هل تستطيع تطبيقها في حيّك ؟ ............ تحدي

zokhrofa · 2018-02-22, 22:08

السلام عليكم و رحمة الله وبركاته

في الحقيقة هذا مشروع انا راني حابة نديرو في حومتي لكن قلت لما لا اشاركه مع الجميع ربما يسبقني الكثيرين في فعله

كما سبقني بعض الاخوان في بعض الولايات

المشروع هو خزانة كتب

نضع فيها كتب متعددة الاختصاصات و لكل الشرائح العمرية

الترتيب يكون في الأعلى للكبار

في الوسط للمراهقين

في الاسفل للأطفال

كي لا يمس الأطفال مواضيع تكبرهم

نكتب

في ورقة ضع كتاب و خذ كتاب

ما هو رأيكم في هذه الفكرة ؟

جَمِيلَة · 2018-02-22, 22:46

السلام عليكم ورحمة الله وبركاته
مرحبا أختي زخرفة
نعم هذه الفكرة مطبقة في ولايتنا والخزانة مملوءة بالكتب
فمن يريد أن يقرأ اي كتاب عليه أن يحضر واحدا بدوره ويستبدله بآخر
لتعم الفائدة
أتمنى لكم التوفيق في مدينتكم أختي
تحياتي

zokhrofa · 2018-02-23, 01:00

اه مليح تقدري تحطيلنا صورتها لو تفضلتي؟

mokhtaro · 2018-02-23, 11:07

بارك الله فيك
فكرة طيبة لكن الخوف أن يأتي شخص يأخذ كل الكتب ولا يضع أي كتاب (لص :d)
للأسف نحن في زمن حتى المساجد لم تعد تسلم من السرقة
فكرتك جيدة لكن في رأيي يجب الاحتياط بأن توضع في مكان امن وتحت حراسة
أو أن توكل المهمة لصاحب محل أو مكتبة مأمون يضعها في محله ويضع عليها اللافتة كما قلت (من باب الحيطة)

هناك فكرة مشابهة نشرها صاحب محل بقالة في الفايسبوك وهو بوضع صناديق اضافية يتبرع فيها المشترون بشيء من مصاريفهم (خضر) وتوضع عليها لافتة بعنوان (اذا لم تكن تملك المال فخذ ما تحتاجه من هذا الصندوق) لمساعدة الناس الفقراء

zokhrofa · 2018-02-23, 12:03

كل الاحتمالات واردة و لو كان التخوّف من اللصوص و لي ما يخافوش ربي صراحة ما نديرو والو خير

انا فكرت في كل الاحتمالات و بالنسبة لحييّ الحمد لله محروس و خممت نديرها في مكان يكون على مرئ الجميع و نقدر حتى انا نطل من الطاقة و نشوفها ^^

و طبعا خممت انو الخزانة تكون مصمرة في الأرض بشكل محكم

و اذا قدر واحد يدي كامل الكتب بصحتو يقرا برك ^^

في حالة ما سرقو الكتب نحطو وحدوخرين حتى يترفه السارق و يولي يشريلنا هو الكتب ^^

على كلٍ انا نامن انو ربي اذا وفقنا حاجة ما تصرالها كيما لي راهم محطوطين في مكان عمومي و حاجة ما صراتلها

شفت اضن في تلفاز وحدة في ولاية البليدة على ما أضن المكان اسمو ساحة التوت و تبان ساحة عمومية و الشعب رايح جاي فيها و ما سرقوها ما والو

ربي يوفقنا و خلاص

و كيما ندعو ربي يوفقنا نديروها ندعو ربي يحميها من كل اذى

بن حفاف علي · 2018-02-24, 19:42

فكرة رائعة تنقص مجتماعتنا للأسف
اتمنى ان تلقى صدى كبير في وسط ذوينا
بارك الله فيك على هذه الفكرة الطيبة

rejine · 2018-02-25, 09:16

السلام عليكم
جاتني فكرة
علاه منديروش فيها جيها ندخلومنها لكتاب يخرج كتاب اوخر من جيهة لوخرا بصح لازملها تصميم و تخطيط

zokhrofa · 2018-02-25, 11:35

شكرا على مروركم العطر

ايه رجين الفكرة جميلة جدا لكن هل يمكن تطبيقها على خزانة ماشي غالية ؟

خاطش كان نديروها كهربائية راح نخسرو فيها بزاف دراهم

لازم تخطيط واحد شاطر في النجارة ههههه