طورطة البضنجان والبطاطا بالليمون

[Oum Mohamed123]

السلام عليكم
كانت اخت طلبت مني هد الوصفة واليوم راح نقدمهالكم بالتفصيل وان شاء الله تجربوها لانها لذيذة خاصة مع ذوق الليمون تجي هايلة نبدا بسم الله مع المقادير
نصف صدر دجاج.باذنجان.بطاطا.حبة بصل اوشلوط.2سنات ثوم.4بيضات او اكثر حسب كمية الباذنجان والبطاطا والمكون السري هو الليمون[


البطاطا نقسموها دوار ونملحوها ونقليوها



في نفس الوقت نقطع البصل ونقليه في شوي زيت


ونزيدوا عليه سكالوب اللي كنا قطعناه مكعبات






وبعد مايتغير لون الدجاج نتبلو بالملح.فلفل اسود.كسبر .والثوم






بعد ماقلينا البطاطا نقشروا الباذنجان ونقطعوا دوار ونعصر عليه الليمون ونحك كل الدوائر مليح بالليمون باش مايتغيرش اللون وتاني يمد ذوق رهيب

بعد مايتقلى الباذنجان نحطوه في كسكاس يقطر ونعمسوا عليه بالمغرف






بعد ما وجدنا كامل المقادير


نستفوا البطاطا فالمقلة اللي فيها شوي زيت باش ماتلسقش ونزيد الباذنجان وبعدو الحشو.انا مرات نزيد فرماج قطع ومرات لالا .نعاود نحط الباذنجان ثم البطاطا ونكون ضربت البيض مع قرصة ملح نفرغ عالمكونات ونقصوا النار لازم تكون هااادية كنحرك المقلة وتكون الطورطة تلعب يعني طابت نقلبوها بالشوية.نقولكم طريقتي نسيي نفوتها للمغلاق تاع المقلة بلا مانقلبها ومبعد نقلب المقلة اللي تكون فارغة عالمغلاق اللي فيه الطورطة ونقلب ان شاء الله تكونوا فهمتوا خاطر طريقة ناجحة .وترجعوها فوق النار تكما طيابها وتقدموها في طبق التقديم








وهاهي جاهزة


وراح تتحصلوا على الذ طورطة باذنجان بذوق الليمون






نتمنى تجربوها وتعجبكم .هد الوصفة تصلح طبق جانبي للضياف وتصلح كطبق رئيسي مع سلطة للعائلة

[&ام ايوب&]

يااااااااه يا ام محمد من الصبح وانا نحوس على وصفات الباذنجان
يعطيك الصحة

[حياتي نبع امل]

اممممم جوعتيني .بارك الله فيك هااايلة

[اسيل الباتول]

اممممممم تشهي اكيد نجربها
بوركتي اختي ام محمد

[mosta*limoges]

أمممم ماشاء الله يعطيك الصحة

[faci samia]

امممم بصحتكم أختاه تشهي فعلا جزاكي الله خيرا مش قتلك شاف بصح اني نستنى في وصفات الحلويات وقيل نسيتيني كامل ورحت من بالك . ربي يعينك أختي وسلام.

[ابني نور عيني]

اممم جاتك هايلة بصحتكم

[nihal159]

أمممممممممم؛ هذي هي لي قلتلك عليها؛ ربي يحفظك و يحفظلك وليداتك لأنك حطيتي الوصفة ومانسيتيش؛ بارك الله فيك؛ أنا نموت على البادنجان؛ بصح مافهمتش البادنجان بعد مانقلوه نعبزوه بالفرشيطة يولي مهروس ولا نستفوه دوائر فوق البطاطا

[om wafaa]

يعطيك الصحة

[faci samia]

مشكورة ام محمد وبارك الله فيكي وجعله في ميزان حسناتك.

[paloma.laila]

hayeeeeeeeeel

[جنة الفردوسْ]

خفيف ظريف ومن فوقها تشهي يم يم يم....يعطيك الصحة

[MERIOUMA ZINA]

جزاك الله الف خير وجعلها الله في ميزان حسناتك

[Sii]

امممم تشهي يعطيك الصحة

[sali kanouza]

بارك الله فيك ام محمد على الشرح والصور الرائعة احلى تقييم لعيونك حبيبتي