مشكلتي اخي

[مشكلتي]

السلام عليكم أخي يريد الزواج بفتات غريبه عنا حاولت رفض هته الفكره لكنه يريدها يحبها بجنون هيا من بلد أخرى وأنا لا أتقبل هته الحياه مع الغرباء خصوصاً أن تعليمها متوسط وأنا انهيت الدكتوراه كيف أتعامل معها مع الفارق العلمي درك واش ندير باش نتخلصوا من هته الكابوس ارجوكم

[ما وراء الطبيعة ؟؟؟؟]

مبروك لأخيك انا في رايي انه رجل حقيقي وناضج لأنه لو كان تزوج من الجزائر لطفرت فيه

لا دخل لكم في حياته وهل ترضين انت ان يتدخلوا في حياتك

والله انا من اشد المدافعين على الزواج من الأجنبيات

للأسف بنات الجزائر شروط خيالية وكي تجيبها تكرهلك حياتك

[عاصمة الضباب]

السلام عليكم،من أين لك بهاته الفلسفة اختي،لو قلتي أخي أنهى الدوكتوراة وهي تعليمها متوسط لربما وافقتك لكن إن تدخلي مستواك التعليمي في زواج أخيك هذا أمر غريب كيف استطعتي الربط بين الموضوعين،اصلا ماذا ستستفيدي أنت إن تزوج نابغة هو من سيتزوج لست أنت وزاد المرأة الحقيقي يكمن في دينها ومعدنها إلا إذا كنت تقصدين انه سيتزوج بغير مسلمة.هذه الفتاة لا أظنها ستكون مخلوقا غريبا من كوكب آخر لا تعرفين عنه شيء هي إنسانة حالها من حالك حوالي والوقت كفيل لأن يذيب الجليد بينكما والعشرة وحدها القادرة على كشف الإنسان الطيب من غيره
عموما شكواك كانت مبهمة بالنسبة لي ولا تتأسس على مشكل معين،أنت قدمي النصيحة لاخيك وقدمي له حجج مقنعة تجعلك لا تتقبلينها كفرد من أسرتك وإن لم تتمكني من إقناعه بالعقل ليس بيدك فعل أي شيئ.

[sohaibdz]

هو اللي راح يتزوج بيها ولا انتي ؟!!! خافي مولاك خلي السيد يكمل نصف دينو
فهميني برك واش دخل الشهادة تاعك في زوجة خوك ؟ اذا معجبتكش متهدريش معاها و خلاص

[hanan7]

من رأيي اتركي اخوكي بحالو هو حر بمين يتزوج وشكواكي مبين أنها غيره لا اكتر ولا اقل ههه

[ام رضوان]

الله يبقي علينا الستر
يخي اخوك اللي رايح يتزوج ولا
انت واش دخلك في حياتو
كون جيتي امه هي اللي تشكي نقولو امه بصح اختو !!!! راهي ماتدخلش الراس
اذا الطفلة مسلمة وتخاف ربي خلوه يتزوج وخلفولو الطريق
وانت ثاني شوفي حياتك وادعي ربي يرزقك بدكتور كيفك وعيشي معاه كيما تحبي وتشتهي
اسمحيلي نقولك هذا يسمى تكبر واستعلاء
المتكبر يحشرو ربي مع ابليس ومايشم ريحة الجنة باه يكون في علمك اختي
ربي يهدينا ويهديك اميييين

[أم أماني أريج]

دكتوراه و موضوعك مملوء بالأخطاء الإملائية !
الظاهر أنت لي تعليمك متوسط ........
على العموم إذا كانت مشكلتك حقيقية فعالجي قلبك و اجبدي روحك عن حياة أخيك فهو إنسان مستقل عنك و يعرف واش يخرج عليه .......و للأسف الشديد معظم مشاكل البيوت الجزائرية هي نتاج عدم معرفة حدود حرية الأشخاص فيها ........ربي يجيب الخير !

[خالد عنابي]

ما عندك ما دخلك

هو راجل وحر في حياتو

وهو القوام عليك وليس انتي القوامة عليه

اعرفي قدركي وانتهي عن هذا السلوك

[khatraoui]

واش دخلك فيه شكون لي راح يتزوجها نتا ولا هو

المشكل فيك ماشي فيه دوك علي جال التكبر و النيف ديالك راح تخسر خوك

[طيور الجنان]

اختي لكن اخوك حر يتزوج بمن شاء اذا كانت مسلمة حتى وان كانت من كوكب اخر و اعجبته باخلاقها فالمستوى لا علاقة له بالزواج و خاصة مستواها بالنسبة ليك !!!!! واش راح يبدل و هل تظنين انها لو كانت دكتورة لاتفقت معاها!!!!! يجي النعار و تتزوجي و خيري الدكتور ولازم تكون لوستك دكتورة و الا ماش راح تتفقي معها.

[قدور بن عاشور]

صعبة أن تتزوج من فتاة، و تعيش في نفس البيت مع أخوات لك عازبات أكبر سنا من زوجتك.

[عثمان الجزائري.]

من كلامك آنستي فهمت بلي ناويا تبقاي في داركم لا زواج و لا هم يحزنون تبقاي غير تعسي في مرت خوك، المهم الدكتوراه يا بنت الناس راهي في الأخلاق و الثقافة في التعامل مع الناس موش في إحتقار الناس و التعالم هو دليل على جهل صاحبه و كيما ديتيها في القراية هي تديها في حاجة خلاف يمكن تلقايها متدينة عليك و بشوشة عليك و فحلة عليك هذا من جهة و من جهة أخرى يمكن أنوا خوك أصلا قادر ما يستاهلهاش و أظن أن أهلها كي سقسيو و يلقاوك أختوا يبطلوا ما يمدولوش و زيد لو أطربتينا بتخصص الدكتوراه تاعك يكون أفضل و لا أستبعد أنه من نوع بلا بلا بلا كوبي كولي و روح دير publication.

ربي يعيني على هاذ الفيصلة

[ALHIKMA]

وااااااااااااااااااااااااااااااااااااااااااااااااا ااااش دخخخخخخخخخخخخخخخخخخخخخخخخخخلك فييييييييييييييييييييييييييييييييييييييييييييييييي ييه

[طموح متجدد]

هذه المشكلة مفبركة ، و الدليل الأخطاء الإملائية ، لا علاقة لكِ أو لكَ بالدكتوراه ، يا هذه أو يا هذا ، بركاو ما تتمسخروا بنا

[الرميصاءْ]

راكي تغاري منها قبل ماتجي عروسة
انعلي الشيطان هذ الزواج مايهمكش خوك رايح يعيش مع مرتو ويسكنو وحدهم وادعي ربي يرزقك زوج كيما هي وبعدي على المشاكل لي راكي تخلقي فيها بدون سبب