الجزء 167 من واش طيبتي اليوم ... ديما ساكنين في لاكويزين - الصفحة 26

مسلمة بالفطرة · 2016-07-30, 09:58

هاذي حلوياتي لعيد الفطرى جات متاخرة لانو التابلات كانت معطلة بسيف خدمناها زدت معاهم صابلي عادي بالمعجون لقهوة الحليب نتمنى تنال اعجابكم

lyzzabel · 2016-07-30, 10:15

السلااام عليكم و رحمة الله ،، كي راكم حبيباتي نتمنى قاع لاباس بصحتكم الصيف و البحر و برد الحال خخخخ .......راني على لي رهم فاكونس و العقوبا للي مازالو
بصحتكم قاع شا طيبتو و حطيتو راجعت كلشي و عجبني كلشي الله يبارك

مييمتي الحنينة ة الغالية مبروووك العرس على ولد اختك ربي يزين السعد و يرزق الطيب و العقوبا لقاع لي مازالو ربي يفرحهم ياارب و يعطيك الصحة على لي قاتو والله رووووعة سييغتو من يديك

حيووووتة الف مبروووووك يا الحبيبة ربي يثبت حملك و يكمله بالخير ياارب بصح نصيحة مني بعدي قد لي تنجمي على الماكلة تاع برا انا هادو يومين لي فاتو مت و حييت سخفت على المحاجب لي يتباعو كليت غي طرف صغير حكمتني آنتوكسيكاسيون و جرتلي معاها شحال من حاجة الحمد لله لي ستر عليا و على البيبي الحمد لله الحمد لله

جبتلكم شوية صور مالعرضة لي درناها لبنت اختي المرحومة الله يرحمها كي ربحت البيام ،، طبعا درنها في دارنا دك نحاول نحمل لي فوتو و نحطهم لوكان غي الكونيكسيون ما تهبلنيش راني من قبيلا نحاول ندخل

سبحان الله و بحمده سبحان الله العظيم

x ام رحاب x · 2016-07-30, 10:26

السلام عليكم ورحمة الله وبركاته
ليزاتي العزيزة عاش من شافك حبيبتي واش راكي واش راكي قريب حنونة وربي يسهلك يارب واش درتي فيها في العطلة كاش خرجات وربي يخليك حنونة ولعقوبة الي مزالو واش احوالك حنونة واش راهم لولاد

x ام رحاب x · 2016-07-30, 10:30

اهلا وسهلا لبنات الي كانو غايبين الكوزينة راهي فارغة تماما لبنات كامل فاكونس ربي يجيبهم بالف خير
ام امنية واش راكي كاش فاكونس ولا لالا
ام جوجو بصحتك التحويسة
ملك فردوس هادي غيبة حبيبتي واش راكي ام سدرة بصحتك عشاك ايشهي تسلم الايادي

انا هي رزيقة · 2016-07-30, 11:33

السلام عليكم كي راكم حبيباتي توحشتكم موووت ان شاء الله بالف خير يا عمري ليزاتي السكرة و ام رحاب لحنينة هنا نهاركن سعيد و مبارك عزيزاتي
ليزا العسل الف حمد لله كي تعافيتي من التسمم الغذائي و الله هذاك هو شبحي الاكبر كي ناكل برا نظل نحوس على مطاعم نظيفة حتى نعيي في راجلي مسكين ....خخخخ
ام رحاب الغالية الف مبروك على ولد اختك و القاطو و الله تحفة ربي يباركلك في دوك اليدين يا الفحلة عندي استفسار صغير واش تديرو داخل الطربوش ام هل يبقى هكاك فارغ

انا هي رزيقة · 2016-07-30, 11:38

مسلمة بالفطرة حياتي نبع الامل ام جوجو الفحلة حياة نور الدين حياتي كلها امل رزيقة 16 ام سدرة الجميلة مليسات ملك فردوس ام شيماء ام امينة ام ساجد وسيم ام لجين هيثم طالبة الجامعة نهاركن سعيد عزيزاتي و كل الغايبات بصجتكم العطلة . ايه تفكرت ام تازيري فتحت الكوزنية و راحت تصيف .....خخخخخ معليش بصحتك اختي عودة ميمونة ان شاء الله و لكل الغايبات

