السلام عليكم هذه اول مرة نحط وصفة وان شهء الله تجربوها
الطبقة الاولى كاس عصير الاناناس الموجود في العلبة (اللي سعرها حوالي14الف)يعني مش الصغيرة الكبيرة نضيف عليه ثلاث كيسان عصير رامي كوكتال بين الاناناس و البرتقال(لازم هذا وممكن اناناس فقط اذا درتي واحد اخر مش راح يعطيك النتيجة المليحة) وكاس الا ربع نشاء(مايزينة)و كاس سكر تخلطي الكل باردين مليح ثم تحطيهم على النارقليلة مع التحريك المستمر بالفوي حتى تبدا تعمل فقاعات تنحيها وتصبيها في صحن زجاجي شفاف او مول فردية(coup) شفافة و نحط فوقو اناناس مقطع ندخله الثلاجة تبرد مليح ثم نعمل الطبقةالثانية اللي هي اربع كيسان حليب بارد كاس الا ربع نشاء كاس سكر ماء زهر(زوج مغارف كبار او اكثر حسب الذوق)و واحدصفار بيضة(يمكن الاستغناء عنها) و شوية فاني نحلطهم مليح باردين ثم على النار حتى يعقدو نصبهم فوق الخليط الاول اللي لازم يكون جامد والا يختلطو الطبقات ونزينو بدوائر الاناناس و اللوز ايفيلي وعلى الثلاجة ويقدم بارد
ملاحظات=لازم العصير المذكور
لازم الفوي
لازم الطبقة الاولى تجمد
ممكن تخالفي الطبقات اي تاع الحليب هي الاولى
ممكن تعملي اكثر من طبقتين بالتناوب لكن تاخدلك شوية وقت
الكمية تعمل ثلاث صحون
و الله تحفة في الذوق درتها كتحلية في ختانة ولدي و الله اكثر الحاضرين طلب الوصفة و في رمضان اللي فات في كل عرضات راجلي لصحابو نديرها و جامي يخليوها
( تقرير عن مشاركة سيئة )، و الموجودة أسفل كل مشاركة .
2013-02-16, 10:48
تحلية الاناناس بنة و همة
العرض العادي
