بكالوريا 2015

[مشكلتي]

انا فتاة عندي بكالوريا هذه السنة من مواليد 1997 . ماعلاباليش علاه منحبش نقرا
نخرج على 5 من الليسي مع العلم الليسي بعيد على الدار نحكم 15 دقيقة و سعات 20 نروح للدار نلقا الشغل تاع الدار يستنى فيا نغسل لماعن و نزيد نروح ندير ليكور على 6 نخلص على 7.30 نروح نرقد
مقدرتش نحفظ مقدرتش نراجع
يغيضني بابا مسكين كي يجي يديني فليل من ليكور في البرد
و تاع دارنا كرهولي حياتي يما تجي تقولي هديك الطفلة اي خلصت لخفاظا و نتي مزال مبديتيش
و الله نبات نبكي المعنويات في 0
مقدرتش نحبس الفيس بوك
و زيد شويا مشاكل في الدار مأثرين عليا يما و بابا يظلوا يداقو و مبعد هوما يرجعوا يهدروا نرمال و انا نبات نبكي
انا حابا ننجح السنا و نفرحهم
انصحوني تعيشوا
نعتولي كيفاه نظم وقتي

[سلسبيل الخميسية]

عليك بالدعاء والعزيمة الله يعاونك

[أم شروفة]

المهم حطي راسك في القسم .درسنا وفي وقتنا ما عندناش الدروس الخصوصية.و حبذا لو توقفي الفيس بوك.كي تنجحي اشبعي من الفيس بوك .ادرسي المواد العلمية لأنها تأخذ وقت
ومازال الوقت باكر على اليأس.احفظي للنجاح في الموسم وفقط انزعي البكالوريا من رأسك .قولي المهم ناخذ المعدل كذا هذا الفصل .وربي ينجحك

[amoros]

انت مشكلتك لا تحتاج الى مقدمه او تبرير اسمها الفيسبوك مدمر العائلات هادم السعاده ابتعدي عنه سوف ترين العجب

[أم احمد3]

لا تجعلي عقلك الباطن يكره الدراسة والحفظ وانما. افتحي قلبك وحبك للدراسة تنفتح معه الشهية للمراجعة. وايضا لديك وقت كاف للدراسة والمشي مفيد لك واعمال البيت ايضا مفيدة. احبي كل حياتك واحبي ابوك وامك ايضا. ابدى. من الان حب كل شي سينفتح قلبك للدراسة. الحل. يدخل منه كل شي جميل. احبي حياتك د منلا القلب هو مفتاحك

[كلنا راحلون]

مقدرتش نحبس الفيس بوك.هادي مشكلتك تخلصي منها

[samsoma bac]

سلام اختي لازم تشوفي حل مابقاش للباك انا تاني طالبة بكالوريا ومتخمي حتى فعبد هدا عامك ادا منجحتيش لا قدر الله انتي لي راح تندمي طول حياتك
والديك رح تغيضهم صح بصح بعد يوم ولا يومين ينساو نتي لي رح تجيبي حياتك كامل ونتي تخمي علاه ماقريتيش هوما عاشو ياتهم وداروا مستقبلهم خمي في عمرك
وابداي اقراي والفيسبوك ادا مدمنة بدرجة كبيرة افتحي نهار الجمعة ولا السبت ساعتين
ووفقك الله

[زهرة الحديقة]

السلام عليكي اختاه لقد وجهتوا مشكلتكي الى اختي هيا طبيبة نفسية جيدة تنصحكي بي
اولا عليك التحدت معا امك ان تصبر عليكي من اعمال البيت وان لم تكوني لاتستطيعين لكل واحد ضروفه عليكي ان تقومي بسباق مع الوقت في الاواني 5 ددقائق اوا 8دقائق على الاكثر ايضا لاتنسي انا عندما تكوني مروحة ازربي كاينة حاجا تسنى فيك ديرها
هكاك حتربحي شويا وقت زيدي ولو 10دقائق زيدي حلي واجباتك ولو تمرين ولا 2
ثانيا كي تجي على 7.30 الفايس بوك باه تنسايه دريه و الاخير خلاص كي تجي حترقدي هكاك تغلبي وتكرهي منوا
ثالثا بالنسبة للنوم الانسان باه يدي كل الطاقة تاع جسموا لازم يرقد 8 ساعات ترقدي على 8 تنوضي صباح على الرابعة تعاودي تمارين ولا تحفضي هدا يولي ليك
شكرا اختي اتمنى لكي التوفيق

