موضوع مميز الجزء الثالث من وصفات حراير واش طيبتي اليوم - الصفحة 24

idron0 · 2016-05-26, 18:58

معالجة الكاوكاو انتصار فاطنة

الكاوكاو حطيه يفور فوق ماء فيه عطر اللوز المر وابراج القارص حتى يولي شفاف ومن بعد اتركيه يبرد فوق ورق ماص وكل مرة بدلي الورق حتى ينشف من الزيت تاعو ومن بعد ارحيه
انا هنا في كل 2 كيلو كاوكاو ندير قرعة صغية اكستري لوز مرة ووحدة حلوة وعلبة فاني هذي الاضافة من عندي.

اريج 07 · 2016-05-27, 11:21

تحية الفراولة ام سدرة

حبيباتي الوصفة ساهلة وبسيطة درت طبقة قاطو ساك مرحي ماشي رطب خليه شوية خشين وطبقة فراز مرحي مع عصرة ليمون لي تحب تزيد سكر انا ما درتش وطبقة باطة ياغورت و4 مغارف كبار شونتيي وطلعتهم وتكملي الطبقات حتى الأخير

اشرقت نفسي · 2016-05-28, 14:01

الله ابارك في رزقكم

اريج 07 · 2016-05-28, 21:48

بطاطا كوشة للبرنسيسة

بالنسبة للباطاطا كوشة تاعي منيش عارفة واش عجبكم فيها
انا نقطع الباطاطا دوائر و نحطها شوية تفور في كسكاس لو تكمل نص طياب نخليها تبرد و نقليها فالزيت و نحطها فالمول و بعدها نوجد الصوص ندير فيه البصل و الطماطم و الثوم و التوابل كل وحدة واش تحب و نديرها ورقة رند وسكالوب و لا دجاج او لحم او فيونداشي لي تلقايه هداك هو ومام بالحوت ممممممم تجي تهبل
و تاني نقلي جزر نقطهو دوائر و نقليه و لو تكون متوفرة جلبانة نحط حبات لانو يعجبني الدوق تاعها
نقلي كل شيء مليح و نمرقهم غير شوية مانديرش بزاف ماء لانو اصلا باطاطا طايبة و نصفي المرق من البصل و غيرو و نخلط فيه زوج حبات بيض و اللحم لي حطيت نجبدو و نقصهم اطراف صغار
و ندخلو للفرن لما ينشف كامل من الصوص نطلعو من فوق حتى يطيب و بعدها نقصو اطراف و نقدمو

jia-smile · 2016-05-29, 00:10

راني نحوس على وصفة موسكوتشو بالقارص ممبعد تسقيه بالشاربات شفتو هنا وراحلي شكون شافتووو
بارك الله فيكم

idron0 · 2016-05-29, 17:31

وصفات مصورة lahna moka

قاطو النمرة تاع اسمهان دارتها ام ثازيري مصورة ربي يجازيها

إضغط هنا لرؤية الصورة بحجمها الطبيعي.

هاذي قاطو الطبقات لعطورة بصح هي غلطت فقط كي كتبت كاس عسل و كاس سكر, هي كانت حابة تقول كاس عسل أو سكر و صراحة أنا نقصت من العسل درت غير نص كاس لاخاترش مع المربى تزيد الحلاوة

إضغط هنا لرؤية الصورة بحجمها الطبيعي.

