لحبي الفورش وخصة لي وعتهم أم ضحى و كرااميلا85

[crono]

السلام عليكم
السلام عليكم اخوتي و بعد الصلاه و السلام علي الحبيب المصطفي
صلوا عليه و سلموا
كنت رايت طلبات العضوات الراغبات في تعلم الكروشي بي الفورش و تنشيط هاد القسم الي اصبح بي ورشة بي كل للون ههههه
و بما اني نعرف هاد صنعة لي علمتهلي جدتي الله يرحمها قلت نتعاونوا و نديروا كوراج لبعضانا و نخدموا كيف كيف لانوا انا تاني لو مانلقاكمش خدامات و فحلات و حراير اني نتفنين
وان شاء الله لي نعرفة نعلمهلكم
والله انا نحب هذي الخدمة وبكري ماما وجدة الله يرحمها كانو يخدموها بصح مع مرور الوقت تخلاو عليها
بصح عاودت رجعت وبطريقة مودارن ولاو يخدمو بيها صدور بالدبلة
وليشال ولكن جهازي اللي كنت نخدم بيه اختفة خف مني ههههههههههههه وش حوست عليه ملقيتوش خترعت جهاز بي زقوى عوجتو على شكل U و لكن في خدمة جني صعيب شوية لازملو حجا باش تشد الخدمة وبي مسعدت أختي أم ضوحى جبتلي فكرة بي الاحدية المنزلية ماتضحكوش عليا
والله جربت بيها وخدمت الشل لي بنتي

وكذليك صدور خرجلي روعة
غدا نحطهولكم معنديش دورك باش نصور الصدر
وهوليك جهاز هههههههههه
حشكم



يلزمنا قطعتين

نعمل ثقوب حوالي 1سنتيمتر في القطعتين

الثقوب يخلينا نغير حجم الشغل والقطعة المراد عملها






وش معجبكومش حكيت بزاف
علابالي عجبكم يلة ديرو للشان باش نعملكم ورشة

[janino]

يعزك اختى و كما يقولو الحاجة ام الاختراع و حنى شعب نحبو نختارعو دوريجين يلا شدى الهمة و حنا معاك انا تانى حابة نتعلم و نعمل شال جزاك الله كل خير و بركة

[amiramirna]

انا اني حابة نتعلم عجبني بزاف بصح مافهمتش هاذيك الكلاكيت و السلك
ساعفيني غير بشوية
ربي يهنيك و يسترك

[amira79]

انا اني حابة نتعلم عجبني بزاف

[ahlam2060]

مساء الخير
اختي كرونو انا ثاني حابة نتعلم
بصح يا اختي ما فهمت والو

[منارة الوفاء]

والله يقلك الحاجة أم الإختراع يعطيك الصحة خرجلك هايل وبصحتها بنتك
ورانا اهنا مكانش قاع الي تقول لالا عندنا الماشاريار مهرسة ههههههههههههههههههه هاردي بالك ههههههههههههه
الى الأماااااااااااااااااااااااااااااااااااااااااااااا اااااااااااااااااااام
ربي يقدرنا ان شاء الله ومشكورة حبيبتي على كل المجهودات التي تقومين بيها من أجل إثراء هذا القسم بالجديد بارك الله فيك

[زهرة الهضاب 19]

و الله رائع أستاذة كرونو يعطيك الصحة و ماناش رايحين نقولو لا على الورشة

تحياتي

[أم ياسين الزهراء]

واووووووو الفكرة هايلة وهكى نروح نحوس على كلاكيت الاولاد ونقسمها على زوج وكيقيقو نقلهم كورنو هي اللي قاليتي هههههههههههههه ربي يسهل عليك


بصح حنونة غير بلعقل كيفاش نبدا وكيفاش نخلص

الشال تحفة الله يعطيك الصحة

وحقى قوليلي هذي العفسى تاع الفورش تتباع عندنا هنا

[أم أمين2007]