[naamane3]

فيس بوك سبب كل المشاكل
والغالب انك تحدثين الشباب
يعني راكي في ضياع
اقطعي هاذ الفيس بوك
وتحولي الى الدراسة
وكي تقطعيه عليك بالعزم والارادة
والعزم والارادة ينبعان من ذكر الله
وافضل ذكر في حالتك هو الاستغفار
استغفري الله كثيرا واعتبري الباكالوريا في جيبك

[amoros]

حرمي الفيسبوك و طيعي باباك وماماك ولا تجعلي لهما ندا تنجحي في الاولى والاخره

[الجميلة انا]

كلها اعذار تخدعين بها نفسك اقراي و الفايس بوك و اللعب بعد النتيجة ان شاء الله فكري في عايلتك انتي اللي تحددي مصيرك القرار بيدك تحكمي في روحك

[الدكتور شهاب الدين]

ليس السبب في الانترنت أو الفـايـسبوك ... السبب في الرغبة في الدراسه لا غير ...

[rafif.ra]

عذر أقبح من ذنب...سامحيني ختي لاكان ردي قاسي بصح نقولهالك افطني راكي راقدة في قشك..و تزيدي تقولي الفيس بوك من فوق يا ربي ما فهمتش لحد الآن علاه لبنات كامل هابلين و مدمنين عليه لهاذ الدرجة...تافه و معمر توافه .. و ما تقوليليش كاينين حوايج نستفاد منهم فيه بويسك مكانش غير الفيس بوك في النت

و ما ديريش اعذار المشاكل...ياما شفنا طلاب عاشو ظروف صدقيني ما تتخيليهاش و كانو هوما الأوائل و حققوا نجاحهم عادي خلاص
و ليكور تاع 6 حاولي تبدلي وقتهم لانو ميش مناسب تماما ..تكوني ديجا تعبانة من القراية طول النهار في الليسي و ما يكونش استيعابك جيد للتمارين و تزيدي تروحي تعبانة ما تقدري تقراي والو..دونك الاحسن بدلي وقتهم
المواد تاع الحفاظة اقرايهم الصباح بويسك على حساب هدرتك في الليل ما تقدري تحفظي والو...و المواد تاع الفهامة اسهري معاهم كي يرقدو و يكون الهدوء اقراي رياضيات و لا علوم ولا فيزياء..
هذا رأيي...اقراي اقراي اقراي و على قد ما تقراي قولي قليل..صدقيني لازم تغيري وضعك هذا و مزال الحال و تستدركي كلش ان شاء الله
بالتوفيق

[rafif.ra]

عذر أقبح من ذنب...سامحيني ختي لاكان ردي قاسي بصح نقولهالك افطني راكي راقدة في قشك..و تزيدي تقولي الفيس بوك من فوق يا ربي ما فهمتش لحد الآن علاه لبنات كامل هابلين و مدمنين عليه لهاذ الدرجة...تافه و معمر توافه .. و ما تقوليليش كاينين حوايج نستفاد منهم فيه بويسك مكانش غير الفيس بوك في النت

و ما ديريش اعذار المشاكل...ياما شفنا طلاب عاشو ظروف صدقيني ما تتخيليهاش و كانو هوما الأوائل و حققوا نجاحهم عادي خلاص
و ليكور تاع 6 حاولي تبدلي وقتهم لانو ميش مناسب تماما ..تكوني ديجا تعبانة من القراية طول النهار في الليسي و ما يكونش استيعابك جيد للتمارين و تزيدي تروحي تعبانة ما تقدري تقراي والو..دونك الاحسن بدلي وقتهم
المواد تاع الحفاظة اقرايهم الصباح بويسك على حساب هدرتك في الليل ما تقدري تحفظي والو...و المواد تاع الفهامة اسهري معاهم كي يرقدو و يكون الهدوء اقراي رياضيات و لا علوم ولا فيزياء..
هذا رأيي...اقراي اقراي اقراي و على قد ما تقراي قولي قليل..صدقيني لازم تغيري وضعك هذا و مزال الحال و تستدركي كلش ان شاء الله
بالتوفيق

[طموح متجدد]

حاولي تنظيم وقتك و إعطاء كل شيء حقه و تخلصي مما قد يؤثر سلبا على دراستك ، فالأولوية الآن لتحضير للبكالوريا