مواد التنظيف و خلطات التنظيف

[douki23]

بارك الله فيك على الموضوع

[أم أيمن الحبيب]

شكرا جزيلا على الإفادة أنا ما كنتش مواضبة على أنواع معينة والآن بديت نجرب من خلال تجاربكم باش نستقر على أفضل مواد للتنظيف حبيت نستفسر استعملت مؤخرا العملاق الأخضر لتنظيف جدران الحمام وأرضيته هل لازم نحط كمية على المساحة مباشرة ثم نحك أم يكفي وضع كمية في الماء وهل يضر الأيدي أنا استعملته بدون قفاز
في الحقيقة هو ينظف الأوساخ وريحته جيدة. اللي تستعمله تفيدني وتقلي من فضلها فواه جرباته وكيفاه وربي يجازيها خيرا

[sissi525]

جزاكن الله خيرا على هذه المعلومات المفيدة.

[لجين وفاء]

واللهي حبيت نجدد الموضوع بسؤال
أخواتي أنا الجوانات تاع لدال دوصول في الكوزينة كحالو حبيت تعاونوني بمنظف جربتوه يعاود يبيضهم من جديد
ماتقولوليش روح الملح راه قاوي بزاف ويطلع الريحة واعرة على لولاد

[لجين وفاء]

محبيتوش جاوبوني ماعليش
أنا درت الكوراج حوت شريت بعض مواد التنظيف واللهي نفعني نظاف الي القرعة تاعو صفرة بيضلي لجوانات ولاو يشعلو نصحني بيه الراجل وقالي مهوش مثل روح الملح ريحتو خفيفة ومايشهبش دلال دوصول
وشربت action wc ماعجبنيش المرحاض أكرمكم الله بقول ليطاش كيما رآهم بصح ردو يبرق تبانلي مليح للتنظيف الخفيف ماشي العميق شكون الي نظفلي نظاف الأصفر رجعو جديد
نزيدكم ولا نخلفهالكم الي سمطتوني
شريت force express البرتقالي كلمة روعة قليلة فيه مزيل الدهون بامتياز للكويزينيار كاملة وليزيليمون الخشب نحالي ليدام الي للصقلي من الطياب حتى الطناجر ولاكوكوط والمقالي روعة بصح للاينوكس ولا للالمنيوم الملونين ماعلاباليش لكان مليح ليهم وجال العملاق الاخضر ريحتو عادي معجبتنيش بزاف كيما شكروها بصح الفايونس والرخامة تاع البوتاجي ولات تشعل حتى لافابو تاع الدوش ولابينوار مليح ونفضت بيه الحيوط خرجو يشعلو
وحبيبي bingo ريحة تهبل تقعد في القش ومايشهبش الألوان بالي ينعمهم أيضا كنت نستعمل اريال شهبلي حوائج راح فسد خلاص ومزيدا الغبار والزجاج نستعمل actionلباس بيهم والسلام ختام

[chiraz16]

المشاركة الأصلية كتبت بواسطة لجين وفاء

محبيتوش جاوبوني ماعليش
أنا درت الكوراج حوت شريت بعض مواد التنظيف واللهي نفعني نظاف الي القرعة تاعو صفرة بيضلي لجوانات ولاو يشعلو نصحني بيه الراجل وقالي مهوش مثل روح الملح ريحتو خفيفة ومايشهبش دلال دوصول
وشربت action wc ماعجبنيش المرحاض أكرمكم الله بقول ليطاش كيما رآهم بصح ردو يبرق تبانلي مليح للتنظيف الخفيف ماشي العميق شكون الي نظفلي نظاف الأصفر رجعو جديد
نزيدكم ولا نخلفهالكم الي سمطتوني
شريت force express البرتقالي كلمة روعة قليلة فيه مزيل الدهون بامتياز للكويزينيار كاملة وليزيليمون الخشب نحالي ليدام الي للصقلي من الطياب حتى الطناجر ولاكوكوط والمقالي روعة بصح للاينوكس ولا للالمنيوم الملونين ماعلاباليش لكان مليح ليهم وجال العملاق الاخضر ريحتو عادي معجبتنيش بزاف كيما شكروها بصح الفايونس والرخامة تاع البوتاجي ولات تشعل حتى لافابو تاع الدوش ولابينوار مليح ونفضت بيه الحيوط خرجو يشعلو
وحبيبي bingo ريحة تهبل تقعد في القش ومايشهبش الألوان بالي ينعمهم أيضا كنت نستعمل اريال شهبلي حوائج راح فسد خلاص ومزيدا الغبار والزجاج نستعمل actionلباس بيهم والسلام ختام

يعطيك الصحة اختي على هاد المعلومات انتي انسانة ماتبخليش على الاخرين ربي يجازيك