رفيس الملاوي وبكميات كبيرة لمن تريد الوصفة تتفضل من مطبخنا**رائع جدا

القبطية · 2014-06-05, 22:12

السلام عليكم ورحمة الله وبركاته
اليوم ارتأيت الي وضع هذا الموضوع والمتمثل في طريقة الرفيس وكما يسمونه في الشرق رفيس الملاوي
ماما هي الي راهي تعمل فيه
اولا المقادير نفس الي نخدمو بيها مسمن ولكن لازم تكون مدلوكة ونخليوها العجينة شادة روحها مانطلقوهاش حتى تكون مرخية كما المسمن الي رانب حطيتو من قبل موضوع
اولا نحتاج سميد رطب وملح وماء وندلكوها
نحتاج زيت ومرغرين للخبز المتمثلة في مرغرين توريق صالحة ممجزوجة مع لابال (الاولى نحتاجها للتوريق والثانية نحتاجها للذوق ماما تحب ذوق اونا ولاكن هنا رانا نستخدمو لابال)

اولا بعد مانعجن العجين نخليه يرتاح 15د ثم نقرصو بنفس الوزن

نخبزو بالوحدة نحتاج 5 كويرات للخبزة الواحدة باش يجي مورق

ونخبز بهدا الشكل يعني عادي

كويرة بعد كويرة ونحط بين كل وحدة واختها مزيج الزيت بالمرغرين ومنكثروش لانه بعدما يوجد ونفوروه ندهنوه

كي نكملو 5 كويرات نتحصلو على هذا الشكل

ضرك نزيد نخبزها من الاطراف وشوية من الوسط اهم شي الاطراف لانه بعد مانرفدها باش نحطها في الطاجين تتسرح من الوسط

الى الطاجين مباشرة

كي يدخلها الطياب نرش شوية زيت شوية برك مانكثروش

بعدما نقلبوه

وكي يطيب من الجهتين

هنا انا نقوم بهذه المهمة ......بعد ذلك نقطعو بيدي

الي الروبو مباشرة سرعة 2

مايخدش وقت بزاف

مع اخوانه مباشرة

وهنا الشكل النهائي

واخيرا بعد ما كملت ونظفت الحالة

وهكدا كي يوجد تقدميه للضيوف .اولا تفوريه وتدهنيه بمرغرين اي نوع حبيته انا نستعمل *اون*ا للدهن نكون مذوبتها ونحط معاها زبيب فاير ايضا والشباح من الفوق حلوة الترك وسكر غلاصي او عسل ويقدم مع مشروبات او قهوة كما تحبو

واخيرا ان شاء الله نكون وفقت في الشرح ودعوة خير للوالدة يحفظها ربي
ونتمنى تجربوه راهو ساهل برك انا كثرت الصور للتوضيح
في امان الله

lahna moka · 2014-06-05, 22:19

ممممممممم حبيبتي رووووووووووعة رووووووووعة
حنا بالقبايلية نسموه ''أفتسث'' سلمت يداك حبيبتي و جعلها الله في ميزان حسناتك
ربي يحفظلك الوالدة و يديمها فوق راسكم يا رب

أم التوأم · 2014-06-05, 22:25

الله يبارك أختي القبطية ويبارك في الوالدة الكريمة الله يحفظها شهيتيني ممممممممممم هايل لكن قوليلي يا أختي أنا معنديش الروبو كيفاش نرحيه ولا نقطع غير كيما درتيه

القبطية · 2014-06-05, 22:32

اقتباس:

المشاركة الأصلية كتبت بواسطة أم التوأم

الله يبارك أختي القبطية ويبارك في الوالدة الكريمة الله يحفظها شهيتيني ممممممممممم هايل لكن قوليلي يا أختي أنا معنديش الروبو كيفاش نرحيه ولا نقطع غير كيما درتيه

ترحيه في حاجة اسمها طابوري ويشبه في شبيكة نحوس صورة تاعو ونحطهالك

أم ياسين الزهراء · 2014-06-05, 22:26

اممممممممممممممم هايل اول مرة نشوف هدي الطريقة يعطيكم الصحة

قوليلي العجين اللي داخل يطيب مليح

القبطية · 2014-06-05, 22:33

اقتباس:

المشاركة الأصلية كتبت بواسطة أم ياسين الزهراء

اممممممممممممممم هايل اول مرة نشوف هدي الطريقة يعطيكم الصحة

قوليلي العجين اللي داخل يطيب مليح

يطيب وكما يحب خاطرك والله ماشا الله راكي تشوفي فيه كامل على لون واحد كما الدخلاني كما البراني

ام سهام 02 · 2014-06-05, 22:29

يعطيها الصحة الوالدة ونفس طريقتنا

بارك الله فيك

soha1987 · 2014-06-05, 22:30

انا مانعرفوش هدا لي نعرفو الزيراوي نتاعنا نطيبو بالوحدة ونفوتوه فالسيار الخاص بيه ونديروه كيما قلتي جامي سمعت برفيس الملاوي
بصحتكم قبطية

سميحة 01 · 2014-06-05, 22:31

امممم هايل يعطيك الصحة ربي يحفظ الوالدة و يخليها فوق راسكم يا رب

القبطية · 2014-06-05, 22:35

اقتباس:

المشاركة الأصلية كتبت بواسطة lahna moka

ممممممممم حبيبتي رووووووووووعة رووووووووعة
حنا بالقبايلية نسموه ''أفتسث'' سلمت يداك حبيبتي و جعلها الله في ميزان حسناتك
ربي يحفظلك الوالدة و يديمها فوق راسكم يا رب

اقتباس:

المشاركة الأصلية كتبت بواسطة ام سهام 02

يعطيها الصحة الوالدة ونفس طريقتنا

بارك الله فيك

اقتباس:

المشاركة الأصلية كتبت بواسطة soha1987

انا مانعرفوش هدا لي نعرفو الزيراوي نتاعنا نطيبو بالوحدة ونفوتوه فالسيار الخاص بيه ونديروه كيما قلتي جامي سمعت برفيس الملاوي
بصحتكم قبطية

اقتباس:

المشاركة الأصلية كتبت بواسطة سميحة 01

امممم هايل يعطيك الصحة ربي يحفظ الوالدة و يخليها فوق راسكم يا رب

شكرا للمرور نتمنى تجربوه هو رائع جدا مذاقه لايقاوم خاصة مع حلوة الترك