ساعدوني الحمص جاني يابس

[wafaalgerie24]

حبيت اليوم نجرب الحمص مرقة
خليتو يبات في الماء من البارح الصباح واليوم راني قاعدة نطيب بيه عندو ساعتين وهو يطيب ومازالو يابس لقيت ناس تقول بالكاربونات ولكن ماعنديش في الدار وش نديرلو

[MIDOU.MIMI]

المرة الجاية إذا كنتي مزروبة و معندكش حمص مشمخ
ديري حمص جاف +ماء+فنجان خل يغلي +شلليه ثم طيبي بيه
طريقة أعطتهالي طباخة في لعراس

[wafaalgerie24]

المشاركة الأصلية كتبت بواسطة midou.mimi

المرة الجاية إذا كنتي مزروبة و معندكش حمص مشمخ
ديري حمص جاف +ماء+فنجان خل يغلي +شلليه ثم طيبي بيه
طريقة أعطتهالي طباخة في لعراس

ربي يحفظك اختي راني خرجتو وغاليتو بالخل ربع ساعة وشليتو كيما قلتلي ورجعتو للبرمة ربع ساعة طاب ربي يحفظك مع انو كان مرنخ من قبل

[tiaretia]

اختي دريلو خمارة نتاع القاطو يطيب بسيس

[wafaalgerie24]

المشاركة الأصلية كتبت بواسطة tiaretia

اختي دريلو خمارة نتاع القاطو يطيب بسيس

ربي يحفظك اختي على النصيحة الجميلة

[غزة في عيوني]

حنونة هدي المرة ديري ملعقة سكر لكل الحبوب الجافة لما ماتطيبش

[MIDOU.MIMI]

Bella mezia
دعوة الخير في ظهر الغيب

[كريمة كوكة]

في المرة الجاية ان شاء الله شمخي الحمص بعد ما تغسليه مليح أو أي نوع من الحبوب الجافة في ماء سخون+ ملح+ بيكاربونات و غطيه و في الغد طيبه عادي بالماء نتاعو اللي تشمخ فيه و يذا ما طيبتيهش خبيه في المجمد في علبة أو كيس غذائي هاذي هي طريقتي و قت ما نحتاج نطيب نجبد عدس أو حمص
و بالتوفيق دعوة خير في ظهر الغيب تكفي و ان شاء الله نكون أفدت الجميع.

[ام حسا الدين]

السر باش يطيبولك الحبوب بعد ما تشمخيهم في الليل الصباح دوزنيه عادي والسر انك تغلي الماء مليح حتى يعود يتقالب ومن باعد مرقي بيه ،للامانة جربي وقوليلي

[wafaalgerie24]

ربي يخليكم كلها معلومات رائعة راني ندعيلكم

[nahla2015]

معليش تمدولي دواء نتاع العدس والحمص باش يجي بنين
راني منطيبش مليح

[ibtihal18]

اختي السر فالبنة تع الحبوب هو نوعيتها اذا نوعها مليح و تطيب كي الزبدة يجي بنين و تاني الصوص لازم يكون ملبي ما يكونش ماوي يعني فيه الما بزاف
شوفي انا بالنسبة للعدس و الاغلبية نطيبو بلا لحم بلا دجاج نقلي البصل و ثوم و شوية معدنوس و شوية بطاطا و حبة طماطم مرابية فالزيت و تملحها طبعا و زيدي التوابل اللي راكي تطيبي بيهم و مرقي من بعد ما تتقلى و كي تغلي مليح ارمي لعدس و خليه يطيب على نار قليلة و هذا السر الشي اللي يطيب على نار هادية يجي بنين خير ملا تطلقي عليه النار و كل مرة تزيديلو الما هكذا رح يسماط و انا تاني عندي المشكل تع الما ما يطيبليش الحبوب وليت نسخن الما قبل ما نطيب ب 2 سوايع و نحط فيه العدس بعد ما نكون نقيتو و نحطلو لالوفير و ما تنسايش تاني تقشريه و ارمي الماء و القشور اللي كان فيه و غسليه 2 مرات او اكثر بالماء سخون مليح هكذا يجي هايل على خاطر كاين اللي ما يقشرش العدس هذي طريقتي ربي سهلك و تاني العفسة تع البطاطا فالتقلية جبتها من دار شيخي يجيك الصوص خاثر

[أم الحبايب 26]

يعطيكم صحا لبنات حتى انا ستفدت من معلومات ربي يجازيكم اانا اعوذو بلله من كلمت انا ماء سخون لندير فيه عدس ندير فيه باكي خمارا ونخليه ينتفخ فيه من بعد نحكو ونحلو قشورو

[دائمة الحمد]

كي تحطي الحمص يطيب ديري معاه ربع م ص خميرة الحلويات راح يطيبلك زبدة

[جنة الفردوسْ]

Midou.mimi مشكورة