ردود و نصائح افيدوني لا احتمل اكثر

[samasima]

والله ما فهمت شيء غير مشاكل واش من حب هذا عذاب .................الخ
أنا ما نحب ما نعاني هكذا راني مليحة

[اسما88]

والله غير عندك الحق واش من حب هدا خلينا

[fatih84]

يا اخي واش رايح نعمل راني قادر رجعها مبصح المشكل الكبير بابا لو كان يشوفني نشوف عندها و لو من بعيد رايح نسلكها غالية راهو يهدد فيا و يقولي بعد عليها الهدف نتاعو يفرق بيناتنا كرهلي حياتي و ديما يهدر عليها غير الهدرة لي موش مليحة دون سبب راهو إنسان معقد

[اسما88]

السلام عليكم يااخي الفاضل مزالك صغير اعلاه راك اتعيى فى روحك شوف والدك علاه راه رافضها حاول تعرف السبب ومتنساش هدا والدك مهما فعل يحبلك الخير وانت ايضا مدنب لانك راك تشك فيها وعندها الحق تزعف وقول لوالدك اياك وقدف المحصنات حرام عليك

[fatih84]

راهو رفضها لأسباب تافهة

[امل لا ينتهي]

السلام عليكم ورحمة الله وبركاته


اخي الفاضل
احيانا يعمينا حبنا للاخر عن عيوب وسلبيات ترتبط به او حت بعلاقتنا ككل
لا اقول ان تترك الفتاة فقط لانك سمعت كلاما من هنا وهناك
والله وحده يعلم السر واخفى
لكن

ماخاب من استخار واستشار
استخر وادع الله جل وعلا ان ييسر لك مافيه خيرك وصلاحك وتقاك
وان كان الخير في زواجك منها فسبحانه له وسائله لتذليل الصعوبات

استشر اناسا تعرفهم وتثق بحكمهم ورجاحة عقلهم
والى حين تقريرك الافضل عن تبتعد وتقطع صلتك بها

وربي يجيب الي فيه الخير لكليكما

موفق لكل خير

[الحنين إلى الماضي]

اضن يا اخي من خلال كلامك أنها بريئة ولا يجب ان تعاتبها وتتهمها كثيرا 4 سنوات كافية باش تعرفها من خلال تصرفاتها وكلامها يجب عليك ان تتخذ قرارا حاسما وتستخير الله فإذا ارتحت فاذهب الى خطبتها يا أخي حراااام عليك ضيعتلها 4 سنوات من حياتها راك انت وحدك شهرت بيها عند الناس فلهذا استر عليها وزيد على حكاية الحجاب راهي صغيرة وأغلب البنات هذا هو الوقت لي تدير فيه الحجاب يعني وقت الثانوية ....ربي يهديك بلاك ابوك عندو سبب ممكن عندو عداوة بينو وبين ابوها او أخوها ...
وحتى وان غلطت في شيء فلا تقول عنها انها ليست متخلقة فهذه مرحلة المراهقة ولو كان جات صح على علاقة برجل آخر كانت تبان فيها واصلا هي في روحها ما تستمرش معاك ...أدعي ربي باش أبوك يرضى بيها .....ربي يهدينا ...

[fatih84]

المشاركة الأصلية كتبت بواسطة الحنين إلى الماضي

اضن يا اخي من خلال كلامك أنها بريئة ولا يجب ان تعاتبها وتتهمها كثيرا 4 سنوات كافية باش تعرفها من خلال تصرفاتها وكلامها يجب عليك ان تتخذ قرارا حاسما وتستخير الله فإذا ارتحت فاذهب الى خطبتها يا أخي حراااام عليك ضيعتلها 4 سنوات من حياتها راك انت وحدك شهرت بيها عند الناس فلهذا استر عليها وزيد على حكاية الحجاب راهي صغيرة وأغلب البنات هذا هو الوقت لي تدير فيه الحجاب يعني وقت الثانوية ....ربي يهديك بلاك ابوك عندو سبب ممكن عندو عداوة بينو وبين ابوها او أخوها ...
وحتى وان غلطت في شيء فلا تقول عنها انها ليست متخلقة فهذه مرحلة المراهقة ولو كان جات صح على علاقة برجل آخر كانت تبان فيها واصلا هي في روحها ما تستمرش معاك ...أدعي ربي باش أبوك يرضى بيها .....ربي يهدينا ...

راك فهمتيني مليح راني ديما نفكر هكذا

[oussama_b]

اخي ما دمت لم تقدر حسم الراى في ما قاله الاب عنها معناها انك انت في حد داتك تشك بها فنصيحتي اليك هي صلاة الاستخارة لانه لا خاب من استخار

[بحر الجروح]

ربي معاك ياخويا الي يحب دائما يعاني ومدام 4سنين معناها راك تعرفها مليح خاف ربي في باباك وفيها مزالكم صغار وتقنعوه انا نعرف ناس عاشو فالرفض 11سنة واليوم راهم متزوجين وربي كتبهم لبعضاهم هذا وانصحك ماتفرطش فالعشرة الي تعرفو خير من الي ماتعرفوش حاول تنسي باببك شوية وعاود قلو بلاك يقبل وربي يعاونك .تقبل تحياتي .رايي جاء متاخر اعذرني بصح بلاك ينفع

[البريئة]

عندي حوالي شهر ملي اقريت احكايتك و امنين ذاك اجي في بالي ، مرا انجي امعها مرا مع بابك مي هي اتغيضني بزاف بارسوكو ادا مديتهاش انت اصعيب اعليها الحال ، المهم رب يسهل وانشاء الله برك اتخبرنا وين اوصلتوا

[fatih84]

المشاركة الأصلية كتبت بواسطة البريئة

عندي حوالي شهر ملي اقريت احكايتك و امنين ذاك اجي في بالي ، مرا انجي امعها مرا مع بابك مي هي اتغيضني بزاف بارسوكو ادا مديتهاش انت اصعيب اعليها الحال ، المهم رب يسهل وانشاء الله برك اتخبرنا وين اوصلتوا

عندنا شهر كل هذا في حالو حتى السلام مكانش كل هذا في حالو و راهي تحاول فيا نرجعو انا قلتلها مستحيل خلاص او خليتها

[fatih84]

زيد عندها صديقتها تحبني أكثر منها و أنا رفضت و راهو مشكل جديد خاطر صديقتها هذي أفضل منها خلقا و خلقا و تحبني أكثر منها و هذا هو الشىء لوصلتلو و هي على علم بلى صديقتها تحبني و الشيء لي ما فهمتوش انا كنت نتوقع تبعد على صديقتها هذي كي تعرف بلي صديقتها تحبني مبصح العكس دائما معاها و الله راني حاير

[البريئة]

دوك انقولك اعلاه صحبتها اتحبك بزااف ، اتحبك بزاف بارسوكو هي تمدحك ليها بزاف من قوة اللي اتحبك

[fatih84]

لالا صحبتها تعرف واش بيناتنا بجميع التفاصيل الغيرة خلاتها تعمل هكذا باش نكون ليها مع العلم انها هي لي صارحتني و قالت اقسم بالله العلي العضيم نحبك و علابالها بلي نحب صديقتها مانيش فاهم الدوافع نتعها و ضرك هما في 2 خليتهم حتى السلام مكانش مع العلم انهم دائما مع بعض و انا نشوف بلي لازم يتفارقو لازم يكونو أعداء موش أصدقاء هذا الشيلي محيرني أكثر و ما قدرتش نفهم