و هاذي وصفة الفرماج و أنا جاني عاقد زدتلو شوية ما و خليتو يبرد جا روووووووعة

إضغط هنا لرؤية الصورة بحجمها الطبيعي.

idron0 · 2016-05-29, 19:56

تحلية بالفلون ام رحاب

وجدت 2 علب الفلون وحدة فاني وحدة شوكولا و2 علب كل وحدة قيس نص ريتلا يعني بايط صغار ووجدت القاطو عادي حبيتي بيمو او القاطو هاداك الرقيق
في السنيوة حطيت كمية من الفلون وخليتو شوية كي بدا يجمد حطيت القاطو في جو تاع رامي وحطيتو فوق الفلون حتان كملت الطبقة وزدت فرغت عليه الفلون الباقي وادخلتو للفريجيدار امبعد طيبت الباطة التانية وكي شدت زدت شوية فلون وزدت القاطو الي شمختو في الجو وكملت الطبقة التانية كي كملت الطبقة التانية دخلتو للفريجيدار امبعد وجدت الطبقة الثالثة بالجو تاع رامي درت نص ريتلا ودرت 2 مغرف مايزينة وطيبتو امبعد حطيتها في الاخير والتزين الي عندك انا كانت قعدتلي شوية شونتي حطيتها وشوية مكسرات وخلوها تبرد مليح وشهية طيبة.

idron0 · 2016-05-29, 20:22

المشوشة ام حسام

ضربي 8 بيضات مع قرصة صغيرة ملح مليح مليح ثم زيدليهم 4 ملاعق كبار سميد رقيق و زيدي ضربي ثم زيدي باكي خميرة و زيدي ضربي .ثم ارمي الخليط في مقلاة تيفال فيها حوالي 4 مغارف زيت و مسخنة فوق نار قليلة جدا و غطيه . كي تحمار القرصة من الجهة السفلى قلبيها فوق الجهة الثانية . راهي مطولش تطيب عسي عليها ومتروحيش بعيد.

إضغط هنا لرؤية الصورة بحجمها الطبيعي.

ملاك ملاكي · 2016-05-29, 22:56

في ميزان حسناتك اختي والله سهلتيها علينا والله انا شخصيا وليت ندخل لموضوعك باه مانتعبش في البحث
ربي يسهلها في وجهك كي سهلتيها علينا
مشكوووووووورة اختي

idron0 · 2016-05-30, 05:31

القراتان الظريف lahna moka

قليت حبات بطاطا و ستفتهم في مول القراتان فالقاعدة و الحواف و درت فرماج مقطع
و في مقلاة درت فيونداشي قليتها مع شوية بصل مقطع و شوية ثوم و قصبر مقطّع و تبلتها بالملح و الفلفل الاسود و خليتها تتقلى شوية ثم زدتلها حبة طوماطيش مقطعة و رشة كمون و خليت الكل حتى تقلى مليح و نشف
كنت رايحة ندير صوص بيشاميل و عجزت ههههه
كسرت بيضات على الخليط و قليتو و حطيتو فوق الفرماج و زينت بحبة زيتون .

idron0 · 2016-05-30, 05:57

طريقة معالجة الاواني الفخارية lahna moka

إضغط هنا لرؤية الصورة بحجمها الطبيعي.

فرج قريب · 2016-05-30, 08:35

نقدر نشارك في وصفات بلا تصاور

جنة الفردوسْ · 2016-05-31, 10:42

اقتباس:

المشاركة الأصلية كتبت بواسطة فرج قريب

نقدر نشارك في وصفات بلا تصاور

صباح النور اختي..حطي برك المهم نستفادو

جنة الفردوسْ · 2016-05-31, 10:43

صباح النور اخواتي يعيطكم الف عافية على الوصفات...وشكر خاص ل idorno على مجهودتها جعلها الله في ميزان حسناتك ...

idron0 · 2016-06-07, 16:33

لبيني اريج 07

درت كاس و نص فرينة و ملعقة سكر و ملعقة صغيرة خميرة الخبز و ذرة ملح و ديري نص فنجال صغير زيت خلطيهم و لميهم بالماء الدافئ لمي برك متعجنيش و خليها تطلع كي تطلع طبعيهم و خليهم 5 دقائق و اقليهم في الزيت سخون كي تكوني تقلي فيهم لوحي عليهم الزيت بالملعقة باه يتنفخو و كي يطيبوا عسليهم انا مالفة ندير زوج فوق بعض و ندير بيناتهم الكونفتير .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.