::::::ماهو أحساســـــــــــــــك بعدما كمـــلت البكالوريــــ2014ــا::::::

[bachir94]

البسملة1



كملنا الباكك وتهنيننا وكل واحد دير لي عليه ما بقالنا والو غير الدعاء والتوسل الى الله عز وجل

أوصي الذكور الذين يصلون في أيام الاك فقط أصيكم أن تجعلوها فرصة لتوبة نصوحة أما الاناث فأوصيكم

بالكووزينة تهالاو فيها مليح معادش عندكم حتي عذر درك .. أمزح حتى أنتم أوصيكم بعدم ترك الصلاة والعبادات التي كنتم تؤدونها ايام الباك. فالآن قد حان وقت التمسك بالله والآن يعرف المؤمن الحقيقي...

المهم أنا أحس بالفراغ وبديت نسترجع في الأيام التي عديتها في الباك يوم بيوم ونتفكر في الأساتذة واش كانو

يقولولنا حسيت أن الباك كانت تجربة بسيطة , كان ماعجبنيش المعدل نتاعي نعاودها العام الجاي ان

بقيت من الأحياء المهم كل واحد يقوللنا واش الإحساس نتاعو بعد ما دخل لقا الأوراق مبعثرة لي كان يقرا بيها و كي

شاف البلاصة لي كان يراجع فيها ....:confu sed:


ان شاء الله ننجحو كامليييين

[زَيْنَب ♥●٠·˙]

حسيت روحي درت لي عليا
و ماني مندمة على حتى حاجة
غير يهبطلي المورال نتفكر بلي خدمت مليح فالرياضيات

[biba_g]

ما نعرف وش بيا عندي رغبة في البكاء الشديدْ........الرياضيات والفيزياء "كارثة"..على كل الحمد لله ياربي هذا وش كتبلي ربي
..
انا الآن درت وش قدرتْ...هذا هو مجهودي....كيما قلت بقالنا ندعيو ربي يسهلها علينا وان شاء الله صدمة النتائج تكون خفيفة .

[NaTaLiE]

سلامــــ
أشعر بأن جبلا إنزاح عن كتفــــي ـ
الغرفة راهي مقلبة ++ لم و لن ألمس فيها شيئا هههه

تبقى فترة إنتظار المعدلات صعبة نوعا ما ..

لكن

الحمد لله حمدا كثيرا ، ولي فيه الخير يجيبوا ربــّي

[سوفـي 39]

رأسي ثقيلٌ جداً حالياً

[la duchesse]

في خاطري نبكي

[زَيْنَب ♥●٠·˙]

لاحول ولا قوة إلا بالله
راكم تهبطو المورررررررال
علاش راكم حابين تبكيو

[اريج الاخلاق]

انا انتظر في كلمة

[bachir94]

المشاركة الأصلية كتبت بواسطة زَيْنَب ♥●٠·˙

حسيت روحي درت لي عليا
و ماني مندمة على حتى حاجة
غير يهبطلي المورال نتفكر بلي خدمت مليح فالرياضيات

ربي يوفقك ان شاء الله

المشاركة الأصلية كتبت بواسطة biba_g

ما نعرف وش بيا عندي رغبة في البكاء الشديدْ........الرياضيات والفيزياء "كارثة"..على كل الحمد لله ياربي هذا وش كتبلي ربي
..
انا الآن درت وش قدرتْ...هذا هو مجهودي....كيما قلت بقالنا ندعيو ربي يسهلها علينا وان شاء الله صدمة النتائج تكون خفيفة .

خليها على ربي برك كل رانا كيف كيف من ناحية

المشاركة الأصلية كتبت بواسطة natalie

سلامــــ
أشعر بأن جبلا إنزاح عن كتفــــي ـ
الغرفة راهي مقلبة ++ لم و لن ألمس فيها شيئا هههه

تبقى فترة إنتظار المعدلات صعبة نوعا ما ..

لكن

الحمد لله حمدا كثيرا ، ولي فيه الخير يجيبوا ربــّي

ربي يوفق ان شاء الله

[yasmine-algerienne]

راني حاسة روحي تعبانة بزاااف مانيش قادرة نتحرك كامل
الحمد لله درت لي عليا ولي شاف فيها ربي الخير راهي تجي إن شاء الله
أما الكراريس والأوراق راه كلش مخلط في بعضاه خلي حتى نرتاح أيامات شويا ونشوف حالهم ههه
ربي ينجحنا كامل إن شاء الله

[شعلة الطموح]

ههههههههههههههههههههه توحشت الكوزينة تاع الصح مانيش مامنة بلي خلصنا الباك بانتظار النتائج

[سماح 2]

هههه وي الكوزيــــــنة والشغــــل لوول

[زَيْنَب ♥●٠·˙]

كلما نتفكر بلي ابي قشر البطاطا في بلاستي
نموت بالحشمة

[خديجة 90]

يا يماااا فكرتني فالكوزينة ماما راهي ليا بالمرصاد ماعندي حتى حجة درك
ربي يوفقنا انا درت اللي عليا و راني متفائلة تفاءلوا خيرا تجدوه

[jigi]

راني فرحانة بزاف مانيش مأمنة بلي كملنا هم وانزاح هههههه قتلي يما دركا متزيديش تجبديلي على لقرايا خلاص نساي .....نتمى كامل نجحوا و لي فيها الخير ربي يجيبها الباك كان تجربة ممتعة واستمتعنا (بدون ذكر الأيام السيئة) المهم دركا نوجدوا لرمضان لي راه قرب