انا هي رزيقة · 2016-07-30, 11:45

ليزا العسل وين راهي العرضة راكي شهيتينا و رحتي معليش رانا في الانتظار و رايحة نسبقك نحط العرضة لي دارتهالنا بنت خالتي ربي يحفظها و يديم عليها النعم يا رب. هي فحلة و شاطرة مثلي طبعا ....خخخخخخخ حطتلنا شربة فريك و بوري بصوص الزيتون روعة مع حميس هذاك مشهورين به في العائلة ...و سلاطة و فخذ داند محشي بالكفتة طيباتو في الفور تفضلو حبيباتي

انا هي رزيقة · 2016-07-30, 12:12

و هذا عشانا البارح كلب البحر مع فريت و سلاطة و الحمد لله حمدا كثيرا مباركا فيه .مازال عندي صور بزاف بصح دوك راني مازلت عيانة من الفواياج اومبعد نحطهملكم حبيباتي تهلاو في ارواحتيكم

lyzzabel · 2016-07-30, 13:52

صح فطوركم حبيباتي و مأكول الهناااا

ميمتي الحبيييبة رديت عليك قبيبلا و ما بغاش الرد يفوت و حتى لي فوتو ما بغاااوش يتحملو والله هبلتني لا كونيكسيون حتى كرهت اففلف ،، المهم يسال عليك الخير و والأولاد يبوسو يديك ربي يخليك ليا

زييييكا زقزوووقتيي الحمد لله على سلاامتك نتيا تاني و بصحتكم العرضة تاع بنت خالتك ياسلاااااااااام كلشي يشهي تسلم الأيااااديي و عشاك ما نحكيش خير ياااااي بصحتكم يا الحبيبة

حقا ملااااااك فردوس هادي باينة بلي نعقلو عليك تأمني والله غي هادو ليام تفكرتك و قلت تكون زيدت ،، نتمنى تكوني بخيير نتيا و البيبي و مبروووك مازاد عندك طمنينا عليك غاليتي

مسلمة حنووونة لي فوتو تاوعك ما خرجوش للأسف تمنيت نشوفهم

نزيد نحاول مع التحميل حبيباتي

lyzzabel · 2016-07-30, 14:09

صورت غي ليسونسيال ما صورتش لي كوليس راكم عارفين يد تسربي و يد تصور

بسم الله

بدينا بالبركوكس يمييييي هي لي بغاته قالت ما تديروليش الطعام خخخخ ساعفناها و جا فييييييييلم و طبعا معاه الما و ليموناد باااارديييييين

lyzzabel · 2016-07-30, 14:12

و من بعد قدمنا القهوة و الحليب و الشاي مع لي قاتو و القريوش

lyzzabel · 2016-07-30, 15:14

و الحمد لله على نعمه العقوبا لقاع وليداتنا نفرحو بنجاحاتهم و تفوقهم في حياتهم ياااااااااارب

حبيبة قلبي ام اسلاام شفت سؤالك على المول لي درت بيه المقروض من بعد نصوره و نحطهلك تشوفيه مع اني سييييير تكوني شايفاته ،، اما الوصفة درت تاع الغالية على قلوبنا ام انووووس ربي يرجعها بخيير توحشناها بزااااااف بزااااف ،، و حرفت فالوصفة طبعاااا

نخليكم في لامان حبيباتي و الى الملتقى بحول الله

لا إله إلا الله وحده لا شريك له له الملك وله الحمد وهو على كل شيء قدير

انا هي رزيقة · 2016-07-30, 16:22

ياي ليزا بركوكس و عليه لكلام سخفتيني مام سي السخانة تقتل....خخخخخ ربي يبارك في اليدين لي دارتو و مبارك على بنت اختك اابيام لعقوبة للباك تفرحوها بيها كي اليوم ان شاء الله و تحطيلنا بركوكس اخر ...خخخخخ ربي يخليكم ليها يا رب العالمين ويسكن امها فسيح جنانه امين با رب العالمين

انا هي رزيقة · 2016-07-30, 16:28

انا قعدت مع روحي نخمم في حاجة منعشة حتي جاتني فكرة درت كوكتيل غلاص فانيلا مع خوخ و حليب جاني اممممممممممممم تم الصح و الله انتعشنا فعلا و الحمد لله تفضلو لبنات راهو في خاطركم

ايمان يمن · 2016-07-30, 16:44

الله الله عليكم ما شاء الله عليكم.فحلات ربي يبارك وربي يحفظكم.
العيش والقاطوات تحففففففففففففففة