وكلهم نضرات احتقار حتى عمها قالي يصرالها حاجة راك تسلك غالي
تحسنت حالتها وبقات 12 يوم في المستشفى دهبت ةقت الزيارة لم اجدها خرجت وراحت لدار والدها الدي منعني من دخول بيته وقالي نحكو في الطموبيل خير
حملني كل المسؤولية وقالي انا لست مستعد نخسر بنتي كي تغلط ارواح ليا انا قتلو ياعمي خلاص متكبرهاش ورجعولي مرتي رفض رفضا قاطعا حاولت نتصل بها جهاوها مغلق
علاه الضلم يحرموني من ولدي الي يتربى بلا اب ؟؟ هي خالفت شرطي ورفعت صوتها في وجهي ؟؟ هي كسرت شرطي ووالدتها تلمس ملابسي ؟؟ وبعد كل هدا انا ظالم

موقفك ليس برجولي وليس بانساني وشرطك بعدم دخول اي شخص الى غرفتك غريب ومبالغ فيه لاقصى درجة بلاضافة هده ليست غرفتك لوحدك انها غرفة زوجتك ايضا وكانت في حالة تتطلب ان تكون معها امها لمساعدتها وهدا شيء كلنا مررنا به امها كانت ترتب ملابسك اين المشكل تصرفك كان غير لائق وغير متحضر عليك ان تتعلم اولا اصول الضيافة واللباقة ورد السلام .المهم عليك ايجاد طريقة للمصالحة واعد حسابتك في شرطك الغريب الغير المنطقي .

[hodahodahoda]

يا اخي انت غالط اسمحلي
زوجتك حامل لا تستطيع لم ترغب ان تبقى حاجياتك غير مرتبة
طلبت من امها المساعدة او طلبت منها امها ان تساعدها في ظرفها هدا واش فيها
المفروض حتى و ان لم يعجبك الامر سلمت على حماتك و لما تدهب تكلم زوجتك في هدوء انك لا تريد ان يدخل احد غرفة نومك

ثم

هل ادخلت اي احد عندما كانت بصحة جيدة
انت تريد ان تخسر زوجة طيبة
صالح زوجتك قبل ان تندم و افعل المستحيل من اجلها هي لم تظلمك يا اخي