جازاك الله كل خير
والله فكرة رائعة

[polyma]

مساء الخير
اختي كرونو انا ثاني حابة نتعلم وووووووووووووووووو معندي منقول مبدعة

[كرااميلا85]

اولا صباح الفل والياسمين
ثانيا شكراااااااااااااااااااااااا ألف ألف شكر على الاهتمام
ان شاء الله نكونو قدها انا حابة نشوف طريقة عمل الصدر راني موجدة الحاشية 0.5
وضرك نزيد نوجد هذا الجهاز العجيب
ان شاء الله نفرحوك بتطبيقاتنا

[staifia]

مساء الرقة والاحساس
فكرة رائعة وعجبتني بزاف بصح مفهمتش مليح
هدا الفورش زعما وشنهي
وهداك الخيط وسمو ؟؟؟

[ام عبيدة]

شكرا جزيلا

[أم ضحى]

السلام عليكم
آسفة نورمال مون نكون أول من يرد لكن لظروف معينة تأخرت
قد ما نشكرك مانوفيش راني حابة نتعلم هذا الفن الجميل وماصبتش كيفاه
علمينا تربحي الأجر
ومادابينا نبداو الورشات كيف كيف

[crono]

المشاركة الأصلية كتبت بواسطة amiramirna

انا اني حابة نتعلم عجبني بزاف بصح مافهمتش هاذيك الكلاكيت و السلك
ساعفيني غير بشوية
ربي يهنيك و يسترك

المشاركة الأصلية كتبت بواسطة ahlam2060

مساء الخير
اختي كرونو انا ثاني حابة نتعلم
بصح يا اختي ما فهمت والو

وش مفهمتوش حكيتلكم قصتي وبما مكاش الفورش تتباع عندنا هنا حولت باش هاد الخدمة متمتوتش درت كل تجريبة باش نقدر نخدم بيها
أنتمة معليكم توجدو كلاكيت وقطعها كما عملتلها وجدو روحكم باش كي نبدة ورشة مكاش لي قولي معنديش باش نخدم مجيبليش سبة

المشاركة الأصلية كتبت بواسطة أم ياسين الزهراء

واووووووو الفكرة هايلة وهكى نروح نحوس على كلاكيت الاولاد ونقسمها على زوج وكيقيقو نقلهم كورنو هي اللي قاليتي هههههههههههههه ربي يسهل عليك


بصح حنونة غير بلعقل كيفاش نبدا وكيفاش نخلص

الشال تحفة الله يعطيك الصحة

وحقى قوليلي هذي العفسى تاع الفورش تتباع عندنا هنا

حمدوالله كي فهمتني هههههه متخفيش نروح معكم بلعقل وجدها أحطيها في جهة
لالا حوست عليها ملقيتهاش تتباع عندنا زعمة وسيتهم اجبوهلي من فرنسة ونا منقدرش نستنا منا حت صيف
ولا عندك كاش واحد في خرا ج وسيهم يجبوهلك أمتنسينيش جبلي معك هههههههههه

المشاركة الأصلية كتبت بواسطة staifia

مساء الرقة والاحساس
فكرة رائعة وعجبتني بزاف بصح مفهمتش مليح
هدا الفورش زعما وشنهي
وهداك الخيط وسمو ؟؟؟

الفورش هيا حديدة على شكل U
وهادك صوف رقيقة خدمت بيها شال

المشاركة الأصلية كتبت بواسطة أم ضحى

السلام عليكم
آسفة نورمال مون نكون أول من يرد لكن لظروف معينة تأخرت
قد ما نشكرك مانوفيش راني حابة نتعلم هذا الفن الجميل وماصبتش كيفاه
علمينا تربحي الأجر
ومادابينا نبداو الورشات كيف كيف

حمدوالله وفيت بي لي وعتكم به
معليش كل واحد وضروف حمدوالله راكي بيخير
سي نغمل نبدو الورشة كيف[/QUOTE]